သိမ်မျိုးစုံမဟာဋီကာ/သမာနသံဝါသက သိမ်သမုတ်ပုံပြခန်း

by ကျွန်းရွာတောရဆရာတော်

←၁၁၃။ ဝိနယဓရ လုပ်လိုသူတို့ ဗဟုသုတဂန္တန္တရစုံ လေ့လာရပုံ ပြခန်း

သိမ်မျိုးစုံမဟာဋီကာကျမ်း by ကျွန်းရွာတောရဆရာတော် ၁၁၄။ သမာနသံဝါသက သိမ်သမုတ်ပုံပြခန်း

၁၁၅။ အဝိပ္ပဝါသ သိမ်သမုတ်ပုံကို ပြခန်း→

     ဤသို့စသော ဂုဏ်တော်များတွိ၏ တည်ရာဖြစ်သော မိုင်းခိုင်းဆရာတော်၊ ကျီဝန်ဆရာတော်၊ ရွှေရေးဆောင်ဆရာတော်၊ ဆရာတော် ဦးရန်ကုန်၊ မဟာဝိသုဒ္ဓါရာမဆရာတော်၊ မန်လည်ဆရာတော်၊ စလင်းဆရာတော်၊ ပုဂံအတွင်းဝန် သုဓမ္မာဆရာတော်၊ မင်းရွာဆရာတော် စသောဆရာတော်တို့၏သဒ္ဓိဝိဟာရိက အန္တေဝါသိကတပည့်။ (၄ ) မြို့ ဂိုဏ်းချုပ်-သုဓမ္မာဝင် ကျွန်းရွာတောရ ဆရာတော်ဘုရားကြီးသည် အဝိပ္ပဝါသကမ္မဝါစာမဖတ်ပဲ ဌာန်ကရိုဏ်း ပယတ်၊ ဗုဒ္ဓနဗုဒ္ဓိဆယ်ပါး ကျနပီပြင်စွာ သမာနသံဝါသက ကမ္မဝါစာကို ကျောက်ဆောက်ဂိုဏ်းအုပ် ဆည်ကုန်းဆရာတော်ကြီး၊ တောင်သာဂိုဏ်းအုပ် မြင်းတည်းဆရာတော်ဘုရားကြီးတို့ ပထမအကြိမ်ဖတ်တော်မူကြသတည်း။

     ထိုနောင် ပါဠိမြန်မာဝိနိစ္ဆယကျမ်းဂန်တို့၌ လေ့လာပြီးသော သီလ သမာဓိ ပညဝန္တ သပ္ပုရိသအင်္ဂါ ပြည့်စုံစွာသော ရေစကြိုမြို့ နဂါးရုံဆရာတော်ဘုရားသည် တစ်ပါးတည်း ထိုအတူ ဒုတိယအကြိမ် ဖတ်တော်မူသတည်း။

     ၎င်းနောက် ၄င်းဂုဏ်နှင့် ပြည့်စုံတော်မူသော ဟင်္သာတမြို့ ဓမ္မိကာရုံဆရာတော်ဘုရားသည် ထိုအတူ တတိယအကြိမ် ဖတ်တော်မူသတည်း။

     ထိုနောက် ထိုဂုဏ်လေးပါးနှင့် ပြည့်စုံတော်မူသော ရန်ကုန်မြို့ ဗင်္ဂလားတိုက် စကားဝါပင်ကျောင်းကြီး ဆရာတော်ဘုရားကြီးသည် ထိုအတူ စတုတ္ထအကြိမ် ဖတ်တော်မူသတည်း။ ထိုနောင် ထိုဂုဏ်လေးပါးနှင့် ပြည့်စုံတော်မူသော မဘဲဆရာတော် ပုသိမ်ဆရာတော်ဘုရားတို့သည် ပဉ္စမအကြိမ် ဖတ်တော်မူသတည်း။

     ထိုနောင် မဟာဓမ္မိကာရာမတိုက် ကျွန်းရွာကလေး ဆရာတော် ဝေဇယန္တာဆရာတော်၊ ကျွန်းရွာတောရ တိုက်အုပ် ဆရာတော်ဘုရားတို့သည် ဆဋ္ဌမအကြိမ် ဖတ်တော်မူကြသတည်း။

     ထိုနောင် ဟင်္သာတ ကျွန်းကုန်းဆရာတော်၊ ညောင်လေးပင် ဆရာတော်၊ ခံပင်ရွာဆရာတော်ဘုရားတို့သည် သတ္တမအကြိမ် ဖက်တော်မူသည်။

     ထိုနောင် တောင်တွင်းကြီးဆရာတော်၊ မြင်းခြံတပ်ကုန်း ဆရာတော်၊ မြင်းတည်းဆရာတော် တို့သည် အဋ္ဌမအကြိမ် ဖတ်တော်မူသည်။

     ထိုနောင် ထန်းပင်ကျန်ဆရာတော်၊ ပြည်ဆရာတော်၊ ပုသိမ်ဆရာတော်တို့သည် နဝမအကြိမ် ဖတ်တော်မူသည်။