သိမ်မျိုးစုံမဟာဋီကာ/ရတနာပူရ စတုတ္ထမြို့တည် ဘကြီးတော် သိမ်အမိန့်ပေးပုံ ၂-မျိုးပြခန်း
| ←၄၃။ အင်္ဂလိပ်မင်းတို့ ဝိသုံဂါမပေးပုံ ပြခန်း | သိမ်မျိုးစုံမဟာဋီကာကျမ်း by ၄၄။ ရတနာပူရ စတုတ္ထမြို့တည် ဘကြီးတော် သိမ်အမိန့်ပေးပုံ ၂-မျိုးပြခန်း |
၄၅။ ပဉ္စမသံင်္ဂါယနာတင် မင်းတရား သိမ်အမိန့်ပေးပုံ ၂-မျိုး→ |
ရတနာပူရ စတုတ္ထမြို့တည် မဟာဝိဇယရံသီ စေတီတော် ဒါယကာ ဘကြီးတော် ဖလ်နန်းရှင် မင်းတရား လက်ထက် ဝိသုံဂါမ မြေစား ပေးပုံ အမိန့် တော်။
ပင်းတလဲမြို့ ကျေးစည်ကြီးဆွဲရွာ၊ ပတင်းရွာ ကျောင်းနေ ရှင်တေဇဝန္တ ရှင်ဝရမဉ္ဇူတို့က သံဃာတော်တို့ကံကြီးကံငယ်ဆောင်ရွက်ရန် သိမ်မရှိပါ။ စည်ကြီးဆွဲရွာ ဘုရားရှင်က-သည် ပတ်လည်တာ (၂ဝါ)စီ မြေရန်ကို စည်ကြီးဆွဲရွာ မြေတိုင်း ငရွဲကို ဝိသုံဂါမမြေစား သနားတော်မူ၍ သိမ်သမုတ်ပါရမည့် အကြောင်း ပတင်းရွာကျောင်းတိုက် အရှေ့ အနောက်တာ (၄ ဝါ)။ တောင်မြောက် (၅ဝါ) မြေအရံကိုလည်း ပတင်းရွာနေ ငနုကို ဝိသုံဂါမမြေစား သနားတော်မူ၍ သိမ်သမုတ် ပါရမည့်အကြောင်း မေတ္တာစာဆက်ချက်အတိုင်း စည်ကြီးဆွဲရွာ မြေတိုင်းငရွဲ၊ ပတင်းရွာနေ ငနုတို့ကို ဝိသုံဂါမမြေစား သနားတော်မူသည် သိမ်သမုတ်စေ။
၁၁၈၆-ခု၊ တန်ခူးလပြည့်ကျော်(၁၃)ရက်နေ့ပြန် အမိန့်တော်။
ငကံပေး မယား မိရှုံးတို့က စစ်ကိုင်းမြို့အဝင် ငတေရော်ရွာ သူကြီးငတေ အုပ်ထိန်းသည့် မြေနယ်အတွင်း အရှေ့ အနောက် တောင် မြောက် စတုရန်းတာ (၁၀၀) မြေကို မြေ စား သနားတော်ခံ၍ သိမ်သမုတ်ပြီးလျှင် ပြာသာဒ် တည်လုပ်ပါရမည့် အ ကြောင်းနှင့် ရှိခိုးသံတော်ဦး တင်ချက်အတိုင်း သိမ်သမုတ်၍ ပြာသာဒ်တည်လုပ်စေ။
၁၁ဂ၆ -ခု နယုန်လဆန်း(၇)ရက်နေ့ပြန် အမိန့်တော်။