လယ်တော်ထွန်စ နေ့ကျော်မှာ

by ရွှေတိုက်စာရေး မောင်မင်းအောင်

လယ်တော်ထွန်စ နေ့ကျော်မှာ by ရွှေတိုက်စာရေး မောင်မင်းအောင်

ဘိုးတော် ပဌမမင်းတရားကြီးလက်ထက်တော် ရွှေတိုက်စာရေး မောင်မင်းအောင်ရေးသော လယ်ထွန်မင်္ဂလာတျာဘွဲ့။ (ဂီတဝိသောဓနီမူ)

လယ်တော်ထွန်စ နေ့ကျော်မှာ။ လမိုင်းတံခွန်-တွင်းဝန်တည့်မတ်လိမ္မာ။ ။ သည့်ပြင် မှာ ငယ်လေ ပြည်ဦးကင်း။ ။ မြောက်ဘက်ကယ်တိုက်ဝန်-ရွှေနန်းစဉ်ကျွန်။ ရွှေထွန်ကြီးတစ်စင်းငယ်နှင့်လေး။ ။

ဇမ္ဗူပိုင် ထိပ်နင်းရှေ့တော်မှာ။ အစဉ်မကွဲ-လက်ဝဲလက်ျာ။ ။ ဘုန်းဧရာငယ်လေ၊ကိုယ်လုံးဝင်း။ ။ ရွှေသားငယ်မြင်းတိုတွင်။ ချပ်မိန်ညိုဆင်။ နေလုလင်ပြိုင်နှုန်းကင်းရလေး။ ။ လယ်တော်တွင်းငယ်မှ။ ကြယ်မင်းဥက္ကာ။ နားလှာကျသို့လေ။ ။ သောက်ရှူးတော်-ရွှေကုံးနှင့်။ တိမ်လုံးပြည့်-လျှပ်နွယ်။ အံ့ဘွယ်များလှလေး။ ။ မဟာသမတ ဆက်စဉ်လာ။ လယ်ထွန်အောင်ခန်း။ ရွှေနန်းမင်္ဂလာ။ ထွန်တော်သိင်္ဂါမှာ-ရန်မျိုးပ။ ။ နန်းလုံးငယ်မျက်ရှင်။ ရွှေစက်တော်တင်။ စမ္ပါယ်ရှင် ရှဉ်းစုံက,သည်နှင့်လေး။ ။ ရွှေနန်းငယ်ရံသ, နတ်ဣန္ဒာ။ ရွှေထွန်တော်ကြီး-အနီးအဝေးမကွာ။ ။ သည့်နောက်တော်မှာလေ-မင်းသားကြီး။ ။ တော်ဒူးငယ်စနည် ။ ရာထူးလည်။ စဉ်စီရွှေထွန် စီးပါလို့လေး။ ။ လယ်တော်ကြီးငယ်မှ။ ရွှေထီးငယ်နှင့်သာ။ စံကာမြန်းတော့သည်။ ။ မြင်းရှည်တော် ရွှေသားနှင့်။ တိမ်ကြားက နတ်နှယ်။ သွယ်သွယ်ဆန်းလှသည်။