ရေလို ခန်းခြောက်ပါစေသား

From Wikisource
Jump to navigation Jump to search
ရေလို ခန်းခြောက်ပါစေသား
by အမည်မသိ ရှေးစာဆို

ချစ်တဲ့သူငယ်လေ။
သူငယ်ချင်းကောင်း ယောက်မတို့လေ။ ။

ရှင်လူထွက်သစ်၊ ဆယ့်သုံးနှစ်က၊
ချစ်တဲ့သူကို၊ အယူတခြား၊
မိထွေးများက၊ ဆီးထားဆို၊
ရစ်ကိုထောင်ကာ ထားရတယ်။

နွမ်းနယ်တစေ့၊ ရှေးကပါ-ကြမ္မာငွေ့ကြောင့်။
မတွေ့ရတာ၊ ကြာတောင်းကြာမှ၊
မျက်နှာတူရူ၊ သူလည်းအလာ၊
မယ်သာအမျှော်၊ နေဝင်ကျော်၊
ဒွေးတော်အိမ်ပါး၊ တောင်ဆီနားသို့၊
ယာသွားပို့ပြန်၊ စောင်လျားခြံနှင့်၊
လက်ပံပင်ရှေ့၊ ကျဉ်းမြောင်းကွေ့ တွေ့သောခါ၊
ပုဝါရက်သစ်၊ မယ်ကပေးတဲ့၊
ပိုးသေးမည်းပါ၊ ခေါင်းပေါင်းပြာ၊
လည်မှာရစ်လို့၊ ဖွင့်လှစ်ကယ် မဆို၊
ပခုံးဘယ်တင်၊ မယ့်ကျောပြင်၊
လက်တင်ရပ်လို့၊ မတ်တတ်ကယ်ငို၊
မောင့်ကိုစိမ်းကား၊ မယ်နှမက ဆိုသလား၊
တို့ချစ်ခြင်း ကွင်းအောင်တစေ၊
နေ့တိုင်းမွှေတဲ့၊ သက်ကြီးဝန်တို၊
မြင်တိုင်း မုန်းစရာ့၊ ကုန်းမအို၊
ရေလို ခန်းခြောက်ပါစေသား။

PD-icon.svg This work was published before January 1, 1925, and is in the public domain worldwide because the author died at least 100 years ago.