နုရွှေကွမ်း (ဖိုးစော်ကဲ)

From Wikisource
Jump to navigation Jump to search
နုရွှေကွမ်း (ဖိုးစော်ကဲ)
by အချုပ်တန်း ဆရာဖေ
(လေးချိုးလတ်)

လွမ်းမပြေ မန်းမြေတမိတော့၊
ကမ်းခြေမှာ စမ်းရေစရယ်နဲ့ [ကျတယ်နှင့်]၊
(အိုကွယ် ... ) ဖျန်းလေက တသုန်သုန်။

တဲတဖက် [မှာလ]၊
ဆွဲဖျက်ကာ အရင်လိုရော့ထင့်၊
ကရင်အို ယာပြင်ကြီး[မှာ]၊
မီးထည့်လို့လှုံ။

မပူပေါင် နောက်ဆီက ချမ်းရောထင့်၊
အဖြူစောင် ခေါက်ထည်ကြမ်းကိုလ [ခေါက်ထည်ကြမ်းကိုတဲ့]၊
လွှမ်းတယ်လို့ လွှားကာခြုံ၊
ပါးမှာငုံပါတဲ့ နုရွှေကွမ်း။

ဘေးအိတ်ကယ်လျှို၊
ဆေးလိပ်တို နားမှာထိုးပါလို့၊
တောင်ရိုးမှာ ဘာသာသူတို့၊
ကွင်းအငူ နှင်းမြူက စဲ[ကွဲ]ချိန်မို့၊
အမိုး [အဘိုး] ခေါ် ဖိုးစော်ကဲတို့ရဲ့၊
(အိုကွယ် ...) တဲပျက်စခန်း။ ။


မှတ်ချက်

  • မူကွဲတွေကို [..] မှာ ထည့်ပြထားပါသည်။
PD-icon.svg This work was published before January 1, 1925, and is in the public domain worldwide because the author died at least 100 years ago.