ဓဇဂ္ဂသုတ်အမွှန်း
ယဿာ’ နုဿရဏေနာပိ၊ အန္တလိက္ခေပိ ပါဏိနော။
ပတိဋ္ဌ’ မဓိဂစ္ဆန္တိ၊ ဘူမိယံ ဝိယ သဗ္ဗထာ။
သဗ္ဗုပဒ္ဒဝဇာလမှာ၊ ယက္ခစောရာဒိသမ္ဘဝါ။
ဂဏနာ န စ မုတ္တာနံ၊ ပရိတ္တံ တံ ဘဏာမဟေ။
ယဿ- အကြင်ဓဇဂ္ဂသုတ် ရွှေနှုတ်မြွက်ဖော် ပရိတ်တော်ကို။ အနုဿရဏေန– ဆင်ခြင်မိရုံ အောက်မေ့ရုံမျှဖြင့်။ အန္တလိက္ခေပိ- ကောင်းကင်ပြင်ထက် တည်ကုန်လျက်လည်း။ ပါဏိနော- ပရိတ်တော်ဂုဏ် အံ့မကုန်ကို ယုံကြည်လေးမြတ် အောက်မေ့တတ်သော သတ္တဝါအပေါင်းတို့သည်။ ဘူမိယံဝိယ– သိန်း နှစ်သောင်းစီ သင်္ချာညီသား သိလာပံသု အထုကြီးခံသော မြေကဲ့သို့။ ပတိဋ္ဌိ- တည်ရာမှီရာကို။ သဗ္ဗထာ- ခပ်သိမ်းများပြား ခြင်းရာအားဖြင့်။ အဓိဂစ္ဆန္တိ- ရကြကုန်၏။ ယဿ- အကြင်ဓဇဂ္ဂသုတ် ရွှေနှုတ်မြွတ်ဖော် ပရိတ်တော်၏။ အာနုဘာဝတော- တန်ခိုးရှိန်စော် အာနုဘော်ကြောင့်။ ယက္ခစောရာဒိသမ္ဘဝါ- ဘီလူးတစ်မျိုး သူခိုးတစ်မည် သို့စသည်တို့ကြောင့်ဖြစ်သော။ သဗ္ဗုပဒ္ဒဝဇာလမှာ- ကိုယ်၏ဆင်းရဲ စိတ်ဆင်းရဲအောင် ညှဉ်းဆဲနှိပ်စက် အလုံးစုံဥပဒ္ဒဝေါတည်းဟူသော ကွန်ရက်မှ။ မုတ္တာနံ- လွတ်ကုန်သော။ သတ္တာနံ- သတ္တဝါတို့၏။ ဂဏနာစ- အစဉ်အဆက် အရေအတွက်သည်လည်း။ န စ အတ္ထိ- မရှိ။ တံပရိတ္တံ- ထိုမဟပ္ဖလမျိုး အကျိုး အာနိသံသ ကြီးမားလှသော ဓဇဂ္ဂသုတ် ရွှေနှုတ်မြွတ်ဖော် ပရိတ်တော်ကို။ ဟေ- သီတင်းသုံးဖက် သမဂ္ဂပေါင်း သူတော်ကောင်းတို့။ မယံ- ငါတို့သည်။ ဘဏာမ– သဒ္ဒါမပျက် အနက်မယိမ်း ဘေးခပ်သိမ်းတို့ ကင်းငြိမ်း စိမ့်ငှာ ရွတ်ဖတ်သရဇ္ဈာယ်ကြပါကုန်စို့။
ဓဇဂ္ဂသုတ်ပါဠိတော်[edit]
(သံပြိုင်ရွတ်ဆိုရန်)
၈၀။ ဧဝံ မေ သုတံ ဧကံ သမယံ ဘဂဝါ သာဝတ္ထိယံ၊
ဝိဟရတိ ဇေတဝနေ၊ အနာထ ပိဏ္ဍိကဿ အာရာမေ။
၈၁။ တတြ ခေါ ဘဂဝါ ဘိက္ခူ အာမန္တေ သိ၊ ဘိက္ခဝေါ တိ။
ဘဒန္တေ တိ တေ ဘိက္ခူ ဘဂဝတော ပစ္စဿောသုံ။
ဘဂဝါ ဧတဒဝေါစ ဘူတပုဗ္ဗံ ဘိက္ခဝေ၊
ဒေဝါ သုရသင်္ဂါမော၊ သမုပဗျူဠှော အဟောသိ။
အထ ခေါ ဘိက္ခဝေ သက္ကောဒေဝါနမိန္ဒော
ဒေဝေ တာဝတိံ သေ အာမန္တေသိ —
“သစေ မာရိသာ ဒေဝါနံ သင်္ဂါမ ဂတာနံ ဥပ္ပဇ္ဇေယျ၊
ဘယံ ဝါ ဆမ္ဘိ တတ္တံ ဝါ လောမဟံသော ဝါ၊
မမေဝ တသ္မိံ သမယေ ဓဇဂ္ဂံ ဥလ္လောကေယျာထ။
မမံ ဟိ ဝေါ ဓဇဂ္ဂံ ဥလ္လောကယတံ
ယံ ဘဝိဿတိ ဘယံ ဝါ ဆမ္ဘိကတ္တံ ဝါ
လောမဟံသော ဝါ သော ပဟီယိဿတိ။
၈၂။ နော စေ မေ ဓဇဂ္ဂံ ဥလ္လောကေယျာထ၊
အထ ပဇာပတိဿ ဒေဝရာဇဿ
ဓဇဂ္ဂံ ဥလ္လောကေယျာထ၊
ပဇာပတိဿ ဟိ ဝေါ ဒေဝရာဇဿ၊
ဓဇဂ္ဂံ ဥလ္လောကယတံ။
ယံ ဘဝိဿတိ ဘယံ ဝါ ဆမ္ဘိတတ္တံ ဝါ
လောမဟံသော ဝါ၊ သော ပဟီယိဿတိ။
၈၃။ နော စေ ပဇာပတိဿ ဒေဝရာဇဿ
ဓဇဂ္ဂံ ဥလ္လောကေယျာထ၊
အထ ဝရုဏဿ ဒေဝရာဇဿ၊
ဓဇဂ္ဂံ ဥလ္လောကေယျာထ။
ဝရုဏဿ ဟိ ဝေါ ဒေဝရာဇဿ၊
ဓဇဂ္ဂံ ဥလ္လောကယတံ၊
ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊
လောမဟံသော ဝါ သော ပဟီယိဿတိ။
၈၄။ နော စေ ဝရုဏဿ ဒေဝရာဇဿ၊
ဓဇဂ္ဂံ ဥလ္လောကေယျာထ၊
အထ ဤ သာနဿ ဒေဝရာဇဿ၊
ဓဇဂ္ဂံ ဥလ္လောကေယျာထ။
ဤသာနဿ ဟိ ဝေါ ဒေဝရာဇဿ၊
ဓဇဂ္ဂံ ဥလ္လောကယတံ၊
ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊
လောမဟံသော ဝါ သော ပဟီယိဿတီ” တိ။
၈၅။ တံ ခေါ ပန ဘိက္ခဝေ၊
သက္ကဿ ဝါ ဒေဝါနမိန္ဒဿ၊
ဓဇဂ္ဂံ ဥလ္လောကယတံ၊
ပဇာပတိဿ ဝါ ဒေဝရာဇဿ၊
ဓဇဂ္ဂံ ဥလ္လောကယတံ၊
ဝရုဏဿ ဝါ ဒေဝ ရာဇဿ၊
ဓဇဂ္ဂံ ဥလ္လောကယတံ၊
ဤ သာနဿ ဝါ ဒေဝရာဇဿ၊
ဓဇဂ္ဂံ ဥလ္လောကယတံ၊
ယံ ဘဝိဿတိ ဘယံ ဝါ ဆမ္ဘိ တတ္တံ ဝါ၊
လောမဟံသော ဝါ၊
သော ပဟီယေထာပိ နောပိ ပဟီယေထ။
၈၆။ တံ ကိဿ ဟေတု၊
သက္ကော ဟိ ဘိက္ခဝေ ဒေဝါနမိန္ဒော၊
အဝီတရာဂေါ အဝီတဒေါသော၊
အဝီတမောဟော၊ ဘီရု ဆမ္ဘီ ဥတြာသီ ပလာယီတိ။
၈၇။ အဟဉ္စ ခေါ ဘိက္ခဝေ ဧဝံ ဝဒါမိ —
သစေ တုမှာကံ ဘိက္ခဝေ၊
အရညဂတာနံ ဝါ ရုက္ခမူလဂတာနံ ဝါ၊
သုညာဂါရ ဂတာနံ ဝါ၊ ဥပ္ပဇ္ဇေယျ ဘယံ ဝါ ဆမ္ဘိတတ္တံ ဝါ၊
လောမဟံသော ဝါ၊ မမေဝ တသ္မိံ သမယေ အနုဿရေယျာထ —
၈၈။ “ဣတိပိသော ဘဂဝါ အရဟံ, သမ္မာသမ္ဗုဒ္ဓေါ,
ဝိဇ္ဇာစရဏ သမ္ပန္နော, သုဂတော, လောကဝိဒူ,
အနုတ္တရော ပုရိသ ဓမ္မသာရထိ,
သတ္ထာဒေဝ မနုဿာနံ၊, ဗုဒ္ဓေါ. ဘဂဝါ” တိ။
၈၉။ မမံ ဟိ ဝေါ ဘိက္ခဝေ အနုဿရတံ၊
ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊
လောမဟံသော ဝါ၊ သော ပဟီ ယိဿတိ။
၉၀။ နော စေ မံ အနုဿရေယျာထ၊
အထ ဓမ္မံ အနုဿရေယျာထ —
၉၁။ “သွာက္ခာတော ဘဂဝတာ ဓမ္မော,
သန္ဒိဋ္ဌိကော, အကာလိကော, ဧဟိပဿိကော,
သြပနေယျိကော, ပစ္စတ္တံ ဝေဒိတဗ္ဗော, ဝိညူဟီ” တိ။
၉၂။ ဓမ္မံ ဟိ ဝေါ ဘိက္ခဝေ အနုဿရတံ၊
ယံ ဘဝိဿတိ ဘယံ ဝါ ဆမ္ဘိတတ္တံဝါ၊
လောမဟံသောဝါ၊ သော ပဟီယိဿတိ။
၉၃။ နော စေ ဓမ္မံ အနုဿရေယျာထ၊
အထ သံဃံ အနုဿရေယျာထ။
၉၄။ “သုပ္ပဋိပန္နော ဘဂဝတော သာဝကသံဃော,
ဥဇုပ္ပဋိပန္နော ဘဂဝတော သာဝကသံဃော,
ဉာယပ္ပဋိပန္နော ဘဂဝတော သာဝကသံဃော,
သာမီစိပ္ပဋိပန္နော ဘဂဝတော သာဝကသံဃော,
ယဒိဒံ စတ္တာရိ ပုရိသ ယုဂါနိ၊
အဋ္ဌပုရိသ ပုဂ္ဂလာ၊ ဧသ ဘဂဝတော သာဝကသံဃော၊
အာဟု နေယျော, ပါဟုနေယျော, ဒက္ခိနေယျော,
အဉ္ဇလိကရဏီယော, အနုတ္ထရံ ပုညခေတ္တံ လောကဿာ” တိ။
၉၅။ သံဃံ ဟိ ဝေါ ဘိက္ခဝေ အနုဿရတံ၊
ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊
လောမဟံသော ဝါ၊ သော ပဟီယိဿတိ။
၉၆။ တံ ကိဿ ဟေတု၊
တထာဂတေ ဟိ ဘိက္ခဝေ။
အရဟံ သမ္မာသမ္ဗုဒ္ဓေါ၊
ဝီတရာဂေါ ဝီတဒေါသော ဝီတမောဟော၊
အဘီရု အဆမ္ဘီ အနုတြာသီ အပလာယီတိ။
၉၇။ ဣဒ မဝေါစ ဘဂဝါ၊ ဣဒံ ဝတွာန သုဂတော။
အထာ ပရံ ဧတဒဝေါစ သတ္ထာ။
၉၈။ အရညေ ရုက္ခမူလေ ဝါ၊
သုညာဂါရေဝ ဘိက္ခဝေါ။
အနုဿရေထ သမ္ဗုဒ္ဓံ၊
ဘယံ တုမှာက နော သိယာ။
၉၉။ နော စေ ဗုဒ္ဓံ သရေယျာထ၊
လောကဇေဋ္ဌံ နရာသဘံ။
အထ ဓမ္မံ သရေယျာထ၊
နိယျာနိကံ သုဒေသိတံ။
၁၀၀။ နော စေ ဓမ္မံ သရေယျာထ၊
နိယျာနိကံ သုဒေသိတံ။
အထ သံဃံ သရေယျာထ၊
ပုည က္ခေတ္တံ အနုတ္တရံ။
၁၀၁။ ဧဝံ ဗုဒ္ဓံ သရန္တာနံ၊ ဓမ္မံ သံဃဉ္စ ဘိက္ခဝေါ။
ဘယံ ဝါ ဆမ္ဘိတတ္တံဝါ၊ လောမဟံသော န ဟေဿတိ။
ဓဇဂ္ဂသုတ္တံ နိဋ္ဌိတံ။ ။
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse