ဆွမ်း, ပန်း, ရေချမ်း, ဆီမီးကပ်လှူပုံ
ဆွမ်း, ပန်း, ရေချမ်း, ဆီမီးကပ်လှူပုံ[edit]
အရဟတာဒိ နဝဂုဏေဟိ၊ အရဟံအစ ဘဝဝါအဆုံး ရှိသော ကိုးပါးသောဂုဏ်တော်တို့နှင့်။ သမ္ပန္နာဂတံ၊ ပြည့်စုံသောမူထသော။ နာထံ၊ လူနတ်တို့၏ကိုးကွယ်ရာ ဖြစ်တော်မူသော။ ဗုဒ္ဓံ၊ သက်တော်ထင်ရှား သဗ္ဗညုမြတ်စွာဘုရားကို။ ဥဒ္ဒိဿ၊ ရည်မှန်း ၍။ စေတီယဿ၊ ဓာတုစေတီ, ဓမ္မစေတီ, ပရိဘောဂစေတီ, ဥဒ္ဒိဿစေတီတော်မြတ်အား။
ဆွမ်းတော်[edit]
ဝဏ္ဏဂန္ဓရသသမ္ပန္နံ၊ အဆင်း အနံ အရသာနှင့် ပြည်စုံသော။ ဣမံ ပိဏ္ဍပါတခါဒနိယ ဘောဇနိယံ၊ ဤဆွမ်း ခဲဖွယ်ဘောဇဉ် ချိုချဉ်အရသာ အဖြာဖြာတို့ကို။
ပန်းတော်[edit]
ဝဏ္ဏဂန္ဓသမ္ပန္နံ၊ အဆင်း အနံနှင့်ပြည်စုံသော။ ဣမံ ပုပ္ဖံ၊ ဤပန်းကို။
ရေချမ်းတော်[edit]
ဝဏ္ဏဂန္ဓရသသမ္ပန္နံ၊ အဆင်း အနံ အရသာနှင့် ပြည်စုံသော။ ဣမံ ဥဒကံ၊ ဤသောက်တော်ရေချမ်းကို။
ဆီမီးတော်[edit]
ပဘာဝဏ္ဏေဟိ၊ အရောင်အလင်းတို့ဖြင့်။ အန္ဓကာရံ၊ အမိုက်မှောင်ကို။ ဝိနာသကံ၊ ပယ်ဖျောက်တတ်သော။ ဣမံ ပဒီပံ၊ ဤဆီမီးကို။
သက္ကစ္စံ- ရိုရိုသေသေ။ ဒေမိ- နိဗ္ဗာန်ရည်မှန်း လှူဒါန်းပါ၏ အရှင်ဘုရား။ ပူဇေမိ- နိဗ္ဗာန်ကိုမျှော် ပူဇော်ပါ၏ အရှင်ဘုရား။
ဣဒံ မေ ပုညံ အာသဝက္ခယာဝဟံ ဟောတု။
မေ- တပည့်တော်၏။ ဣဒံ ပုညံ- ဤကောင်းမှုသည်။ အာသဝက္ခယာဝဟံ- အာသဝေါတရား လေးပါးတို့၏ ကုန်ရာကုန် ကြောင်းဖြစ်သော မဂ်ဉာဏ်,ဖိုလ်ဉာဏ် မြတ်နိဗ္ဗာန်ကို ဧကန် ရောက်အောင် ရွက်ဆောင်နိုင်သည်။ ဟောတု- ဖြစ်ပါစေသတည်း။
ဆွမ်းလှူအကျိုး ၅-ပါး[edit]
သက်ရှည်,ဆင်းလှ၊ ချမ်းသာရ၊ ဗလ,ဉာဏ်ပညာ။
ဆွမ်းလှူအကျိုး၊ ဤငါးမျိုး၊ တန်ခိုးကြီးလှစွာ၊ ၊
ပန်းလှူအကျိုး ၃-ပါး[edit]
ပန်းလိုလှပ ဘဝရုပ်ရည်၊ ခန္ဓာကိုယ်တွင်း သန့်ရှင်းပေသည်။
နံစော်ကင်းလို့ ခံတွင်းမွှေးကြည်၊ ပန်းလှူကျိုး သုံးမျိုးရနိုင်သည်။
ရေလှူအကျိုး ၁၀-ပါး[edit]
သက်ရှည်,ဆင်းလှ၊ ချမ်းသာရ၊ ဗလ,ဉာဏ်ပညာ။
စင်ကြယ်သန့်ရှင်း၊ ကျော်စောခြင်း၊ ခပင်းခြွေရံကာ။
ရေမငတ်ငြား၊ လျင်မြန်သွား၊ ဆယ်ပါးရေကျိုးလာ။
မီးလှူအကျိုး ၂-ပါး[edit]
ဘုရားရှင်အား စိတ်ထားကြည်ဖြူ၊ ဆီမီးလျှပ်ပန်း လှူဒါန်းသောသူ။
စက္ခုမံသ, ဉာဏနှစ်ဆူ၊ ကြည်လင်၏ ဖြစ်ဘိဉာဏ်ကြီးသူ။
မံသစက္ခု= ပကတိမျက်လုံး ကြည်လင်အားကောင်းခြင်း။
ဉာဏစက္ခု= အသိဉာဏ်မျက်လုံး အားကောင်းခြင်း။