ဂလာန် နာဲဟံသာ ပ္ဍဲအသေအဟာန်ဖျေံဘာ သ္ကိုပ်ဒပ်လၟေင်(၁၂) အလံင်ဗိုလ်လၟေင်(၃)
ဂလာန် ဥက္ကဋ္ဌဇၞော် ဗော်ဍုင်မန်တၟိ အ္စာဟံသာ မဟီုလဝ် ပ္ဍဲအသေအဟာန်ဖျေဟ်ဘာ သ္ကိုပ်ဒပ်လၟေင်(၁၂) အလံင်ဗိုလ်လၟေင်(၃) ပ္ဍဲစၟတ်တ္ၚဲ ၁၃၊ ၁၂၊ ၂၀၂၃
ဣညအ် ပ္ဍဲပိုဲဏံ လၟုဟ်ပံက်တိုန်ဘာအရင်သ္ကုပ်ဒပ်တံကီု၊အရင်အလံင်ဗဵုတံကီု၊အရင်မၞိဟ်တာလျိုင်တံ ဖန်ဗီုဏံမာန်ဂှ်ဂှ် ဣညအ်ခိုဟ် ဒှ်ဂုန်ဖဵုဇၞော်ကဵုဇြဟတ်ဗော်ပိုဲဏောင်၊ပံက်မံင်ကောန်ပၞာန်သဇိုင်သၟးဂှ် ဍေံဟွံရုံဂပ်ဍင်ပုဟ်၊အေဣညအ် သီုအလံင်ဗဵုတံ ဟီုစတှ်ေ သီုသ္ကိုပ်ဒပ်တံ ပံက်အာဗီုဏံတှ်ေ ထပ်ကဵုပညာ သၠုင်ကဵုဗီုဏံမာန်တှ်ေ ဗော်ပိုဲစဏံဂှ်ဂှ် ဟီုအာတှ်ေ ဩဇာပိုဲ ဒပ်ပိုဲစဏံဂှ်တှ်ေ ဍေံလှုင်တိုန်ဏောင်၊ အေဗီုဏံ ပိုဲမိပ်မံင်စိုတ် ဂွံပံက်ကဵုဘာဗီုဏံမာန်ဏး၊ အေညအ်တှ်ေ အဲမိက်ဂွံဟီုမွဲ ဣညအ်ဂှ်ဂှ် ပိုဲစဏံဂှ်ဂှ် တိုန်လဝ်ဘာတုဲတှ်ေ ပ္တေဟ်သတ္တိသၟးဟွံဂွံပုဟ်နဝ်၊ နဲပြယာဲဒးနွံကီုဏောင်၊ နဲပြယာဲဟၟဲတှ်ေ ကျညးတၞဟ်ဏောင်၊ ပ္တေဟ်သတ္တိသၟးဟွံတုဲပုဟ်၊ဗညာဓရာံတံ၊လ္ဂန်အိန်တံ ဒးဒုင်ရပ်ကဵုဗၟာ မုဟိုတ်ရော ဣညအ်ဂှ် ကျနဲပြယာဲရ၊ အေဗီုစဏံ ပိုဲဒးတီကီု၊ပ္တေဟ်သတ္တိသၟးဟွံတုဲပုဟ်၊အေ ဂှ်ရတှ်ေ နဲပြယာဲလေဝ် ဒးဍိုဟ်ကေက်ကီုဏောင်၊ဗျူဟာနာနာသာ် ဒးနွံကီုဏောင်၊ အေအေ အခန်ဏံဏး၊
တုဲတှ်ေ အဲမိက်ဂွံဟီုမွဲပၠန် အေဣညအ်တှ်ေ ပိုဲလုပ်ကၠုင်မံင်ပေဲါဗ္တိုက်သွက်ဂကူပိုဲဂွံဗၠးၜး၊ဂကူပိုဲမွဲဓဝ်ဟွံသေင်၊ကောန်ဍုင်အရင်ဟလိုင် (၇၅)သၞာံပြင်ယျဏောင်၊ပ္ဍဲကဵုမွဲဒမြိပ်ပၠန်ဂတးတံဏံဟီုဂှ်ဂှ် အလဵုအသဳတံဏံဂှ်ဂှ် ရဲဂွံလဝ်အဝဵုတံဏံဂှ်ဂှ် ဍေံတံဍဵုဍိုက်ပမာန်လ္တူညးဍုင်ကွာန်တံကီု၊လ္တူကောန်ဂကူနာနာသာ်ကီု၊ဨဗီုတဏံဟီုတှ်ေ စနူကဵု ဟီုအာတှ်ေ (၈၈) တေံကီု၊နာနာသာ်လေဝ် ပရေင်ဒှ်ကၠုင်နာနာသာ်တံဏံဂှ် ၜိုတ်က္ဆံင်ဏံ ညးဍုင်ကွာန်တံ ဒစဵုဒစး ၜိုတ်လၟုဟ်ဏံဟၟဲပုဟ်၊ကၠာတေံတှ်ေ ပ္ဍဲဍုင်သၟးရဒှ်၊ဣညအ်တှ်ေ လၟုဟ်ဍေံပန်ဂစိုတ်မံင်ကြာန်ကြာန်၊ဍေံစံင်မံင်ကွာန်ကြာန်ကြာန်ဟီုတှ်ေ သ္ၚိတူအာလေဝ်ဟွံအောန်ရ၊ ၜိုတ်(၈၀၀၀၀) ပြင်အာယျဏး၊ လၟုဟ်တှ်ေ ဍေံပန်ဂစိုတ်ထောံလေဝ် တၟာဂလိုင်ရ၊ဒးဝပ်ဍေံရပ်လဝ်လေဝ် နွံတၟာဂလိုင်ရ၊ၜုင်တက်လဝ်လေဝ် နွံတၟာဂလိုင်ရ၊ဍေံဟပၠောပ်လဝ်သ္ၚိစာတ်လေဝ် နွံတၟာဂလိုင်ရ၊ အေ ဍေံဖန်ကၠောန်ကၠုင်ကြာန်ကြာန်တှ်ေ ညးဍုင်ကွာန်တံလေဝ် ဒုင်ဟွံမာန်၊ တ္ၚဲဏံ ဂကူဗၟာဍေံတံဂှ်လေဝ် ဒုင်တဲ ဒပ်ပၞာန်ဍေံဟွံမာန်ရ၊ ကၠာကၠာတေံ ဗီုဂှ် ဟွံဒှ်ပုဟ်၊ဂကူဍေံကဵုဍေံတှ်ေ ဍေံဒှ်မံင်မွဲဇြဟတ်ဏောင်၊ကောန်ဂကူပိုဲသၟးရဏောင် လုပ်မံင်ပေဲါဗ္တိုက်ဟီုအာတှ်ေ၊ဂကူဍေံကဵုဍေံလေဝ် နူကၠာတေံ ၜိုတ်ထ္ၜးဆန္ဒရ၊ ဒူကဵုဂွံရပ်လွဟ် ပန်ဗီုဏံဂှ် ဟၟဲဆဒှ်ပုဟ်၊ အေ တ္ၚဲဏံဟီုတှ်ေ ဣညအ်ဂှ် အလုံဒေသမွဲ အလုံဍုင်မွဲ ဟီုစဂွံမံင်ရလေဝ်၊ ဣညအ်ဂှ် လ္ပာ်သေတ်ကာင်တေံ၊မဂွေတေံ ဟီုအာတှ်ေ ဣညအ် ပၠန်ဂတးမံင်ကဵုဍေံဟွံသာပုဟ်၊ စနူကဵုဒဂုင်၊စနူကဵုအင်ဝဟီုဟဂှ်လေဝ်၊ စနူကဵုဍုင်နေပျဳဒဝ်ဍေံဂှ်လေဝ် ဟွံဂွံမံင်ၜိုဟ်ၜိုဟ်ပုဟ်၊ ရဲၝကၠတ်ပန်မံင်၊ထ္ၜးမံင်ဆန္ဒတံ နာနာသာ်လေဝ်၊ကၠောန်မံင်နာနာသာ် ဒစဵုဒစးမံင်ကဵုဍေံ၊ အေ ဗီုစဏံ ဍေံနွံကၠုင်ဗီုဏံတှ်ေ ဣဏံဂှ်ဂှ် ဟီုအာတှ်ေ အရင်ပိုဲ ရဲလုပ်မံင်ပၠန်ဂတးကဵုအလဵုအသဳဏံဟီုဂှ်ဂှ် အခိင်အခါဏံဂှ် ဒှ်အခေါင်ခိုဟ်အရင်ပိုဲဏောင်၊ ကောန်ဂကူဟလိုင်လေဝ် လုပ်မံင်ပေဲါဗ္တိုက်၊ဂကူဍေံကဵုဍေံလေဝ် လုပ်မံင်ပေဲါဗ္တိုက်၊ဟီုအာတှ်ေ ဗော်ပရေင်ဍုင်ကွာန်ဇြဟတ်ဍေံတံဇၞော်၊ ဇြဟတ်ဒပ်ပၞာန်ကဵုဇြဟတ်ဗော်ပရေင်ဍုင်ကွာန်ဍေံ အေန်အေလ်ဒဳ ဍေံ ဒစဵုဒစးကၠုင်မံင်ညးသ္ကံ ဇၞော်ကဵုဇြဟတ် ဒှ်ဗီုဏံတှ်ေ အေၝ အခေါင်ခိုဟ်ဏံဂှ်ဂှ် ဟီုအာတှ်ေ ပိုဲညံင်ဂွံကေမ်ၛာပ်လေပ်၊ညံင်ဂွံဒှ်ပရဲသွက်ပိုဲစဏံဂှ် ပၟိက်ဇၞော်မံင်ဏောင်၊အခေါင်ခိုဟ်ဗီုဗီုစဏံ ဍေံဗၠးတိတ်အာမွဲတဲတုဲ လက်ကရဴ ပိုဲဂွံကလေင်ဂွံ ဟွံလောဲပုဟ်၊
အေတှ်ေ ဟီုအာတှ်ေ တ္ၚဲဏံ ဂကူဟလိုင်လုပ်မံင်ပေဲါဗ္တိုက်အိုတ်ရ၊ ပ္ဍဲတိဍာ်ပိုဲဏံ ၜိုန်ပိုဲဟွံဗ္တိုက်ကီုလေဝ် ညးတၞဟ်၊ဂကောံညးတၞဟ်၊ပဳဒဳအေဖ် နာနာသာ် နူကဵုကရေင်တံ၊ဂှ်တံ အဆက်လုပ်ကၠုင်နာနာသာ်ဏောင်၊အေတှ်ေ ပ္ဍဲကဵုပ္ၚံက်ဏံဂှ် ပိုဲဟွံချဳဒရာင်မွဲသာ်တှ်ေ ကၞောတ်တဲတှ်ေ အလဵုအသဳဏံစှ်ေအာတုဲတှ်ေ ညးတၞဟ်သီဂွံလဝ်တိဍာ်ပိုဲတှ်ေ ပိုဲဂွံဟီုဂး ဟွံလောဲပုဟ်၊ အေဣညအ်တှ်ေ ပိုဲဒးစချဳဒရာင်မွဲမွဲဗီုကီုဏောင်၊ ဗီုဒးရး ဂပ်ဝ်ကဵုပိုဲဂှ် ပိုဲဒးဖန်ကီုဏောင်၊ စိုပ်မံင်အေဍာ်ဂှ်ရ၊ အေ ပ္ဍဲကဵုစိုပ်မံင်ဍာ်ဏံဂှ်တှ်ေ ပိုဲဒးပလေဝ်တိုန်ဇြဟတ်ပိုဲဏောင်၊ အေ ပ္ဍဲကဵုပလေဝ်တိုန်ဇြဟတ်ပိုဲဏံဂှ်ဂှ် ဣညအ်ဂှ် နဲနာနာသာ်လေဝ် ပိုဲဒးဝေင်နဲမဏီဏောင်၊ ပိုဲဝေင်နဲလေပ်တှ်ေ ပိုဲသာညိ၊ဆဂး အခေါင်ခိုဟ်ဂှ် လ္ပကဵုဗၠးတိတ်အာနူတဲ၊ ဇကုဟွံဝေင်မွဲသာ်တှ်ေ ဇကုတိက်မံင်ကၠးကၠးတှ်ေ အခေါင်ခိုဟ်ဇကုဟွံဂွံပုဟ်၊ အေၝ အခန်ဏံလေဝ် ပိုဲဒးတီလဝ်မွဲ၊
တုဲတှ်ေ ပိုဲဒးတီမွဲပၠန်ဂှ်ဂှ် ဣညအ် ညးတံ ညးတာလျိုင်သၟးရ စှ်ေနူဘာသ္ကိုပ်ဒပ်ရဏောင်၊ဒှ်မၞိဟ်ဇၞော်၊မၞိဟ်ပၠတရဴ၊ညးဍိုက်ဍိုပ်ဒပ်ရဏောင်၊ အေ ဂှ်တှ်ေ ပိုဲစဏံဂှ် ဆေင်စပ်ကဵုဆက်ဆောံကဵုညးဍုင်ကွာန်၊စန်ဒက်ညးဍုင်ကွာန်၊ပိုဲဒးကၠိုဟ်ဒးကၠး၊ပိုဲဒးခိုဟ်ဏောင်၊ ဣညအ် ရဲဒပ်ပၞာန်ဗၟာတံ ဟီုအာတှ်ေ မွဲလ္ပာ်ဂှ်ဍေံစံင်၊မွဲလ္ပာ်ဂှ် ဍေံပန်ကဵုလွဟ်ဇၞော်၊မွဲလ္ပာ်ဂှ် ဟီုစတှ်ေ ဍေံပမံင်ကြာန်ကြာန် ကဵုက္ၜင်ကျာတံ နာနာသာ်၊ကဵုလွဟ်ဇၞော်နာနာသာ်တုဲတှ်ေ အကြာဂှ် ပ္ဍဲဂၠံင်ပ္ဍဲဍာန် ဍေံဖျေံလဝ်ဒပ်တုဲတှ်ေ ဍေံဓရတ်မံင်ညးဍုင်ကွာန်တံ၊ရဲအာကၠုင်မံင်ဂှ် ဍေံပၠံင်ၜးမံင်နာနာသာ်တုဲတှ်ေ ညးဍုင်ကွာန်တံ ဒုင်တဲဟွံမာန်ရ၊ စိုပ်အေက္ဆံင်ဂှ်၊ အေ အခန်ရဲဂွံလဝ်အဝဵုတံ ဍေံကၠောန်ကၠုင်ကြာန်ကြာန် ညးဍုင်ကွာန်ဒုင်တဲဟွံမာန်ဏံတှ်ေ ပိုဲညးဍုင်ကွာန် ညံင်ညးတံဂွံထံက်ဂလာန် ပိုဲစဏံဂှ် ပရေင်စန်ဒက်ကဵုပိုဲဏံ ဒးခိုဟ်ကီုဏောင်၊ ပိုဲဒးရီုဗင်ဏောင်၊ပိုဲဒးစဵုဒၞာညးတံဏောင်၊
ဍာံဍာံ ပိုဲလုပ်မံင်ပေဲါဗ္တိုက်တ္ၚဲဏံဂှ်ဂှ် သွက်ဂွံရီုဗင်မင်မွဲကောန်ဂကူမန်ပိုဲဏောင်၊ အေ တှ်ေ ကောန်ဂကူပိုဲစဏံဂှ် မၞိဟ်ဒှ်တာလျိုင်ပိုဲစဏံဂှ် ပိုဲဒးထိင်ဒဝ်လဝ်ဒပ်ပိုဲကီုဏောင်၊ ဣညအ်ညိ ဒးဟီုမွဲမွဲ၊ ညးတံလေဝ် ၜိုတ်တီ တီမံင်ရ၊လ္ၚဵုလ္ၚဵုရဲဒပ်ပိုဲစဏံဂှ်ဂှ် ရဲဒပ်ဗော်ပိုဲစဏံဂှ်ဂှ် ဟီုအာတှ်ေ ကော်နင်ကောန်ဒုဟ်မွဲမွဲ လိုက်ကၠုင်တှ်ေ မုဟွံသၟာန်ဏီပုဟ်၊စာဲဟာ တေအ်ဟာ ကွိုက်ကြာန်ကြာန်ကၠာဏောင်၊ အေၝစဏံ ဒှ်ဟွံထေက်ပုဟ်၊ ပိုဲသၟာန်ဇာန်စနာနာသာ်တုဲတှ်ေ ဠဒးၜုင်ဒးတက်တှ်ေ ဒးၜုင်ဏောင်၊ဗီုဂှ်ဏောင်၊ ညံင်ကဵုဂွံဖျေံအလဵုအသဳဏံမာန်ဂှ်ဂှ် ပၟိက်ဇၞော်မံင်ဏောင်၊အေ ဂှ်တှ်ေ ပ္ဍဲကဵုအခေါင်ခိုဟ်ဏံဂှ်တှ်ေ ပိုဲညံင်ကဵုဟွံဂွံလေင်ဆောံအာ၊ပိုဲမံင်ဟွံဒး ညံင်ကဵုဟွံဂွံဒှ်၊အေ အခေါင်ခိုဟ်ဗီုဏံတှ်ေ ညံင်ဂွံဒှ်ဂုန်ဖဵုအရင်ပိုဲဂှ်တှ်ေ ဂ္စာန်သီုညးဖအိုတ်ညိ၊ပလေဝ်ပလေတ်လဝ်ဇကုညိ၊စန်ဒက်လဝ်ညးဍုင်ကွာန်ညံင်ဂွံခိုဟ်ညိ ဟီုတှ်ေ အဲမိက်ဂွံဖ္တိုက်ဖအောဝ်ညးတံတုဲတှ်ေ ရုပ်ကၠေံဆၜိုတ်ဏံရ၊ တင်ဂုန်ရ၊
(ညးမစၠောအ်ချူ နာဲဗညာထဝ်ဝင်)။