རྒྱལ་ཕྲན་དང་རྒྱལ་རབས་རིམ་བྱུང་གི་མིང།

རྒྱལ་ཕྲན་རིམ་བྱུང་གི་མིང་།

P.T.1286

6 རྒྱལ་པྲན་ཡུལ་ཡུལ་ན། མཁར་བུ་རེ་རེ་ན་གནསྟེ། རྒྱལ་པྲན་བགྱྀད་པ་དང་། རྒྱལ་པྲན་གྱྀ་བློན་པོ་བགྱིད་པ་འྀ་རབ

7 ལ། །ཞང་ཞུང་དར་པ་འྀ་རྗོ་བོ་ལིག་སྙ་ཤུར། བློན་པོ་ཁྱུང་པོ་ར་སངས་རྗེ་དང་། སྟོང་ལོམ་མ་ཙེ་གཉྀས། །མྱང

8 རོ་འི་པྱེད་ཀར་ན། རྗེ་རྩང་རྗེ་འི་ཐོད་ཀར། བློན་པོ་སུ་དུ་དང་གནང་གཉྀས། །ཡུལ་གནུབས་གྱྀ་གླིང་དགུའ་ན་

9 རྗེ་གནུབས་རྗེ་འྀ་སྲིས་པ། །བློན་པོ་རྨེ་འུ་དང་གྲོ་གཉིས། །ཡུལ་མྱང་རོ་འི་ཤམ་པོ་ན། རྗེ་ལོ་ངམ་བྱི་བྲོམ

10 ཚ། བློན་པོ་ངབ་མྱི་དང་འབྲེ་གཉིས། །ཡུལ་སྐྱི་རོ་འི་ལྗང་སྔོན་ན། རྗེ་སྐྱི་རྗེ་འྀ་མང་པོ། བློན་པོ་ཤེ་འུ་དང་སྤུག་

11 གཉིས། །ཡུལ་ངས་པོ་འི་ཁྲ་སུམ་ན། རྗེ་དགུག་གྲྀ་འི་ཟིང་པོ་རྗེ། བློན་པོ་མགར་དང་མཉན་གཉིས༎

12 ཡུལ་དབྱེ་མོ་ཡུལ་བཞྀ་ན། རྗེ་དབྱེ་རྗེ་འྀ་མཁར་པ། བློན་པོ་དབོ་དང་རྟུག་གཉིས། །ཡུལ་འོ་ཡུལ་གྱི་སྤང་

13 ཀར་ན། རྗེ་འོལ་རྗེ་འྀ་ཟིན་བྲང་ཚ། བློན་པོ་རྔོ་དང་དབའས་གཉིས། །ཡུལ་རྔེགས་ཡུལ་ཀྱི་གྲུ

14 བཞྀ་ན། རྗེ་རྔེགས་རྗེ་འྀ་ལ་བྲང། བློན་པོ་སས་པ་དང་མྱང་ནད་གཉིས། །ཡུལ་ཀླུམ་རོ་འི་ཡ་སུམ་ན

15 རྗེ་ནམ་པ་འི་བུ་གསེང་ཏི། །བློན་པོ་མྱང་དང་སྦྲང་གཉིས། །ཡུལ་སྲིབས་ཡུལ་ཀྱི་རལ་མོ་གོང་ན།

16 རྗེ་དྲང་རྗེ་འྀ་རྣོལ་ནམ། བློན་པོ་ཞུག་ཚམས་དང་དབྲད་གཉིས། །ཡུལ་རྐོང་ལ་བྲེ་སྣར་ན། རྗེ་

17 རྐོང་རྗེ་འྀ་དཀར་པོ། བློན་པོ་མཁར་པ་དང་ཕ་དྲུག་གཉིས། །ཡུལ་མྱང་ཡུལ་གྱྀ་རྟ་གསུམ་ན།

18 རྗེ་མྱང་ཙུན་སླང་རྒྱལ། །བློན་པོ་འོ་རུ་དང་སྤྲགས་གཉིས། །ཡུལ་དགས་ཀྱི་གྲུ་བཞི་ན། རྗེ་དགས

19 རྒྱལ་གྱྀ་སྤྲོག་ཟིན། བློན་པོ་ཕོ་གུ་དང་པོག་རོལ་གཉིས། །ཡུལ་མཆྀམས་ཡུལ་གྱི་དགུའ་ཡུལ

20 ནའ། རྗེ་མཆིམས་རྗེ་འྀ་ནེ་འུ། བློན་པོ་དང་དང་དིང་དི་གཉིས། །ཡུལ་སུམ་ཡུལ་གྱྀ་ཡ་སུམ་ནའ།

21 རྗེ་འབལ་ལྗི་རྨང་རུ་ཏི། བློན་པོ་རླང་དང་ཀམ་གཉྀས། །ཡུལ་འབྲོག་མོ་སྣམ་གསུམ་ནའ།

22 རྗེ་སེ་རེ་ཁྲྀ། བློན་པོ་སྐྱང་རེ་གནག། །རྒྱལ་པྲན་བཅུ་གཉིས་ན། སེ་རེ་ཁྲི་དང་བཅུ་གསུམ། བློན་པོ་

23 ཉི་ཤུ་རྩ་བཞི་ན། སྐྱང་རེ་གནག་དང་ཉི་ཤུ་རྩ་ལྔ། མཁར་བཅུ་གཉིས་ན། དབུ་ལྡེ་དམ་པ་དང་བཅུ་གསུམ་

24 ཡུལ་བཅུ་གཉྀས་ན། བྱང་ཀ་སྣམ་བརྒྱད་དང་བཅུ་གསུམ། རྒྱལ་དགུའ་སྔོ་བཅུ། །བློན་དགུའ

25 མཆིམས་བཅུ་ཞེས་བྱ་སྟེ། །དེ་ཡན་ཆད་ཡ་ཡོགས་ནི། གདོད་བྱིན་རུམ་གྱི་ནྀ་རྐྱེན་ཞེས་བྱ་སྟེ།

26 གནའ་ཡུལ་ཡུལ་ན་རྒྱལ་པྲན་དང་། བློན་པོ་འདྀ་ལྟར་བབ་སྟེ། །མྱི་མང་གྀ་རྗེ། མུལ་ཆེ་འི་བདག

27 བྱེད་བྱེད་པ་ལས། རྒྱལ་པོ་བཙན་བ་དང་། བློན་པོ་འཛངས་པ་དཀུའ་བོ་ཆེ་རྣམས་ཀྱིས། གཆིག

28 གྀས་གཆིག་བརླག་སྟེ། འབངས་སུ་བཀུག་ན། མཐའ་མ་འོ་ལྡེ་སྤུ་རྒྱལ་གྱྀ་དབུ་རྨོག་མ་ཐུབ་སྟེ།

29 མནར་ནྀ་ལྷ་ནར་གྱིས་མནརད། ཐུན་ནྀ་རྗེ་ཐུན་གྱིས་བཐུན་ཏེ་བཀུག་གོ། །

རྒྱལ་རབས་རིམ་བྱུང་གི་མིང་།

30 ༇ ལྷ་གནམ་གྱྀ་སྟེང་ནས་གཤེགས་པའ། གནམ་ལྷབ་ཀྱི་བླ་ན། ཡབ་ལྷ་བདག་དྲུག་བཞུགས་པ་འི་སྲས། གཅེན།

31 གསུམ་གཅུང་གསུམ་ན། ཁྲྀ་འི་བདུན་ཚྀགས་དང་བདུན། ཁྲི་འི་བདུན་ཚིགས་ཀྱྀ་སྲས། ཁྲི་ཉག་ཁྲྀ་བཙན་པོའ། །

32 ས་དོག་ལ་ཡུལ་ཡབ་ཀྱི་རྗེ། དོག་ཡབ་ཀྱི་ཆར་དུ་གཤེགས་སྰོ། ལྷ་རྀ་གྱང་དོར་གཤེགས་ན། རྀ་རབ་ལྷུན་པོ་ཡང་

33 དགུའ་དུད་དུད། ཤྀང་སྡོང་པོ་ཡང་བང་ཐང་ཐང་། ཆབ་ལུ་མ་ཡང་དངོ་སིལ་སིལ་། གོར་ཕ་བོང་ལ་སྩོགས་པ་ཡྔ་

34 མཉེད་ཁྲུང་ཁྲུང་གིས་པྱག་འཚལ་ལོ། །བོད་ཀ་གཡག་དྲུག་གྀ་རྗེར་གཤེགས་སོ། ཐོག་མ་ས་ལ་གཤེགས་

35 པ་ཡང་། གནམ་མཐའ་འོག་གྀ་རྗེར་གཤེགས་པས། གནམ་གྱྀ་ནི་དབུས། ས་འྀ་ནི་དཀྱིལ། གླྀང་གི་ནི་སྙིང་

36 པོ། གངས་ཀྱི་ནྀ་ར་བ། ཆུ་བོ་ཀུན་ཀྱི་ནི་མགོ་བོ། །རྀ་མཐོ་ས་གཙང་། ཡུལ་བཟང་། མྱི་འཛངས་ཤིང་

37 དཔའ་རུ་སྐྱེ། ཆོས་བཟང་དུ་བྱེད། རྟ་མགྱོགས་སུ་འཕེལ་བ་འྀ་གནསུ། ཚུལ་ཀྱིས་བདམས་སྟེ་གཤེགསྰོ།

38 རྒྱལ་པོ་གཞན་དང་མྱྀ་མཚུངས་པ་འྀ་ཆོས། པྱག་མཉེད་ཁྲུང་ཁྲུང་གྀས་འཚལ་ཞྀང་། སླེ་བ་འོད་ཀྱིས་

39 ལེན། མྱྀ་བཅུན་(བཙུན)སོན་པ་འྀ་རྣམས། རྗེ་ས་འྀ་གོས་གྱོན་ཞྀང་། སྐྱེས་པ་ཆེད་པོ་རྣམས་བཙུན་བ་འི་རྣམ་

40 པ་ཡང་དེ་ནས་བྱུང་བ་ཡྀན་ནོ། །ཤྀང་རབས་ཀྱྀ་ནང་ན་ནྀ་ཐང་ཤྀང་རིང་པོ་རིང་། ཆུ་རབས་ཀྱི་ནང་ན་ནྀ

41 ཡར་ཅུ་སྔོན་པོ་ཆེ། ཡར་ལྷ་ཤམ་པོ་ནི་གཙུག་གྀ་ལྷ་འོ། །

42 ༇ གནམ་ལྷབ་ཀྱྀ་བླ་ན་ཡབ་བླ་བདག་དྲུག་བཞུགས་པ་འྀ་སྲས། གཅེན་གསུམ་གཅུང་གསུམ་ན། ཁྲི་འི་བདུན་ཚྀགས་དང་བདུན། །

43 ཁྲྀ་འི་བདུན་ཚྀགས་ཀྱི་སྲས། ལྡེ་ཉག་ཁྲི་བཙན་པོ། ས་དོག་ལ་ཡུལ་ཡབ་ཀྱི་རྗེ་དོག་ཡབ་ཀྱྀ་ཆར་དུ་གཤེགས་ནས། ལྷ་སྲས་མྱི་

44 ཡུལ་གྱྀ་རྒྱལ་མཛད་ཅིང་བཞུགས་པ་ལས། མངོན་དུ་ཐལ་བྱུང་དགུང་དུ་གཤེགས་པ། །ལྡེ་ཉག་ཁྲི་བཙན་པོ་དང་། གནམ་མུག

45 མུག་དུ་བཤོས་པ་འྀ་སྲས། མུ་ཁྲི་བཙན་པོ། མུག་ཁྲི་བཙན་པོ་དང་ས་དྀང་དིང་དུ་བཤོས་པ་འྀ་སྲས། དྀང་ཁྲི་བཙན་པོ་དིང་ཁྲི་

46 བཙན་པོ་དང་། སོ་ཐམ་ཐམ་དུ་བཤོས་པ་འྀ་སྲས། སོ་ཁྲི་བཙན་པོ། སོ་ཁྲི་བཙན་པོ་འི་སྲས། དེ་ཁྲི་བཙན་པོ། དེ་ཁྲི་བཙན

47 པོ་འི་སྲས། ཁྲི་སྤེ་བཙན་པོ། །འདྀ་ཡན་ཆད་འདྲའ་སྟེ། སྲས་ཆྀབས་ཀ་ཐུབ་ན། ཡབ་དགུང་དུ་གཤེགས་སོ། །ཁྲི་སྤེ་

48 བཙན་པོ་འྀ་སྲས། དྲྀ་གུམ་བཙན་པོ། དྲི་གུམ་བཙན་པོ་འི་སྲས། །སྤུ་དེ་གུང་རྒྱལ་གནམ་ལ་དྲི་བདུན། ས་ལེ་ལེགས་

49 དྲུག་བཤོས་ན། སྤུ་དེ་གུང་རྒྱལ་གྲོངས་ན། གྲང་མོ་གནམ་གསེར་བརྩིག། །གསེར་བརྩྀག་གྀ་སྲས། ཐོ་ལེག

50 བཙན་པོ། །ཐོ་ལེག་བཙན་པོ་འི་སྲས། །ཤོ་ལེགས་བཙན་པོ། ཤོ་ལེགས་བཙན་པོ་འི་སྲས། །གོ་རུ་ལེགས་བཙན་པོ།

51 གོ་རུ་ལེགས་བཙན་པོ་འི་སྲས། །འབྲོང་ཞི་ལེགས་བཙན་པོ། འབྲོང་ཞི་ལེགས་བཙན་པོ་འི་སྲས། ཐི་ཤོ་ལེག་བཙན་པོའ།

52 ཐྀ་ཤོ་ལེག་གི་སྲས། ཨྀ་ཤོ་ལེག་བཙན་པོ། །ཨྀ་ཤོ་ལེག་གྀ་སྲས། ཟྭ་གནམ་ཟྀན་ཏེ། །ཟྭ་གནམ་ཟྀན་ཏེ་འི་སྲས།

53 ལྡེ་བྲུ་བོ་གནམ་གཞུང་བཙན། གནམ་གཞུང་བརྩན་གྱྀ་སྲས། །ལྡེ་གོལ། ལྡེ་གོལ་གྱི་སྲས། གནམ་ལྡེ་རྣོལ་

54 ནམ། གནམ་ལྡེ་རྣོལ་ནམ་གྱྀ་སྲས། བསེའ་རྣོལ་པོ། བསེ་རྣོལ་པོ་འི་སྲས། ལྡེ་རྒྱལ་པོ། ལྡེ་རྒྱལ་པོ་འི་སྲས།

55 རྒྱལ་སྲྀན་བརྩན། རྒྱལ་སྲིན་བརྩན་གྱྀ་སྲས། རྒྱལ་ཏོ་རེ་ལོངས་བརྩན། རྒྱལ་ཏོ་རེ་ལོངས་བརྩན་གྱི་སྲས

56 ཁྲི་བརྩན་ནམ། །ཁྲྀ་བརྩན་ནམ་གྱྀ་སྲས། །ཁྲི་སྒྲ་སྦུང་བརྩན། ཁྲྀ་སྒྲ་སྦུང་བརྩན་གྱི་སྲས། །ཁྲི་ཐོག་བརྩན།

57 ཁྲི་ཐོག་བརྩན་དང་། རུ་ཡོང་ཟ་སྟོང་རྒྱལ་མཚོ་མར་བཤོས་པ་འྀ་སྲས། ལྷ་ཐོ་དོ་སྙ་བརྩན། ལྷ་ཐོ་དོ

58 སྙ་བརྩན་དང་། གནོའ་ཟ་མང་མོ་རྗེ་ཇི་དགོས་སུ་བཤོས་པ་འྀ་སྲས། །ཁྲྀ་སྙ་ཟུང་བརྩན། ཁྲྀ་སྙ་ཟུང་

59 བརྩན་དང་། འབྲོའ་ཟ་དུང་པྱང་བཞེར་དུ་བཤོས་པ་འྀ་སྲས། འབྲོ་མཉེན་ལྡེ་རུ། འབྲོའ་མཉེན་ལྡེ་རུ་དང་།

60 མཆིམས་ཟ་ཀླུ་རྒྱལ་ངན་མོ་མཚོར་བཤོས་པ་འྀ་སྲས། སྟག་བུ་སྙ་གཟིགས། སྟག་བུ་སྙ་གཟིགས་དྔ།

61 འོལ་གོད་ཟ་སྟོང་ཙུན་འབྲོ་གར་བཤོས་པ་འྀ་སྲས། །སློན་བཙན་རླུང་ནམ། སློན་བཙན་རླུང་ནམ་དང་།

62 ཚེས་པོང་ཟ་འབྲིང་མ་ཐོག་དགོས་སུ་བཤོས་པ་འྀ་སྲས། སྲོང་ལྡེ་བརྩན། སྲོང་ལྡེ་བརྩན་དང་། མོང་

63 ཟ་ཁྲྀ་མོ་མཉེན་ལྡོང་སྟེང་དུ་བཤོས་པ་འྀ་སྲས། །གུང་སྲོང་གུང་རྩན། གུང་སྲོང་གུང་རྩན་དང་། ཁོན་ཅོ་མང་མོ་

64 རྗེ་ཁྲི་སྐར་དུ་བཤོས་པའྀ་སྲས། །མང་སློན་མང་རྩན། མང་སློན་མང་རྩན་དང་། འབྲོའ་ཟ་ཁྲི་མ་ལོད།

65 བྲྀ་སྟེང་དུ་བཤོས་པ་འྀ་སྲས། འདུས་སྲོང་མང་པོ་རྗེ། འདུས་སྲོང་མང་པོ་རྗེ་དང་། མཆིམས་ཟ་བཙན་

66 མ་ཐོག། ཐོག་སྟེང་དུ་བཤོས་པ་འྀ་སྲས། །ཁྲྀ་ལྡེ་གཙུག་བརྩན། ཁྲི་ལྡེ་གཙུག་བརྩན་དང་། སྣ་ནམ་ཟའ

67 མང་མོ་རྗེ་བཞྀ་སྟེང་དུ་བཤོས་པ་འི་སྲས། ཁྲི་སྲོང་ལྡེ་བརྩན། ཁྲི་སྲོང་ལྡེ་བརྩན་དང་། ཚེས་པོང་ཟ་རྨ་རྒྱལ་

68 ལྡོང་སྐར་དུ་བཤོས་པ་འྀ་སྲས། མུ་ནེ་བརྩན་དང་། ལྡེ་སྲོང་བརྩན། མུ་བརྩན་གདུང་ཆད་ནས། ལྡེ་སྲོང་

69 བརྩན་དང་། འབྲོ་ཟ་ལྷ་རྒྱལ་མང་མོ་རྗེར་བཤོས་པ་འྀ་སྲས། ཁྲྀ་གཙུག་ལྡེ་བརྩན་དང་། འུ་འྀ་དུམ་བརྟན ......

I.O.ch.xvii,2

1 ...... འྀ་བཀའ་གྲོས་ལ་གཏོགསྟེ་ཟུ་ཙེ་གློ་བ་ཉེའོ། །འུང་གི་འོག་དུ། །བཙན་པོ་[ཁྲི་]སྲོང་རྩན་གྱི་རིང་ལ།

2 མྱང་ཞང་སྣང་གློ་བ་རྀངས་པ:ཟུ་ཙེས་དཀུ་འཔེལ་ཏེ། །བཙན་པོའི་སྙན་དུ་གསོལ་ཏེ། །ཞང་སྣང་བཀཾུ་ནས་ཟུ་ཙེ

3 གློ་བ་ཉེའོ། །ཏོ་ཡོ་ཆས་ལའྀ་རྗོ་བོ་བོར་ཡོན་ཙེ་པརླག་སྟེ། །ཏོ་ཡོ་ཆས་ལ་ལསྩོགས་ཏེ་བྱང་གི་ཞང་ཞུང་ཐམས

4 ཅད། ཁྲྀ་སྲོང་རྩན་གྱི་ཕྱག་དུ་ཕུལ་ཏེ། །ཟུ་ཙེ་གློ་བ་ཉེའོ། །བཙན་པོའི་བློན་པོ་ནང་ན། སྤུང་སད་ཟུ་ཙེ་ལས་གློ་བ་

5 ཉེ་བ་སྔན་ཆད་ཀྱང་མ་བྱུང་ངོ། །ཟུ་ཙེ་འཛངས་སོ་ཤེས་སོ། །སྒྱུ་ཆེ་ཞིང་མཁས་སོ། །དཔའ་ཤེས་པའོ:། ཆུ་གང

6 ཆེའོ། །ཡང་བ་རྀང་ངོ་། །མྱི་ཆིག་ལ་ཚོགས་དགུ་ཚོགས་ན། སྤུང་སད་ཟུ་ཙེ་ལསྩོགས་དགུ་ཚོགས་སོ། །

1 ༄ འུང་གི་འོག་དུ་བཙན་པོ་ཁྲི་སྲོང་རྩན་གྱི་རྀང་ལ། །ཁྱུང་པོ་སྤུང་སད་ཟུ་ཙེ་ལྟ་ཞིག་རྒསྟེ་ཉི་མ་འདེར་གནང་ངོ། །འུང་ནས

2 བཙན་པོའི་ཞ་སྔར:། ཟུ་ཙེས་གསོལ་པ། །སྔུན་ཡབ་གནམ་རྀའི་རིང་ལ། །བདག་གྶི་འབངསུ་བཀུག་པ་ལྟ་ཞིག། ཡ(ཡབ)

3 ཀྱིས་ཀྱང་མ་གཟིགས། ཞབས་ཀྱིས་ཀྱང་མ་བཅགས་ན། །བཙན་པོ་སྲས་ཀྱིས། སྤྱན་ཀྱིས་གཟིགས་ཤིང་། ཞབས་ཀྱིས

4 བཅགསྟེ། །བདག་རྒན་པོའི་སྡུམ་པ་ཁྲི་བོམསུ་དགྱེས་སྐྱེམས་སྟོན་མོ་གསོལ་བར་ཇི་གནང་ཞེས་གསོལ་ནས

5 བཙན་པོ་ཁྲི་སྲོང་རྩན་གྱིས་ཟུ་ཙེ་གསོལ་བ་བཞིན་དུ་གནང་ངོ། འུང་གི་རྗེས་ལ། །མགར་ཡུལ་ཟུང་ཕོ་བྲང་ས་འདྲི

6 བར་བཀའ་སྩལ་ཏེ། །ཟུ་ཙེ་གན་དུ་མཁར་ཁྲི་བོམསུ་མཆིས་ནས། །མགར་(ཡུལ་ཟུང་)གིས་བལྟས་ན། མགར ......

External links

• Catalogue of the ancient principalities and a list of the Royal genealogy, P.T. 1286