གསེར་གྱི་མེ་ཏོག་མཛེས་པ་རིན་པོ་ཆེ་སྒྲོན་མ་འབར་བའི་རྒྱུད
༄༡
༢༨༢
བོད་སྐད་དུ
གསེར་གྱི་མེ་ཏོག་མཛེས་པ་རིན་པོ་ཆེ
སྒྲོན་མ་འབར་བའི་རྒྱུད་ཅེས་བྱ་བ
བཅོམ་ལྡན་འདས་དཔལ་སྣང་བ་རང་ཤར་བ་ཉིད་ལ་ཕྱག་འཚལ་ལོ
འདི་སྐད་བདག་གིས་བསྟན་པའི་དུས་གཅིག་ན
སྟོང་པ་ཉིད་ཀྱི་གཞི་ཚད་མེད་པར་གསལ་བའི་དཀྱིལ་འཁོར་ན
མི་འབྱེད་པ་ཆེན་པོའི་འདུལ་སྟངས་སོ་སོ་མ་ཡིན་ཐ་དད་པ་མ་ཡིན
པའི་སྣང་བ་ཆེན་པོ་རྣམ་པར་བཀོད་ཅིང
༢༨༣
ཡེ་ནས་རང་གསལ་ཆེན་པོའི་གཞི
རང་སྣང་ཆེན་པོའི་སྤྱོད་པ་འགག་མེད་དུ་ཤར་བའི་ཀློང་ནས
འགག་པ་མེད་པའི་རིག་པ་ཤར་ནས
བརྗོད་དུ་མེད་པའི་དོན་འདི་གསུངས་སོ
གསུང་ངོ
གསུང་བར་འགྱུར་རོ
སར་བ་ཨ་ས་མ་ལ་དྷ་ཐིམ
བྷེ་ཏ་ཨ་ལོ་ཀ
ཨ་ན་མ་པེ་ལམ་ཀི
སར་བ་མ་ནི་ཤ
ཨ
ཨ་ཨ
ཨ་ཨ་ཨ
༢༨༤
ཨ་ཨ་ཨ་ཨ
མ་མ
ཨེ་ཀ་ས་ར
འདི་སྐད་བདག་གིས་ཐོས་པའི་དུས་གཅིག་ན
སྒྲོན་མ་སྣང་བར་བྱེད་པ
སྣ་ཚོགས་རིན་པོ་ཆེའི་ས་གཞི་ལ
ཡེ་ཤེས་རྣམ་པ་ལྔའི་མིག་སྤྲས་པ
ཁ་དོག་གསལ་བ་ཆེན་པོ
གཞི་དཔག་ཏུ་མེད་པའི་སྣང་བ་རྒྱ་ཆེ་ལ་དཀྱིལ་ཡངས་པ
མཐའ་རྣམ་པར་གསལ་བ
རྩེ་མོ་ཀུན་ཏུ་བཟང་ཐལ་བ
ཕྱོགས་བཅུ་ཀུན་ཏུ་འཆར་བྱེད་མ་འགགས་པ
ཕྱི་དང་ནང་མེད་པའི་ས་ལ་བཀོད་པ་ཡོངས་སུ་རྫོགས་པ
རྒྱན་ཐམས་ཅད་ཀྱིས་མཛེས་པར་བྱས་པ
ཕྱོགས་བཅུ་གང་ནས་བལྟས་ཀྱང་ཀུན་ཏུ་ཟང་ཐལ་བའི་ཆོས་ཉིད
ཀྱི་ཕོ་བྲང་ནས
སྣང་བ་རྣམ་པར་དག་པའི་རྡོ་རྗེ་ཆང་ཆེན་པོས་རྒྱུད་དག་པའི
རྡོ་རྗེ་འཆང་ལ
རང་བཞིན་སྣང་མཛད་ཆེན་པོའི་ཐུགས་རྗེས་གཟིགས་ནས
༢༨༥
སྙིང་པོ་བླ་མེད་ཆེན་པོའི་གསང་བ་ཐུན་མོང་ལས་འདས་པ་འདི
གཉིས་སུ་མེད་པའི་ཡེ་ཤེས་ཀྱི་ཀློང་དུ་དྲིལ་བའི་ཐུགས་ནས་ཡངས
པའི་མགུར་གྱི་བུམ་པར་དྲིལ་ཏེ
ཐབས་ཐུན་མོང་མ་ཡིན་པའི་ལྗགས་ཀྱིས་དབང་པོ་ལ་བཀྲམ་ནས
རྡོ་རྗེ་སྒྲོན་མ་སྣང་བར་བྱེད་པའི་ཚིག་གསུམ་དུ་འདི་དག་བཀའ
སྩལ་ཏོ
རང་བཞིན་རྒྱུད་དག་རྡོ་རྗེ་འཆང
ངས་ནི་འགག་མེད་དྲན་པ་ལ
སྤྱོད་པའི་ཡིད་ནི་ཀུན་ཏུ་ཤར
སྣང་བ་མེད་པའི་ཕྱོགས་ནས་ནི
ཡིད་བསམ་དྲན་པ་བཅད་པའི་ཕྱིར
ཐེག་པ་རྣམས་ཀྱི་རྩེ་མོ་པ
ང་ཡིས་སྤྲོས་ཀྱིས་ཁྱོད་ཀྱིས་ཉོན
འཇིག་རྟེན་ཁམས་ནི་ཐམས་ཅད་དུ
རིག་པ་འགག་མེད་རང་སྣང་ཀྱང
འདི་ཀུན་སུས་ཀྱང་མཐོང་བ་མེད
མཐོང་མེད་ཡེ་ཤེས་ཆེན་པོ་ནི
གང་གིས་མེ་ཏོག་མཛེས་པ་མཐོས་ཆོས་སྐུ་དང་རིག་པ
མ་མཐོང་བ་ཡི་ཡེ་ཤེས་ལ
སྒྲོན་མ་ཉིད་ཀྱི་ཡེ་ཤེས་སུ
ཐོག་མ་ཉིད་ནི་རང་སྣང་བས
རྡོ་རྗེ་སྙིང་པོ་ཉིད་དུ་ཤར
ཤར་ཙམ་ཉིད་ནས་ནུབ་པ་མེད
༢༨༦
ནུབ་མེད་ཡེ་ཤེས་གཏེར་ཆེན་འདི
སུ་ཡིས་སྤྱོད་པ་སྐལ་པ་བཟང
སྐལ་བཟང་བདེ་བའི་ངང་ཚུལ་ཅན
འདི་ལ་མི་དགེ་རྡུལ་ཙམ་མེད
རྡུལ་དང་བྲལ་བའི་རང་རིག་ཉིད
འདི་ལ་ཐ་སྙད་ཚིག་དང་བྲལ
འདི་ཀུན་སྒྲོན་མ་རྣམ་བཞི་ཡིས
སེམས་ཅན་ཀུན་གྱི་སྣང་བ་འཛིན
རྒྱང་ཞགས་ཆུ་ཡི་སྒྲོན་མ་ཡིས
གཟུགས་སོགས་ངོ་བོ་ཉིད་དུ་སྡུད
ཤེས་རབ་རང་བྱུང་སྒྲོན་མ་ཡིས
ཐེག་པ་རྣམས་ཀྱི་ཐེ་ཚོམ་གཅོད
ཐིག་ལེ་སྟོང་པའི་སྒྲོན་མ་ཡིས
འཁོར་འདས་བསྲེ་བའི་མཚམས་སྦྱོར་བྱེད
དག་པ་དབྱིངས་ཀྱི་སྒྲོན་མ་ཡིས
རྣལ་འབྱོར་ཉམས་ཀྱི་བོགས་འདོན་བྱེད
འདི་ཀུན་ཁྱད་པར་སྣང་བའོ
དེ་ནས་རྒྱུད་དག་རྡོ་རྗེ་འཆང
དགའ་མགུ་རང་བ་རབ་སྐྱེས་ནས
སྣང་དག་རྡོ་རྗེ་འཆང་བ་ལ
ཞུ་བའི་ཚིག་ནི་འདི་སྐད་གསོལ
ཀྱེ་མ་སྟོན་པ་རྡོ་རྗེ་འཆང
སངས་རྒྱས་ཀུན་གྱི་རང་སྣང་བའི
སྟོན་པས་སྒྲོན་མ་བཞི་གསུངས་པས
རྒྱང་ཞགས་ཆུ་ཡི་སྒྲོན་མ་ཞེས
༢༨༧
སྟོན་པས་ཚིག་ཏུ་སྔར་གསུངས་པ
འདི་ཉིད་མ་འཚལ་བདག་ལ་གསུངས
དེ་ནས་རྡོ་རྗེ་འཆང་ཆེན་གྱིས
ཚིག་ནི་འདི་སྐད་རབ་ཏུ་གླེང
ཨེ་མ་རྒྱུད་དག་རྡོ་རྗེ་འཆང
ངས་སྒྲོན་མ་རྣམས་བཞི་ཡི
སྣང་བ་ཉིད་ལ་བལྟས་པས
འདི་ཀུན་རིམ་གྱིས་བློ་ཡུལ་སྣང
རྒྱང་ཞགས་ཆུ་ཡི་སྒྲོན་མས་ནི
གསུམ་གྱི་སྣང་བ་འཛིན་པར་བྱེད
དེས་ནི་གསུམ་གྱི་སྣང་བཟུང་བས
ལྟ་བ་ཀུན་གྱི་སྙིང་པོར་ཡང
དེ་ཀུན་འདི་ཡིས་བལྟ་བས་ན
འདི་ནི་ལྟ་བའི་གཞི་འཛིན་པར
སྐྱེད་བྱེད་ས་བོན་བཞིན་དུ་གནས
རྒྱུ་ཡི་རྡོ་རྗེ་ཡང་འཆང་བས
སྟོན་པ་རྡོ་རྗེ་འཆང་ཆེན་ལ
ཚིག་ནི་འདི་སྐད་ཅེས་གསོལ་ཏོ
ཀྱེ་ཀྱེ་སྟོན་པ་རྡོ་རྗེ་འཆང
རྒྱང་ཞགས་ཆུ་ཡི་སྒྲོན་མ་ཞེས
འདི་ཡི་ངོ་བོ་ཅི་ལྟ་བུ
འདི་ལ་ངེས་ཚིག་ཇི་སྐད་གསུང
དབྱེ་བ་རྣམ་པ་དུ་ཞིག་ཡོད
༢༨༨
མཚན་ཉིད་བཞུགས་ཚུལ་ཇི་ལྟ་བུ
གནས་ནི་གང་ལ་གནས་པ་ལགས
འཆར་སྒོའི་སྣང་བ་ཇི་ལྟ་བུ
འདི་ཡི་མཐུན་དཔེ་གང་ཞིག་ལགས
འདི་ཀུན་ཚད་རྣམས་གང་གིས་བཟུང
སྟོན་པས་འདི་ཀུན་བདག་ལ་གསུང
དེ་ནས་སྟོན་པས་ཡང་གསུངས་པ
ཀྱེ་མ་རྒྱུ་ཡི་རྡོ་རྗེ་འཆང
ངས་བསྟན་ཁྱོད་ཀྱིས་མ་འཁྲུལ་བར
འདི་ཀུན་ཟུང་ཞིག་རྡོ་རྗེ་འཆང
རྒྱང་ཞགས་ཆུ་ཡི་སྒྲོན་མ་ཡི
ངོ་བོས་སྣང་བ་གཉིས་ཀ་སྡུད
མཐོང་བྱེད་འཛིན་ཆ་མ་འགགས་ཕྱིར
གཉིས་ཀའི་ཆ་འཛིན་བལྟ་བས་ན
འཁོར་འདས་མཐུན་པའི་བལྟ་བའོ
ངེས་པའི་ཚིག་ནི་འདི་ལྟ་བུ
རྒྱང་ནི་རིང་བའི་རྒྱུད་འཛིན་པས
གཟུགས་སུ་སྣང་བ་འཛིན་པ་དང
ཁ་དོག་ལ་སོགས་སྡུད་པ་དང
རིག་པའི་སྐུ་ཡང་རྒྱང་རིང་ནས
མཐོང་བྱེད་འཛིན་པར་བྱེད་པ་དང
འཁོར་བ་རྟོགས་པའི་ཕྱོགས་ནས་ནི
རྒྱང་དུ་འཕེན་པས་རྒྱང་ཞེས་བྱ
༢༨༩
དེ་བཞིན་མ་རྟོགས་ཕྱོགས་ནས་ཀྱང
མྱང་འདས་འཕེན་པས་རྒྱང་ཡིན་ནོ
དེ་བཞིན་འཁོར་བའི་སྣང་ཆ་ནས
གཟུགས་དང་འདོད་ཡོན་ལྔ་རྣམས་ནི
འདི་ཡིས་འཆིང་བས་ཞགས་པ་ཡིན
དབང་པོའི་ཡུལ་ལ་སྣང་བ་ཡི
དྲན་བསམ་བདག་ཏུ་འདིས་འཛིན་པས
ཞགས་པ་ཞེས་ནི་རྒྱང་ནས་འཛིན
དེ་བཞིན་ནམ་མཁའ་སྤྲིན་བྲལ་ལ
རིག་པ་བདག་མེད་སྐུར་སྣང་བས
སྣང་བ་ཡས་སུ་མི་འཇུག་པར
འདི་ཡིས་འཛིན་པ་ཞགས་ཞེས་བྱ
ཆུ་ནི་སྣང་བ་དེ་དག་ལ
ཞེན་པ་རང་སར་ལོག་ནས་ནི
ཀུན་ལ་ཆགས་པའི་སེམས་མེད་པར
སྣང་བ་རང་སར་བཞག་ནས་ནི
བདག་འཛིན་བྲལ་བས་ཆུ་ཞེས་བྱ
སྒྲོན་ནི་རང་གི་སྣང་བ་ཀུན
གོང་ནས་གོང་དུ་འཕེལ་བ་ཡིས
རིག་པའི་ཡེ་ཤེས་གསལ་བས་སྒྲོན
འབྱུང་བ་རགས་པའི་སྣང་བ་ཀུན
༢༩༠
རང་ཤེས་སྤྱོད་པ་འགག་མེད་ཅིང
དབང་པོའི་རབ་སྒོར་གསལ་བས་སྒྲོན
རིག་པ་ཕྱི་ཡི་དབྱིངས་བཞག་པས
ནང་དབྱིངས་རང་སར་དག་སྟེ་སྣང
ཉམས་ཀྱི་སྣང་བ་འདི་སྐྱེས་པས
དབྱིངས་རིག་འདྲེས་པས་མ་ཡང་ཡིན
དབང་པོ་ཀུན་གྱི་དངས་མ་ཡང
འཆར་བྱེད་སྒོ་ནི་མིག་ཡིན་པས
ཀུན་གྱི་གཞི་འཛིན་མ་ཞེས་བྱ
དབྱེ་བ་རྣམ་པ་གསུམ་ཡིན་ནོ
འབྱུང་བའི་དངས་མར་རང་འདུས་པའི
རྒྱང་ཞགས་ཆུ་ཡི་སྒྲོན་མ་དང
ཡེ་ཤེས་འདུས་པའི་རྒྱང་ཞགས་དང
དབང་པོ་འདུས་པའི་རྒྱང་ཞགས་སོ
འདི་ཡི་མཚན་ཉིད་འདི་ལྟ་བུ
འཆར་བྱེད་འགག་པ་མེད་པ་ཡིས
དབང་པོའི་དངས་མ་མིག་གི་སྒོར
བསྐྱེད་པས་དངས་མའི་སྤྱན་དུ་གནས
རང་གི་མཚན་ཉིད་དབང་པོ་འཛིན
འབྱུང་བ་ལས་ནི་འཕེན་པ་དང
༢༩༡
སྡུད་དང་འཛིན་དང་མཆེད་པར་སྣང
ཡེ་ཤེས་ལས་ནི་བལྟ་བ་དང
གནས་དང་གོང་མ་འཛིན་པའོ
དབང་པོས་ཡུལ་དང་ཡུལ་ཅན་དང
ཡུལ་མེད་རྣམས་ནི་རང་འཛིན་པའོ
འདི་ཡི་གནས་ནི་མིག་ཡིན་ཏེ
མཐོང་བྱེད་འགག་པ་མེད་པ་ཡིས
ཡུལ་རྣམས་འཛིན་པར་བྱེད་པ་ཡིན
ཀླད་པ་དུང་ཁང་དཀར་པོ་ལ
གཡས་སུ་འཁྱིལ་པ་གསུམ་ཡོད་པ
རྩ་ནི་བ་མེན་རྭ་ཡིད་བྱིབས
དབང་པོའི་དངས་མ་ཀུན་འདུས་ནས
དབང་པོ་ཡུལ་ལ་འཆར་བྱེད་པའི
རྩ་ཡི་ནང་ན་འདི་ཉིད་གནས
ཐོག་མ་རང་གི་ལུས་བསྐྱེད་པས
མ་ཡི་མང་ལ་དུ་ཞུགས་པའི་ཚེ
ལུས་ཀུན་གྱི་ནི་ཐོག་མ་རུ
ལྟེ་བའི་རྩ་མདུད་ཆེན་པོ་ལས
དབུས་ཀྱི་གྲུ་གསུམ་ཉིད་དུ་ཡང
ཕ་མའི་རྒྱུ་རྐྱེན་དངས་མ་ལས
མི་གི་འབྲས་བུ་ཉིད་དུ་ཆགས
དེ་ཡང་ཕ་མའི་ཆ་གཉིས་ལས
དཀར་ནག་འདྲེས་པ་ཉིད་དུའོ
༢༩༢
འཆར་བའི་སྒོ་ནི་མིག་གཉིས་དང
དབང་པོ་ཡུལ་ལ་འཆར་བྱེད་ཀྱི
རྩ་ལས་འདི་ཀུན་སྣང་བར་ཤར
དཔེར་ན་འཛིན་བྱེད་ལྕགས་ཀྱུ་ཡིས
གང་སྣང་སྣ་ནས་འཛིན་པ་བཞིན
འཁོར་དང་མྱ་ངག་འདས་པ་ཡི
སྣ་གཉིས་འདི་ཡིས་འཛིན་པར་བྱེད
སྒྲོན་མས་སྣང་བར་བྱེད་དོན་གྱིས
ཡུལ་གཟུགས་སྣང་སྟེ་རིག་པ་ཡང
ལུ་གུ་རྒྱུད་སྣང་ཚད་ཡིན་ནོ
ཞེས་སྒྲོན་མ་འབར་བའི་རྒྱུད་ལས
རྒྱང་ཞགས་ཆུ་ཡི་སྒྲོན་མ་སྟོན་པའི་ལེའུ་སྟེ་དང་པོའོ
༄༢
དེ་ནས་རྒྱུད་དག་རྡོའི་ཆང
ཉིད་ཀྱིས་གསུངས་པ་བློར་ཚུད་ནས
ཡང་ནི་ཚིག་གིས་འདི་སྐད་གསོལ
ཀྱེ་ཀྱེ་བཅོམ་ལྡན་རྡོ་རྗེ་འཆང
སྟོན་པ་ཉིད་ཀྱིས་གསུངས་པ་ལས
བདག་ནི་དམ་པའི་ངེས་པ་རྙེད
ཆུ་ཡི་སྒྲོན་མ་དེ་ལྟར་ན
ཉིད་ཀྱིས་གོང་དུ་གསུངས་པ་ཡི
ཤེས་རབ་རང་བྱུང་སྒྲོན་མ་ཞེས
གསུངས་བའི་དོན་དེ་བདག་ཉན་འཚལ
དེ་ཡི་ངོ་བོ་ཇི་ལྟ་བུ
དེ་བཞིན་ངེས་ཚིག་རྣམ་པ་གང
དབྱེ་བ་དུ་ཡིས་བསྟན་པ་ལགས
འདི་ཡི་མཚན་ཉིད་ཇི་ལྟ་བུ
སྒོ་ནི་འཆར་བྱེད་གང་ལ་སྣང
༢༩༣
དེ་བཞིན་གནས་པ་གང་གིས་ལགས
དགོངས་པའི་ཚད་རྣམས་ཇི་ལྟ་བུ
འདི་ལ་མཐུན་དཔེ་གང་གིས་མཛད
སྟོན་པ་ཐུགས་རྗེ་ཆེན་པོ་ལ
འདི་ཀུན་བདག་གིས་ཉན་པར་འཚལ
དེ་ནས་སྟོན་པས་ཡང་གསུངས་པ
ཀྱི་མ་རྒྱུ་ཡི་རྡོ་རྗེ་འཆང
ང་ཡིས་བསྟན་གྱིས་ཁྱོད་ཀྱིས་ཉོན
འདི་ཀུན་འཁྲུལ་པ་མེད་པར་ཟུང
ཤེས་རབ་རང་བྱུང་སྒྲོན་མ་ནི
འདི་ནི་སྒྲོན་མ་ཐམས་ཅད་ཀྱི
ཤེས་བྱེད་ཉིད་དུ་གནས་པས་ན
ཀུན་གྱི་ཆ་ལ་འདི་ཉིད་ལས
འབྱེད་པའི་ཤེས་རབ་ཉིད་པས་ནི
འབྱེད་པ་མེད་པའི་ཚུལ་དུ་གནས
ཆ་ཕྲ་བསྐྱེད་པའི་ངོ་བོ་ནི
ཡེ་ཐོག་ཉིད་ནས་གནས་པའོ
ཤེས་པ་དངོས་དང་དངོས་མེད་པའི
སྣང་བ་ཀུན་ལ་རབ་ཞུགས་ནས
སྤྱི་ཡི་དོན་རྣམས་ཤེས་པ་དང
མ་བཅོལ་བཞག་པའི་གདིང་རྙེད་དེ
རང་གི་ཡེ་ཤེས་ཚད་རྣམས་ཤེས
རང་བཞིན་དག་པའི་ཆོས་སྐུ་ནི
སུས་མ་རྙེད་པར་རང་རིག་པས
ཀུན་ལས་ཁྱད་འཕགས་རབ་ཏུ་སྣང
༢༩༤
གཞན་གྱིས་དཔྱད་པའི་གནས་མེད་པས
རང་ཤར་ཡེ་ནས་དག་པའི་ཡུམ
གཞན་གྱི་ཡུལ་མིན་རང་ཞེས་བྱ
བྱས་པས་འདི་དོན་རྙེད་པ་མེད
སུ་ལ་རེ་བ་མེད་པའི་ཕྱིར
ཡེ་ནས་རང་སྣང་བྱུང་ཞེས་བྱ
སྒྲོན་ནི་ཆོས་ཉིད་ཐམས་ཅད་ཀུན
གཉིས་སུ་མེད་པར་སྣང་བར་བྱེད
མས་ནི་རང་ངོ་ཁྱབ་པས་སོ
ཆོས་ཉིད་མ་སྐྱེས་མི་འགག་པས
མི་གནས་རང་སར་གྲོལ་བ་ནི
མ་ཆགས་གནས་པ་མེད་པ་སྟེ
ཡེ་ནས་བཅིང་གྲོལ་མེད་པའོ
དབྱེ་བ་རྣམ་པ་ལྔ་ཡིན་ཏེ
གཞིག་ནས་རང་བྱུང་ཤེས་རབ་ཀྱིས
ལུས་སོགས་ཆོས་ཀྱི་རྟེན་རྣམས་བྱེད
སྣང་བ་ཅེར་འཛིན་ཤེས་རབ་ཀྱིས
དབྱིངས་དང་རིག་པའི་དུན་པ་འཛིན
དྲན་པ་འགག་མེད་ཤེས་རབ་ཀྱིས
ཤེས་པ་རྩེ་གཅིག་ཡུལ་རྣམས་སྤྲད
སོ་སོར་རྟོགས་པའི་ཤེས་རབ་ཀྱིས
སྤྱི་དང་རང་གི་མཚན་ཉིད་འབྱེད
འཇུག་བྱེད་རྣམ་གསུམ་ཤེས་རབ་ཀྱིས
རང་བཞིན་བར་དོ་གཏན་ལ་འབེབས
སྣང་དང་མི་སྣང་ཆོས་རྣམས་ཀུན
རང་བཞིན་མེད་པར་སུས་ཤེས་པ
འདི་ནི་དེ་ཡི་མཚན་ཉིད་དོ
འཆར་བྱེད་སྒོ་ནི་དབང་པོ་ལྔ
ཁྱད་པར་སྙིང་ནས་འཆར་བར་བྱེད
༢༩༥
དེ་རྟགས་མཚན་མོའི་དུས་ཉིད་དུ
གློ་དང་སྦྲིང་པ་དྲག་པོ་དང
ཤིན་ཏུ་གློ་དྲགས་ལུས་པའི་ཚེ
དམར་ལ་དངས་པའི་འོད་ཟེར་ནི
མེ་སྟག་བཞིན་དུ་རྣམ་འཕྲོས་པས
དེ་ཡི་ཚད་དང་རྟགས་དེ་ཡིས
འཆར་བར་བྱེད་པའི་སྒོ་ངོས་ཟིན
སྐྱེད་པར་བྱེད་པའི་རྩ་བཞི་ནས
འགྱུ་དང་འགུལ་དང་འཕྲིགས་པ་དང
ཡང་ཞིང་བསྐྱོད་པའི་བདག་ཉིད་དུ
ཅིཏ་ཏའི་དཀྱིལ་འཁོར་ཉིད་ལ་འཁོར
དངས་མ་ཤེས་པའི་བཅུད་རྣམས་ནི
མེ་སྟག་ཡར་བའི་མཚན་ཉིད་དུའང
ལྔ་བཞི་ལས་ཀྱི་རླུང་དང་བཅས
ཤེས་པ་གསལ་གསལ་རིག་རིག་པོ
ཤེས་རབ་རྣམས་ཀྱི་རང་བཞིན་དུ
རོ་མ་རྐྱང་མ་ཀུན་འདར་མ
ཤེལ་སྦུག་ཁོག་པ་སྟོང་པའི་ནང
གསལ་བ་ཤེས་རབ་ཆེན་པོར་བཞུགས
མིང་བཞི་འདུས་པའི་ཡེ་གདངས་སུ
ཐམས་ཅད་འབྱེད་པའི་ངོ་བོར་ནི
ཡེ་ནས་ལུས་ཀྱི་ཆ་ལ་གནས
སྐབས་སུ་རླུང་གིས་རང་བཟུང་བས
ཤེས་པ་དྲན་མེད་རྨུགས་པ་ཡང
ཤེས་རབ་རྩལ་རྣམས་རྒྱས་འཐུམས་པས
གསལ་བའི་ཆ་མེད་རྨུགས་པར་འགྱུར
༢༩༦
རླུང་གིས་ཤེས་རབ་རྩལ་བསྐྱོད་ཚེ
སྔོན་མ་ཐོས་བའི་ཆོས་རྣམས་ཀྱང
ཡིད་ལ་དྲན་ཞིང་གསལ་བར་འཆར
གསལ་དང་མི་གསལ་རྩལ་རྣམས་ནི
རླུང་གི་གཡོ་འགུལ་ཉིད་ལས་བྱུང
ལུས་དཀྱིལ་རྩ་ནང་གནས་པའོ
གཞི་གནས་ཤེས་རབ་རང་བྱུང་ཚད
ཆོས་ཀུན་མཉམ་པའི་ཉམས་སྐྱེས་ནས
ཤེས་པ་བརྟན་པའི་གདིངས་རྙེད་ཡིན
དེ་ཉིད་བགྱུར་བ་མ་ཡིན་པར
རྟག་ཏུ་རྒྱུད་ལ་གནས་པས་ན
འདིས་ནི་གཞི་གནས་ཤེས་རབ་ཟིན
འདི་ཡི་ལུས་ཀྱང་ཡང་བ་དང
ཤེས་པ་རྣམས་ནི་གསལ་བའོ
སྣང་བ་ཅེར་འཛིན་ཤེས་རབ་ཚད
ཅོག་བཞག་ཉམས་སུ་མྱོང་བའི་རྟགས
ལུས་དཀྱིལ་ཁ་དོག་ལྔ་ཡི་འོད
རྩོལ་བ་མེད་པར་ཕྱིར་ཤར་ནས
འདི་ལ་ཤེས་པ་རང་ས་ཟིན
ལུས་ཀྱང་ས་ལ་རེག་པ་མེད
འདི་ཡིས་ཤེས་པ་གར་གཏད་པའི
བེམ་པོ་རྣམས་ཀྱང་འགུལ་བར་འགྱུར
རང་རྩལ་འབྱོངས་པའི་ཚད་ཡིན་ནོ
དྲན་པ་འགག་མེད་ཤེས་རབ་ཚད
ཤེས་པ་གཞན་ལ་འཇུག་པ་མེད
གཅིག་པུར་འདུག་བར་དགའ་བ་དང
༢༩༧
དབེན་པའི་ས་ལ་རྟག་ཏུ་དད
མི་དང་འགྲོགས་སྙིང་མི་འདོད་པར
ཤེས་བ་རྩེ་གཅིག་འགྱུར་བ་མེད
གཞན་གྱིས་བརྗོད་པའི་གཏམ་ལ་ཡང
གཟུངས་སུ་འཛིན་པ་ཉིད་དང་བྲལ
བལྟ་བ་མི་འགྱུར་གདིང་ཉིད་དུ
ནམ་མཁའ་དག་ལ་འགྲོ་བ་སྙམ
སེམས་དེ་གར་གཏད་ས་དེར་ཆགས
ཕ་རོལ་རྣམས་ཀྱི་རྐྱེན་གྱིས་ཀྱང
འདི་ལ་བསྒྱུར་དུ་ག་ལ་ནུས
བག་མེད་ཤེས་པ་བདེ་ཡངས་པ
འདི་ལྟར་ཤེས་པའི་མི་དེ་ནི
དྲན་པ་འགག་མེད་ཤེས་རབ་ཟིན
སོ་སོར་རྟོགས་པའི་ཤེས་རབ་ཚད
ཀུན་གཞི་དང་ནི་ཆོས་སྐུ་ཡང
འདི་ལྟར་ཕྱེད་རྟགས་འདི་ལྟ་བུ
ལུས་ལ་ཞེན་པའི་བློ་བྲལ་ནས
རིག་པ་གར་གཏང་སར་གནས་ཏེ
ལུས་ནི་བེམ་པོ་བཞིན་དུ་འགྱུར
སེམས་དང་ཡེ་ཤེས་ཕྱེད་པས་ནི
འགྱུ་བྱེད་རྣམས་ཀྱི་སྒོ་ཡང་འགག
འབྱུང་བ་དྭངས་སྙིགས་སུ་ཕྱེད་པ
རགས་པའི་སྣང་བ་རང་འགགས་ཏེ
ལུ་གུ་རྒྱུད་ལ་བདེ་བར་སྤྱོད
དེ་བཞིན་འཁོར་འདས་སུས་ཕྱེད་པར
འཁྲུལ་པའི་བློ་རྣམས་སྐྱེ་མི་སྲིད
གལ་ཏེ་སྐྱེས་ཀྱང་ཕན་གནོད་བྲལ
༢༩༨
དེ་ལ་སོགས་པའི་ཤེས་རབ་ཀྱིས
འཁོར་འདས་གཏན་ལ་འཕེབས་པ་ནི
སོ་སོར་རྟོགས་པའི་ཤེས་རང་པོ
འཇུག་བྱེད་རྣམ་གསུམ་གེས་རབ་ཚད
ཆོས་ཀུན་ཚིག་གཅིག་སྨོས་པས་ནི
དེ་ཡི་གཞུང་ཀུན་ཤེས་པ་ནི
ཐོས་པའི་ཤེས་རབ་ཚད་དུ་ཕྱིན
ཤེས་པས་གང་ལ་བསམ་པ་ཡིས
ཟུངས་དེ་རྒྱུད་ལ་བདེར་ཤར་ན
བསམ་པ་ཡང་ནི་དེ་བཞིན་འབྱོངས
གང་བྱུང་རྐྱེན་གྱིས་མི་གནོད་པར
འཁྲུལ་རྟོག་ཞེན་པ་རང་འགག་པ
འདིས་ནི་བསྒོམ་པའི་ཤེས་རབ་རྙེད
དཔེར་ན་སྤྲ་བ་རླན་མེད་ལ
མེ་སྟག་ཕྲ་བ་ཉིད་ཕྲད་ཀྱང
སྤྲ་བ་ཀུན་མཆེད་མེས་བསྲེགས་བཞིན
ཤེས་རབ་ཀྱིས་ནི་བག་ཆགས་བསྲེགས
འདི་ཀུན་ཤེས་རབ་སྒྲོན་མའོ
ཞེས་སྒྲོན་མ་འབར་བའི་རྒྱུད་ལས
ཤེས་རབ་རང་བྱུང་གི་སྒྲོན་མ་བསྟན་པའི་ལེའུ་སྟེ་གཉིས་པའོ
༄༣
དེ་ནས་རྒྱུ་ཡི་རྡོ་རྗེ་འཆང
རང་གིས་ཡིད་ཆེས་ཚིག་ཤར་ནས
མི་རྟོག་མཉམ་པ་ཆེན་པོར་གྱུར
ཤེས་རབ་ཆེན་པོ་རང་ཤར་ནས
༢༩༩
ཆོས་ཀུན་རོ་གཅིག་རྩད་ནས་ཆོད
དངོས་བྲལ་སྟོང་པའི་ཡུལ་རྙེད་ནས
མ་འོངས་སེམས་ཅན་ཀུན་དོན་དུ
རྡོ་རྗེ་འཆང་ལ་འདི་སྐད་གསོལ
ཀྱེ་ཀྱེ་སངས་རྒྱས་རྡོ་རྗེ་འཆང
བདག་ཉིད་ཆོས་ཀུན་རང་གསལ་བས
དྲི་མ་མེད་པའི་མིག་རྙེད་ནས
སྤྲོས་བྲལ་ཀ་དག་ཆེན་པོ་ཡི
ཆོས་ཀུན་རྩད་ནས་འདིར་ཆོད་དེ
མ་འོངས་སེམས་ཅན་ཐམས་ཅད་ལ
སྙིང་རྗེས་སྙིང་ནས་བཟུང་བའི་ཕྱིར
ཤེས་རབ་སྒྲོན་མ་དེ་ལྟར་ན
ཐིག་ལེ་སྟོང་པའི་སྒྲོན་མ་ཉིད
སྟོན་པས་གོང་དུ་ཚིག་གསུངས་པ
འདི་ཡི་ངོ་བོ་ཇི་ལྟ་བུ
ངེས་པའི་ཚིག་ནི་གང་རྣམས་ལགས
དེ་བཞིན་དབྱེ་བ་དུ་ཙམ་མཆིས
མཚན་ཉིད་དགོངས་པ་ཅི་ཞིག་ཡོད
འདི་ཡི་གནས་ནི་གང་ན་གནས
འཆར་བར་བྱེད་པའི་སྒོ་དེ་གང
དེ་ལ་རང་བཞིན་ཅི་ལྟ་བུ
ཡུལ་ནི་ཅི་ལྟར་སྣང་ལ་ལགས
དེ་ཀུན་ཚད་ནི་གང་གིས་བཟུང
འདི་ཉིད་དངོས་ནི་གང་ཞིག་ལགས
དེ་ཡི་ཐབས་ཀྱི་མན་ངག་ཅི
དེ་ལ་མཐུན་དཔེ་ཇི་ལྟར་ལགས
འདི་ཀུན་སེམས་ཅན་ཀུན་དོན་དུ
༣༠༠
རྡོ་རྗེ་འཆང་ལ་བདག་ཉིད་འཚལ
དེ་ནས་རྡོ་རྗེ་འཆང་བ་ཡིས
རང་བཞིན་དག་བ་ཆེན་པོ་དེས
འདི་སྐད་ཚིག་ཏུ་ཡང་གསུངས་སོ
ཀྱེ་མ་རྒྱུད་དག་རྡོ་རྗེ་འཆང
ཁྱོད་ཀྱིས་ཞུས་པ་དེ་ལེགས་སོ
ང་ཡིས་ཁྱོད་ལ་བསྟན་པར་བྱ
འདི་ལྟར་མ་འོངས་དོན་དུ་ཡང
ངས་བསྟན་ཁྱོད་ཀྱིས་ཚིག་འདི་ཟུད
ཐིག་ལེ་སྟོང་པའི་སྒྲོན་མ་ནི
ཆོས་རྣམས་ཀུན་གྱི་ཡིད་ཆེས་སུ
འདི་ཉིད་སུ་ཡིས་ཤེས་པ་དེ
ཐིག་ལེ་སྐུ་ལ་ལོངས་སྤྱོད་དེ
གོམས་པ་རྣམས་ཀྱི་སྤྱོད་ཡུལ་ལོ
དེ་ཕྱིར་འདི་ཡི་ངོ་བོ་ནི
ཉག་གཅིག་ཆེ་ཕྲ་སྤྲོས་དང་བྲལ
སྟོང་པའི་མུན་འབྲལ་རང་གསལ་ཆེ
རང་བཞིན་རང་གསལ་མཉམ་པ་མེད
མི་རྟོག་སྤྲོས་བྲལ་ཟླུམ་པོར་གནས
མ་སྐྱེས་ཆོས་ཉིད་སྟོང་པ་ཉིད
མི་སྐྱེ་རྫས་མེད་འཇིག་དང་བྲལ
ཆོས་ཉིད་མ་ཡེངས་རང་ཤར་ཉིད
མ་འགགས་མ་གྲུབ་མཚན་ཉིད་བྲལ
མ་བསྐུར་རང་དབང་བཞི་རྫོགས་ཕྱིར
དམར་པོར་རང་གསལ་ལེ་ནས་སྟོང
དྲི་མ་མེད་ཅིང་ཀ་དག་པས
བདག་འཆིང་ཉོན་མོངས་རྣམས་དང་བྲལ
རང་གིས་རང་གསལ་དངོས་པོས་སྟོང
༣༠༡
འདི་ནི་དེ་ཡི་ངོ་བོར་འདོད
ཐིག་ནི་མི་འགྱུར་དྲང་པོ་ལ
ཡེ་ནས་བཅོས་པ་ཉིད་དང་བྲལ
ཡེ་ནི་གདལ་བ་ཆེན་པོ་ལ
སྣང་བ་རྣམས་ནི་རང་སར་རྫོགས
སྟོང་པ་དངོས་པོའི་འཛིན་པ་ནི
ཡུལ་ལ་ཞེན་པའི་བློ་རྣམས་བཀག
རང་བཞིན་སྟོང་པ་ཆེན་པོ་ཡི
གསལ་ལ་རང་བཞིན་བློ་མི་སྣང
སྒྲོན་མས་འོད་ལྔར་སྣང་བ་ནི
བྱས་ཏེ་རང་ངོ་གསལ་རིག་བཅས
འདི་རྣམས་ངེས་པའི་ཚིག་ཡིན་ནོ
ཆོས་ཉིད་སྟོང་པ་མ་བཅོས་པ
ལྷུན་གྲུབ་ཆེན་པོར་ཡེ་ནས་གནས
ཐམས་ཅད་མ་སྤངས་རང་ཤར་ཉིད
རྒྱ་ཆད་ཕྱོགས་ལྷུང་ཡེ་ནས་མེད
རང་ཤར་རང་གྲོལ་རྫོགས་པའི་ཀློང
སེམས་ཅན་སངས་རྒྱས་གཉིས་མེད་རྫོགས
དབྱེ་བ་ཉིད་ནི་རྣམ་པར་ལྔ
གཞི་གནས་རང་རིག་ཐིག་ལེ་ཡིས
སྣང་སྲིད་འཁོར་འདས་གཅིག་ཏུ་བཟླུམ
ལུས་གནས་རྩ་ཡི་ཐིག་ལེ་ཡིས
བདེ་དང་སྡུག་བསྔལ་གཅིག་ཏུ་བཟླུམ
ཀུན་རྫོབ་རྒྱུ་ཡི་ཐིག་ལེ་ཡིས
ཕུང་སེམས་བསྐྱེད་པའི་རྒྱུ་ཡིན་ཏེ
ཕུང་པོ་ཁམས་སོགས་ཆོས་རྣམས་ཀུན
བྱ་བྲལ་རྫོགས་པ་ཆེན་པོར་བཟླུམ
དོན་དམ་སྤྲོས་མེད་ཐིག་ལེ་ཡིས
༣༠༢
དབྱིངས་དང་རིག་པ་གཅིག་ཏུ་བཟླུམ
རང་བྱུང་འབྲས་བུའི་ཐིག་ལེ་ཡིས
སངས་རྒྱས་ཀུན་གྱི་དགོངས་པ་ནི
མཐའ་བྲལ་ལྷུན་གྲུབ་རྫོགས་པའི་ངང
རྩོལ་བསྒྲུབ་བྲལ་བའི་དབྱིངས་སུ་བཟླུམ
འདི་ཀུན་དེ་ཡི་དབྱེ་བས་ན
མི་འགྱུར་ཐིག་ལེ་སྟོང་པ་ལས
སྣང་བའི་ཡུལ་ལ་རྣམ་པ་ལྔ
ཅིག་ཆར་བཟླུམ་པའི་གནས་ན་གསལ
གསལ་བ་འདི་ལ་ནུབ་པ་མེད
ཡེ་ནས་རང་བྱུང་ཆེན་པོའི་ཚིག
འདི་ཀུན་སྤྲོས་མེད་གཅིག་ཏུ་གནས
དེ་ཉིད་མཐོང་བ་དེ་རང་ཉིད
གཞན་ནས་བཙལ་བའི་གནས་མེད་དོ
རང་གནས་དགོངས་པ་གཅིག་ཡིན་པས
ཐ་སྙད་རྣམས་ཀྱི་གྲངས་ཟད་དེ
གཉིས་སུ་འཛིན་པའི་ཞེན་པ་བྲལ
འདི་ལ་གཉིས་སུ་ག་ལ་སྲིད
རང་གི་མཚན་ཉིད་ངོ་བོ་སྟོང
རང་གིས་མངོན་པར་ཞེན་པ་འགག
རང་བཞིན་མི་འགྱུར་རྟོག་མེད་དགེ
མ་བསྒོམས་པ་དང་མཚམས་མེད་པར
ཐིག་ལེ་ཟླ་དང་བྲལ་བ་ཡི
རང་གནས་ཆེན་པོའི་དགོངས་པ་ལ
བྱ་བྱེད་བྲལ་བར་རྒྱུན་དུ་གནས
མཚན་ཉིད་སྟོང་པ་གསལ་བས་ཁྱབ
རང་ངོ་ལུས་ཀྱི་མཐའ་རྣམས་ཟད
མདོར་ན་བདག་འཛིན་ཡུལ་ལས་གྲོལ
༣༠༣
སྟོང་པ་ཆེན་པོའི་ཡེ་གདངས་ལས
རང་གནས་སུས་ཀྱང་བྱས་མེད་པར
ཡེ་ནས་མཉམ་པ་ཆེན་པོར་གནས
སེམས་ཅན་ཀུན་གྱི་ལུས་ཀྱི་དཀྱིལ
ཅིཏ་ཏ་རིན་ཆེན་གཞལ་ཡས་ཁང
རྩ་ནི་སྟོང་ཕྲག་གྲངས་མང་ཡང
ཁྱད་པར་ཆེན་པོའི་རྩ་བཞི་ལས
ཀ་ཏིག་སེར་ཀྱི་རྩ་ཆེན་དང
དར་དཀར་སྣལ་མ་ལྟ་བུ་ནི
ཕྲ་ལ་འཁྲིལ་དང་ཤེལ་སྦུག་ཅན
འདི་བཞིའི་ནང་དུ་ཁྱད་པར་ནི
གནས་ཤིང་རླུང་གི་རྟ་ལ་ཞོན
འབྱུང་དང་འཇུག་དང་རང་ཤར་དང
སྣང་བ་ཡི་ནི་བདག་ཉིད་དུ
ཡེ་ནས་སྤྲོས་པ་མེད་པར་ཡང
གཞི་ཡི་ཐིག་ལེ་བཟང་པོ་དང
ལམ་གྱི་ཐིག་ལེ་དེ་བཞིན་བཟང
བཟང་པོ་རྣམས་ཀྱི་རྩེ་མོ་དང
བཟང་པོའི་རྒྱན་དང་ལྡན་པར་ཡང
རྩ་རྣམས་ཀྱི་ནི་ནང་ན་གནས
འདི་ཀུན་རྟགས་ཀྱི་རང་བཞིན་དུ
ལུས་གནས་རྩ་ཡི་ནང་ན་ཡང
སེམས་ཅན་གྱི་ཡང་ལུས་རྟེན་དུ
ཐོག་མ་ནས་ནི་གནས་པ་ཡི
སྣང་བ་ཡི་ནི་འཆར་བྱེད་པ
རྐྱེན་གྱིས་མ་བསྒྲིབས་སེམས་ཅན་མིག
ཙཀ་ཤུ་ཞེས་པའི་སྒོ་ནས་ནི
ཉི་མའི་དཀྱིལ་འཁོར་བཞིན་དུ་ཡང
རང་གི་འོད་ཟེར་ཉིད་དུ་ལང
༣༠༤
རང་ཆོས་རྣམས་སུ་རྣམ་པར་སྣང
འཆར་བྱེད་འབྱུང་ཚུལ་མ་འགགས་པས
དབང་པོ་རྣམས་དང་འབྲེལ་པའི་ཚུལ
སྣང་བའི་ཡུལ་དུ་གསལ་བར་ཡང
ཀུན་གྱིས་མིག་ནུས་འཆར་བའོ
སྟོང་པ་ཉིད་ལ་རང་ལོག་པ
མྱོང་བྱེད་གསལ་བའི་སྣང་བར་ནི
ཡེ་གདངས་ལྔ་དང་བཅས་པར་ཡང
རང་བཞིན་བབ་ཀྱིས་གནས་པ་ལ
གསལ་བྱེད་རྣམས་ཀྱི་ངོ་བོ་ཡང
དངོས་པོ་ལས་ནི་ལོག་པར་ཞུགས
སྟོང་པ་ཉིད་དུ་མ་ཡིན་ཏེ
རང་གསལ་ཤེས་པའི་ཐོག་མར་ནི
ཡེ་ནས་རང་གི་མཚན་ཉིད་དུ
ཐོག་མའི་ཀ་དག་ཆེན་པོའི་ལས
རང་བཞིན་ཉིད་ནི་འདེ་ལྟ་བུ
སུས་ཀྱང་མ་བྱས་རང་གསལ་བར
ཡེ་ཉིད་ནས་ནི་རང་བཞིན་ནོ
བར་སྣང་ཉིད་ནི་སྟོང་པ་ལས
སྣང་བ་རང་ངོ་མ་འགགས་པས
རང་བྱུང་ཐིག་ལེ་ཆེན་པོར་གནས
བརྗོད་མེད་རང་གནས་ངོ་བོ་ཡང
ཡེ་ནས་ནམ་མཁའི་ཁམས་སུ་སྣང
ཐིག་ལེ་སྤྲོ་དང་བསྡུ་མེད་པར
བར་སྣང་ཉིད་དུ་སུས་ཟིན་པས
དེ་ཡི་ཚད་དུ་དེ་འགྱུར་ཏེ
རྩོལ་མེད་གྲོལ་བའི་རྟགས་སུ་སྣང
རྩོལ་བཅས་ལ་ནི་ཚད་མེད་དོ
འོད་ལྔ་འདུས་པའི་ཐིག་ལེ་ནི
༣༠༥
ལྷ་རྣམས་ལ་ནི་རང་མཐོ་གང
ཟླུམ་པོ་རང་གསལ་ཆེན་པོར་ཡོད
ལྷ་མིན་རང་གི་ཆག་གང་ཡོད
མི་རྣམས་རང་གི་མཐེབ་གང་ངོ
ཟླུམ་པོ་ཟག་པ་མེད་པར་ཡོད
བྱོལ་སོང་ལ་ནི་ཕྱིར་མི་སྣང
ཡི་དྭགས་རང་ངོ་ཕྲ་བར་ཡོད
དམྱལ་བ་རྣམས་ལ་རང་གསལ་ཙམ
ལྷ་ལ་དཀར་པོ་ཤེས་ཆེར་སྣང
ལྷ་མིན་དེ་བཞིན་ལྗང་གུ་ཆེ
མི་ལ་དམར་གསལ་རང་ཆགས་བྲལ
བྱོལ་སོང་ཉིད་ལ་མཐིང་ཤས་ཆེ
ཡི་དྭགས་སེར་པོ་དེ་བཞིན་ནོ
དམྱལ་བ་རྣམས་ལ་ཁ་དོག་ལྔ
རང་གསལ་ཤེས་པའི་ཆར་གནས་པ
སྒྲོན་མ་དངོས་ནི་དེ་བཞིན་ནོ
རང་གི་མཐེབ་དང་མཛུབ་མོ་ཡིས
ཙཀ་ཤུའི་ཕུགས་དང་འགྲམ་བཙིར་ན
མངོན་དུ་སྣང་སྟེ་ཡིད་ཆེས་ཀྱིས
གོམས་པར་གྱུར་པའི་གནད་ཀྱིས་ནི
དམར་པོའི་ཤེས་མེད་ལྔ་ལྡན་པར
གྱུར་ཏེ་ནམ་མཁར་སྣང་ནས་ཡང
འདིས་ནི་རིག་པའི་རང་དབང་ཐོབ
དེ་ནི་རྩོལ་མེད་རང་གྲོལ་ལོ
རྩོལ་བ་ཅན་ལང་འདི་ལྟ་སྟེ
རང་གི་མཇིང་པའི་ཕྱི་རོལ་རྩ
འཕྲིག་ཅིང་འཕར་བ་དྲག་པ་ལ
སོར་དང་མཛུབ་ཀྱིས་ཡང་བཙིར་ནས
མིག་གི་འདུག་སྟངས་མཁས་པས་བྱ
༣༠༦
འོད་ནི་མདའ་གང་ཚུན་ཆད་གསལ
དེ་ལས་མཆེད་པའི་དུས་རྣམས་བཟུང
དེ་ཡི་ཐབས་ནི་མན་ངག་ཏུ
དེ་ཀུན་དེ་ཡི་ངེས་འགྱུར་རོ
དཔེར་ན་རྨ་བྱའི་མདོངས་དང་མཚུངས
དེ་བཞིན་ཁྲ་ཡི་མིག་གམ་ནི
ཡང་ན་དེ་བཞིན་ཉ་ཡི་མིག
དེ་བཞིན་སྲོག་ཆགས་རྐུན་མོའི་མིག
འདི་རྣམས་བཞིན་དུ་གནས་པའོ
ཞེས་སྒྲོན་མ་འབར་བའི་རྒྱུད་ལས
ཐིག་ལེ་སྟོང་པའི་སྒྲོན་མ་བསྟན་པའི་ལེའུ་སྟེ་གསུམ་པའོ
༄༤
དེ་ནས་རྒྱུད་དག་རྡོ་རྗེ་འཆང
མི་གནས་ཡེ་ཤེས་གོ་ཕྱེ་ནས
ཡང་ནི་འདི་སྐད་བྱ་བ་གསོལ
ཀྱེ་ཀྱེ་བཅོམ་ལྡན་རྡོ་རྗེ་འཆང
ཐིག་ལེ་སྟོང་པའི་སྒྲོན་མ་ཉིད
སྟོན་པས་གསུངས་པ་དེ་ལྟར་ན
ཉིད་ཀྱིས་གོང་དུ་གསུངས་པ་ཡི
དག་པ་དབྱིངས་ཀྱི་སྒྲོན་མ་ཉིད
སྦར་གསུངས་པ་ཡི་ཚིག་འདི་ཡི
ངོ་བོ་ཅི་ལྟ་བུ་རུ་ལགས
འདི་ཡི་ངེས་དོན་རྣམ་པ་ཅི
འདི་ལ་དབྱེ་བ་དུ་ཙམ་མཆིས
དེ་ཡི་རང་བཞིན་དེ་ཉིད་གང
མཚན་ཉིད་དགོངས་པ་ཇི་ལྟ་བུ
འདི་ལ་གོམས་པ་ཇི་ལྟར་བགྱི
དེ་ཡི་ཚད་ནི་གང་གིས་བཟུང
འདི་ཡི་གནས་ནི་གང་ན་གནས
དེ་བཞིན་སྒོ་ནི་གང་ནས་འཆར
དེ་ཉིད་དངོས་ནི་ཇི་ལྟ་བུ
མཐུན་དཔེ་གང་གིས་བགྱིད་ལགས་སོ
༣༠༧
འདི་ཀུན་བདག་གིས་སྔར་འཚལ་ཀྱང
མ་འོངས་སེམས་ཅན་དོན་དུ་ཡང
རྡོ་རྗེ་འཆང་ལ་བདག་ཉན་འཚལ
དེ་ནས་རྡོ་རྗེ་འཆང་ཆེན་གྱིས
འདི་སྐད་ཚིག་ཏུ་བཀའ་སྩལ་ཏོ
ཉོན་ཅིག་རྒྱུད་དག་རྡོ་རྗེ་འཆང
ངས་བསྟན་པ་ལ་ནོར་བ་མེད
ཁྱོད་ཀྱིས་ནོར་མེད་སེམས་ལ་ཟུང
རྣམ་དག་དབྱིངས་ཀྱི་སྒྲོན་མས་ནི
རིག་པ་ཡི་ནི་ངོ་བོར་སྡུད
ལུ་གུ་རྒྱུད་ཀྱི་ར་བར་སྣང
འདི་ལ་སུས་གོམས་དོན་དེ་ཉིད
མཐིང་ག་མི་འགྱུར་གསལ་བ་ལ
མུ་ཁྱུད་ཀྱི་ནི་དབ་ར་གནས
རང་གསལ་ཕྱི་ཡི་ཡུལ་དུ་སྣང
ངོ་བོ་ཉིད་ནི་མ་བཅོས་པའི
དབྱིངས་ཀྱིས་རིག་པའི་རང་ཡུལ་བྱེད
རྡོ་རྗེ་ཉིད་ནི་ལུ་གུ་རྒྱུད
འདི་ཉིད་ནང་དུ་འཇུག་པར་བྱ
རང་གི་ངོ་བོ་རྟོག་མེད་དུ
ནང་གི་དབྱིངས་ཀྱི་གོ་རར་ལང
མ་བཟུང་མི་གནས་ཚུལ་གྱིས་ནི
འབྲལ་བ་མེད་པར་རྒྱུན་དུ་གནས
རྣམ་པ་ཡུལ་དུ་སྣང་བ་ལ
དག་པ་དྲི་མའི་གངས་མཐའ་ཟད
སྒྲོན་མ་རྡོ་རྗེ་ལུ་གུ་རྒྱུད
ནམ་མཁའ་ཉིད་ལ་ཅེར་བཏོན་ཏེ
རང་བཞིན་མེད་པར་སྣང་བར་བྱེད
མས་ནི་དེ་ཡི་དོན་གཟིགས་པས
རང་བཞིན་ཉིད་ཀྱི་ངེས་ཚིག་ཏུ
༣༠༨
ཡེ་ནས་འདུ་འབྲལ་མེད་པར་གནས
དབྱེ་བ་རྣམ་པ་གསུམ་ཡིན་ཏེ
གཞི་ལ་གནས་པའི་དག་དབྱིངས་ཀྱི
རིག་པའི་ཡེ་ཤེས་སྐུ་རུ་འཛིན
ལམ་ལ་སྣང་བའི་དབྱིངས་ཀྱིས་ནི
རིག་པའི་ཐིག་ལེ་དངས་མ་སྡུད
ཡུལ་ལ་སྣང་བའི་དབྱིངས་ཀྱིས་ནི
ལུ་གུ་རྒྱུད་དེ་བཙོན་དུ་འཛིན
འདི་ཀུན་དེ་ཡི་དབྱེ་བའོ
རང་བཞིན་སྣང་བ་མ་འགགས་པས
བློ་དངོས་དྲན་པ་ཀུན་ཟད་དེ
སྣང་བ་རང་དག་དབྱིངས་སུ་ནི
རྟོག་པ་མེད་པའི་རིག་པ་ཡང
མི་གཡོ་མཉམ་པ་ཉིད་ཤེས་པས
ཐམས་ཅད་མཉམ་པའི་དབྱིངས་སུ་ཡང
ཡེ་ནས་རྣམ་རྟོག་ཟད་པར་ནི
རང་བཞིན་རྣམ་དག་དབྱིངས་སུ་གནས
བརྗོད་ཅིང་སྣང་ཚིག་གཉིས་མེད་པས
ཕྱི་དང་ནང་མེད་དབྱིངས་སུ་ཡང
རང་དལ་ཆེན་པོའི་ངང་དུ་གནས
ཕྱི་ནང་མེད་པར་ཟང་ཐལ་བས
མ་བསྒྲིབས་དྲི་མ་མེད་པར་ནི
ཡེ་ནས་ཀ་དག་ཆེན་པོར་ཡང
རྣམ་པར་དག་པའི་དབྱིངས་ཀྱི་ནི
མཚན་ཉིད་དུ་ནི་ཡེ་ནས་བཞུགས
འདི་མེད་རིག་པའི་ཡུལ་མེད་པས
སྣང་བ་འགག་པ་མེད་པ་ཡི
ཆར་ནི་དབྱིངས་ཀྱི་སྒྲོན་མའོ
འཁོར་འདས་རུ་ཤན་ཕྱེད་ནས་ནི
༣༠༩
ལུས་དག་རྣམས་ནི་རྣལ་དུ་ཕབ
དེ་ནས་དབྱིངས་རིག་སྣང་བ་བརྟགས
འདི་ལ་གོམས་པའི་ཚད་རྙེད་ནས
ཕྱི་རོལ་ཡུལ་གྱི་སྣང་བ་ནི
གོང་ནས་གོང་དུ་ཡང་འཕེལ་བས
རིམ་གྱིས་རང་གོམས་ཆེན་པོ་ཐོབ
འདི་ལ་བརྟན་པའི་ཚད་རྙེད་ནས
ཆོས་རྣམས་ཟད་པར་གྱུར་པ་ནི
དེ་ཉིད་གོམས་པར་བྱིད་པ་ཡི
ཡན་ལག་ཏུ་ནི་ངས་བཤད་དོ
མཐིང་ག་མི་འགྱུར་སྣང་པ་ལས
ཁ་དོག་གསལ་བའི་འོད་ལྔར་ཡང
འདི་ཉིད་རབ་ཏུ་གསལ་འགྱུར་ཞིང
རང་གི་མདུན་གྱི་ཡར་མཚམས་སུ
སོར་བཞི་འམ་ནི་མཐོ་གང་ལས
འཕགས་ཏེ་ལུས་དང་བྲལ་བ་ན
དེ་ཡི་ཚད་དུད་དེ་འགྱུར་རོ
མིག་ནི་འབྱུང་བའི་རྐྱེན་མེད་ལ
གནས་པས་རང་གི་རིག་པ་ཡང
ལུ་གུ་རྒྱུད་དུ་སྣང་བ་སྟེ
སྤྲིན་བྲལ་མཁའ་ལ་འཛིན་པར་བྱེད
རང་ཤེས་ནང་དུ་གསལ་བའི་ཚེ
ཅིཏ་ཏའི་ནང་དུ་གནས་པ་ཡིན
ཕྱིར་འཕྲོས་སྤྲིན་བྲལ་ནམ་མཁའོ
མིག་གི་རྣམ་ཤེས་དག་པ་ལ
གསལ་བྱེད་འབར་བའི་འོད་ཟེར་ལྔར
མི་འགྱུར་ཁྱབ་པའི་ཚུལ་དུ་ཡང
མཐིང་གའི་རང་གདངས་ཆེན་པོར་གནས
འཆར་བྱེད་སྣང་བ་མ་འགགས་པས
༣༡༠
ཕྱི་ཡི་ཡུལ་ལ་རྣམ་པར་སྣང
འདི་ནི་འཆར་སྒོ་མིག་ནས་ཀྱང
འགྱུར་མེད་ཁྱབ་པའི་ཚུལ་དུ་སྣང
འདི་ཡི་སྣང་བ་རང་དག་པས
དབྱིངས་དང་རིག་པ་ཟུང་འཇུག་པར
ཡེ་ཤེས་གནས་ཏེ་ཅོག་བཞག་གོ
རང་ཤར་རང་གི་སྤྱོད་ཡུལ་ལོ
སྣང་བ་མིག་དང་རང་འབྲེལ་པས
དེ་ཉིད་རྐྱེན་བྲལ་ནམ་མཁའ་ཤར
དེ་ལྟར་འཆར་སྒོ་མ་འགགས་པའོ
འདི་ལྟར་གནད་གསུམ་མན་ངག་དང
སུ་ལ་འཛོམ་པའི་སྐྱེས་བུ་ནི
དབྱིངས་ལ་གོམས་ཏེ་མངོན་དུའོ
སྲིད་པ་ཡི་ནི་ཡར་མཚམས་ན
འདི་ནི་གཉིས་འཇུག་ཟུང་ལས་ནི
ཐབས་དང་ཤེས་རབ་རང་བཞིན་ལས
གཉིས་ནི་འཁྲིལ་ཏེ་གཅིག་པར་ཡང
སོར་གཅིག་གིས་ནི་མ་རེག་པར
ཉིན་དུས་འབྱུང་བའི་རྐྱེན་ལྡན་པས
སྣང་བར་འགྱུར་ཏེ་མཚན་མོ་ཡང
མཐིང་ག་རང་ངོ་ཉིད་དུ་སྦྱར
དབྱིངས་ཀྱི་རང་བཞིན་འོད་ཀྱི་ཁྱིམ
འགྱུར་མེད་ཡེ་གདངས་ཆེན་པོར་ནི
སངས་རྒྱས་སེམས་ཅན་ཐམས་ཅད་ལ
སུས་ཀྱང་བྱས་བ་མེད་པར་ནི
ཡེ་ནས་གཉིས་མེད་མཉམ་པར་གནས
འདི་ནི་ཁྱབ་ཆེ་ཕྲ་བ་ལས
༣༡༡
རང་གི་ཤེས་པའི་ཆར་ཤར་ནས
མངོན་སུམ་ཉིད་དེ་རབ་ཏུ་གསང
གསང་བ་ཆེན་པོ་འདི་ཉིད་ལ
གང་སུ་སྤྱོད་པར་འདོད་པ་དེ
ཡེ་སངས་ཉིད་ལ་ཡང་སངས་རྒྱས
དངོས་པོའི་ཕྱོགས་ལ་བལྟས་ན་ནི
གསལ་བྱེད་མཚན་མའི་ཆ་ལྟར་སྣང
སྟོང་པ་ཉིད་ལ་བལྟས་པ་ཡིས
རང་གསལ་གཟུང་བའི་ཡུལ་མེད་པས
སུས་ཀྱང་མི་ཟིན་སྟོང་པ་ཉིད
འདི་ནི་གསལ་དང་སྟོང་པ་ནི
ཡེ་ནས་ཁྱབ་ཅིང་གནས་པའོ་
རང་སྣང་སྟོང་ཉིད་གསལ་བའི་ཡུལ
འདིས་ནི་དགོངས་པའི་ཚད་རྣམས་འཛིན
རང་དག་ཆེན་པོ་ཉིད་དུ་བསྟན
དུས་མེད་སྣང་བའི་མཁའ་ལ་ནི
འགྱུར་མེད་དབྱིངས་སུ་ཐམས་ཅད་འདུས
འདི་ལ་འབྱུང་རྐྱེན་ནས་བྲལ་ན
སངས་མ་རྒྱས་པ་གཅིག་ཀྱང་མེད
འཁོར་བའི་སྣང་བ་མི་སྲིད་དོ
དཔེར་ན་ཡི་གེའི་ན་རོ་བཞིན
གཉིས་ཀྱིས་བཟུང་སྟེ་སྡོམ་གཅིག་པ
ནག་པོ་བསྒྱུར་དུ་བཏུབ་པ་མིན
དེ་ལས་གོམས་པའི་གདེང་རྙེད་ནས
བར་སྣང་འཇའ་ཚོན་ཅི་བཞིན་དུ
ཁ་དོག་མ་འདྲེས་ཡོངས་ཡོངས་སུ་རྫོགས
དེ་ནས་ཡང་གཅིག་གོམས་སྟོབས་ཀྱིས
དེ་ཡི་རྟགས་དང་ལྡན་པ་ལ
༣༡༢
བར་སྣང་ཁམས་ཀྱང་དེ་བཞིན་ནོ
རྒྱུད་འདི་འཛིན་བར་སུས་འདོད་པ
འདི་ནི་དམ་པ་སྐལ་ལྡན་པས
རྒྱུད་འདི་སོ་སོར་བཟུང་བ་ཡིས
ཡོན་ཏན་བསམ་མེད་ཆེན་པོར་ཐོབ
རྒྱུད་ཀྱི་མཚན་ཉིད་རྣམ་གསུམ་སྟེ
དེ་ཡི་ངོ་བོར་སྦྱོར་ཤེས་བྱ
ཇི་ལྟར་རྒྱུད་ཀྱི་མཚན་ཉིད་ཀྱིས
རང་གི་ངོ་བོ་རྟོགས་པའོ
ཞེས་སྒྲོན་མ་འབར་བའི་རྒྱུད་ལས
དབྱིངས་རྣམ་པར་དག་པའི་སྒྲོན་མ་བསྟན་པའི་ལེའུ་སྟེ་བཞི་པའོ
དེ་སྐད་སྟོན་པས་གསུངས་པ་ཡིས
རྒྱུད་དག་རྡོ་རྗེ་འཆང་ལ་སོགས
དགའ་ཞིང་མགུ་བའི་སེམས་སྐྱེས་ནས
དེ་ཉིད་གསུངས་ལ་མངོན་པར་བསྟོད
གསེར་གྱི་མེ་ཏོག་མཇོས་པ་རིན་པོ་ཆེ་སྒྲོན་མ་འབར་བའི་རྒྱུད་ཅེས་བྱ་བ
འབུམ་ཕྲག་དྲུག་ཅུ་རྩ་གཞིའི་བཅུད་ཕྱུང་བ་རྫོགས་སོ
རྒྱ་རྒྱ་རྒྱ
རྒྱ་གར་གྱི་མཁན་པོ་བི་མ་ལ་མི་ཏྲ་དང
ལོ་ཙ་བ་སྐ་བ་དཔལ་བརྩེགས་གཉིས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ
དཔལ་སྔགས་ཀྱི་སུང་མ་ལྕམ་དྲལ་གྱིས
རྒྱལ་བའི་བཀའ་འདི་སྲུངས་ཤིག
དཔལ་ལྡན་ཞྭའི་མགོན་པོ་དང
དམ་ཚིག་གི་བདག་པོ་རྣམས་ཀྱིས
༣༡༣
དམ་མེད་སྡིག་ཅན་གྱི་སྲོག་རྩ་ཆོད་ཅིག
རྒྱུད་འདིའི་འཕྲེལ་པ་ནི་མུ་ཏིག་ཕྲེང་བ་ཞེས་བྱ་བ་ཡོད་དེ
སྒྲོན་མ་འབར་བ་ཉིད་ལ་མ་བུ་ལྔ
དགེའོ་དགེའོ་དགེའོ