ಮಂಜು ಪೂಂಜ
ಅಕ್ಲೆಗ್ ಸಮ್ಮಲೆ ಅರ್ವತ್ತಗ್ಲ ಅಕ್ಲೆಗ್ ಒಟ್ಟಿಗೆ ಪತ್ತ್‌ಜಿ
ಒಂಜಿ ಇಲ್ಲ್‌ಡ್ ಒಂಜಿ ಕುಬಲಡಿ ಅಕ್ಲೆಗ್ ಸಲ್ಲ್‌ಜಿ
ಅಪಗ ಸಲ್ಲನ ನೆಟ್ಟ್ ಯಾನ್ ನನ ಮೂಲು ಉಂತುಜಿ
ಸಮ್ಮಲೆನ ನೆಟ್ಟ್ ಆಪುಜಿ ಪಂಡ್ದ್
ಆರ್ ಪಿದಾಡ್ದ್ ಪೋಪೆರ್
ಆ ಪೋತಾನಗ ಆರ್ ಪನ್ಪೆರ್ ಎಂಚಂದ್ ಪಂಡ್ಂಡ
ಬೊಕ್ಕ ಎಂಕ್ಲೆಗ್ ಸಮ್ಮಲೆಗ್ಲ ಅರ್ವತ್ತಗ್ಲ
ಎಂಕ್ಲೆಗ್ ಸಲ್ಲ್‌ಜಿ ಮರ್ಮಲೆಡ ,ಮೈತಿದಿಡ
ಪನ್ಪೆರ್ ಸಮ್ಮಲೆನ ಮಗಳೆಟ
ಆ ಪನ್ನಗ ಬೊಕ್ಕ ಯಾನ್ ನನ ಉಂತುಜಿ
ಯಾನ್ ದಿಕ್ಕ್ ಬುಡ್ದ್ ದೇಸಾಂತಿರಿ ಏನ್ ಪೋಪೆ್
ಏನ್ ನನ್ ಈ ಇಲ್ಲ್‌ಟ್ ಉಂತುಜಿಂದ್
ಅಪಗ ಆಳ್ ಕೇನ್ಪಲ್ ಈರ್ ಇಂಚ ಪೋಯಿನಾರ್
ನನ ಏಪ ಪಿರಪತ್ತ ಬರ್‌ವರ್ಂದ್
ಅಪಗ ಯಾನ್ ಇನಿ ಪೋಯಿನಾರ್ ನನ
ಸಮ್ಮಲೆ ಸಯಿತ್‌ದ್ ಏನ್ ಮಾಮಿಯಕ್ಕೆ
ಮುಂಡೆ ಮುಚ್ಚಿನ ದಿನೊಕು ಏನ್ ಪಿರಪತ್ತ್ ಬರ್‌ಪೇನ್ಂದ್
ಪಂಡೆರ್ ಅಂಚಾರ್ ದಿಕ್ಕ್‌ಬುಡು ದೇಸಾತರಿ
ಉಂಡೆರ್ ಚಿಂದೆರ್ ಪತ್ತ್ಯೆರ್ ಮಾತ
ಆರ್ ದಿಕ್ಕ್ ಬುಡು ದೇಸಾಂತರಿ ಪೋತಾನಗ
ಮಲ್ಲ ಒಂಜಿ ಗೋಲಿದ ಮರ ಇತ್ತ್ಂಡ್
ಆ ಗೋಲಿತ ಮರತಡಿ ಪೋತು ಕುಲ್ಲಿಯೆರ್
ಅ ಪೋತು ಕುಲ್ಲುನಗ ನಟ್ಟುನ ನಾಲಿಲ್ಲ್ ನಟ್ಟೊಂದು ಮೂಜಿಲ್ಲ್ ಬೇಡೊಂದು
ಒಂಜಿ ಬಡಲ ಬ್ರಾಣೆ ಬರ್ಪುಂಡು ಆಡೆ .
ಆ ಬಡಲ ಬ್ರಾಣೆ ಬತ್ತ್‌ದ್ ಈ ಮಂಜು ಪೂಂಜೆರೆಡ ಕೇನ್ಪೆರ್.
ಬೊಕ್ಕ ಈ ಓಡೆ ಪೋಪುನಾಯೆ ಈ ಒಲ್ಪಡ್ದ್ ಬರ್ಪುನೆ
ಅಪಗ ಈ ಮಂಜು ಪೂಂಜೆರ್ ಪನ್ಪೆರ್ ಎಂಕ್ ಸಮ್ಮಲೆಗ್ಲ ಅರ್ವತ್ತಗ್ಲ
ಎಂಕ್ಲೆಗ್ ಒಂಜಿ ಕುಬಲಡಿ ಒಂಜಿ ಮಾಡಡಿ ಸಲ್ಲ್‌ಜಿ
ಯಾನ್ ದಿಕ್ಕ್ ಬುಡ್ದ್ ದೇಸಾಂತರಿ ಏನ್ ಪೋಪುನೆಂದ್ ಪಂಡ್ದ್
ಆರ್ ಪಂಡೆರ್ ಆತ್ ಪಂಡ್‌ದಾನಗ
ಈ ದಿಕ್ಕ್ ಬುಡ್ದ್ ದೇಸಾಂತರಿ ಪೋಪುನೆದಾಂಡ
ಎನ್ನವುಲು ಬೆನ್ಪುನಾತ್ ಬೇಲೆ ಉಂಡು ಉಣ್ಪುನಾತ್ ಉಣ್ಪು ಉಂಡು
ಎನ್ನ ಒಟ್ಟಿಗೆ ಬರ್ವನಾಂದ್ ಕೇಂಡೆರ್ ಬಡಲ ಬ್ರಾಣೆ
ಅಪಗ ಇರೆನ ಬೆರಿ ಪತ್ತ್‌ದ್ ಏನ್ ಬರ್ಪೆಂದ್ ಪಂಡ್ದ್
ಮಂಜು ಪೂಂಜೆರ್ ಪಂಡೆರ್ ಮಂಜು ಪೂಂಜೆರ್ ಪಂಡ್‌ದಾನಗ
ಈ ಬಡಲ ಬ್ರಾಣೆ ಈ ಮಂಜು ಪೂಂಜೆರೆನ್ ಕೊಂಡೊತು
ಆನಿತ ಇರ್ಲ್ ಅವುಲು ವನಸ್ಸ್ ಚಡೆ ಮ್ಮಲ್ತ್‌ದ್ ಮನತ್ತಾನಿ
ಬೊಲ್ಪುಗು ಕೊಟ್ಟು ಪಿಕ್ಕಾಸ್ ದೆತ್ತ್‌ದ್ ಈ ಮಂಜು ಪೂಂಜಗ್ ಕೊರ್ಪುನೆ
ಕರೆಬರಿ ಕಡ್ಪುಲ ಕರೆಬರಿ ಕಡ್ತ್‌ದ್ ದಿಕ್ಕೆಲ್ ಸೂಟನ್ ದೀಡ್ಲ .
ಕಂಡದ ಅರಿನೀರ್ ಎಚ್ಚಿಗೆ ಆಯಿನೆನ್ ಬುಡ್ಲ ಕಮ್ಮಿ ಆಯಿನೆನ್ ಕಟ್ಟ್‌ಲ
ಬುಕ್ಕ ಬೆನ್ನಿಬೇಸಾಯ ಮಲ್ಪುಲ ನಿಕ್ಕ್ ತಿಂಗೊಳುಡು ತಿಂಗೊಲು ಸಂಬಳ ತೀರ್ಪೆ.
ವರ್ಸೊಟು ವರ್ಸ ಮೂಲೊ ತೀರ್ಪೆನ್ ಏಂದ್ ಪಂಡ್ದ್
ಆರ್ ಪನ್ಪೆರ್ ಏರ್ ಬಡಲ್ ಬ್ರಾಣೆ ಈ ಬಡಲ್ ಬ್ರಾಣೆ ಪಂಡ್‌ದಾನಗ
ಇಂಬ್ಯೆ ಕೊಟ್ಟು ಪಿಕ್ಕಾಸ್ ದೆತ್ತೊಂದು ಪೋಪೆ
ಆಯನ ಬೇಲೆ ಆಯೆ ಮಾಲ್ಪುಬೆ ಆಯೆ ಮಾನ್ತ್‌ದ್
ಆಯೆ ಪೋಯಿನೆಡ್ದ್ ಬುಕ್ಕ ಈ ಬಡಲ ಬ್ರಾಣೆ
ಎಡ್ಡೆನೆ ಆವೊಂತು ಬತ್ತ್ಂಡ್ ಎಡ್ಡೆನೆ ಆವೊಂತು ಭಾರ ಕದಿಕೆ ದಿಂಜಿಂಡ್
ಚೆಂಬು ಸರಿಗೆ ದಿಂಜಿಂಡ್. ಕಂಜಿ ಕಯಿಕಂಜಿ ದಿಂಜಿಂಡ್
ಏರ್ ಈ ಮಂಜು ಪೂಂಜೆ ಅಡೆಗ್ ಎತ್ತ್‌ನೆಡ್ದ್ ಬುಕ್ಕ
ಅಂಚಾತ್ ಆರ್ ಅಯಿನ್ ಮಲ್ಲೆ ಮಲ್ಲೆ ಮಾಲ್ತ್‌ದ್
ಮಲ್ಲ ಮಲ ನೇಲ್ಯ ನೆಟ್ಟ್ ಇತ್ತೆರ್.ಆತ್ ಉಂದು ಉಂಡು