ದೈವೊ ಪಂಜುರ್ಲಿ
ಆಯೆ ಎಂಕ್ಲ್‌ನ ಕುಡುಮದ ದೈವೊ ಆಯೆ ಪಂಜುರ್ಲಿ
ಕುಡುಮುಡು ಧರ್ಮಸ್ಥಳೊಡ್ದೊ ಬತ್ತ್‌ನಾಯೆ ಆಯೆ
ಆಯೆ ಕುಡುಮೊಡು ಕುಟುಮ ದೈವೊಂದ್ ಪಂಡಂಡ್ ಆಯೆ
ಆಯೆ ಎಂಕ್ಲ್‌ನ್ನ ಎಂಕ್ಲೆನ್ ಒರಿತ್ತ್ ಕಟ್ಟೊಂದು ಬರ್ಪುನಾಯೇ
ಇಡಿ ಭೂಲೋಕೊನೆ ಆಯನ್ ಪಂಡ್‌ದ್ ನಂಬುವೆರ್.
ಕುಡುಮದ ಭೂತೊ ಪಂಡ ದೈವೊ ಪಂಜುರ್ಲಿನ್
ಆಯನ್ ನಂಬೊಂದು ಉಪ್ಪುನಗ
ಆಯಗ್ ಇಂಚನೆ ಕಲಿ ಮೂರೆರೆ ಬೂತೊಲೆಗ್ ದಿಡ್ಡೆರೆ ಕಲಿ ಆವೊಡು .
.ದುಂಬು ಗಂಗಸರ್ ಇದ್ಯಾಂಡ್.
ಈ ಕೋಟ್ರ್ ಆಪೆತ ಇಪೆದ ಇದ್ಯಾಂಡ್.
ಅಂಚ ಆಯಗ್ ಕಲಿ ಮೂರೆರೆ
ಆಯೆ ಇಂಚನೆ ಬೊಲ್ಪುಗು ಲಕ್ಕ್‌ದ್
ಆಯಗ್ ಕಂಡ ಬೆನ್ನಿ ಮಾತ ಉಂಡುಗೆ
ಕಂಡ ಬಿನ್ನಿ ಮಾತ ಉಪ್ಪುನಗ
ಆಯೆ ಕೊಟ್ಟುದೆಪ್ಪುನಾಡೆ ಪೋತು
ಕೊಟ್ಟುನು ದೆತ್ತೆ ನೀರ್ ಮಾತ ಕಟ್ಟೊಂದು ಬತ್ತೆ
ಅಪೆರೆಟ ಕೇಂಡೆ ಎಂಕ್ ವನಸ್ಸ್ ಕೊರ್ಲೆ ಅಂಚ ಪೋನಗ
ಇಂಬ್ಯೆ ಉಂಡು ಚಿಂದ್ ಮಾತ ಲಕ್ಯೆ ಪೋಯೆ.
ಪೋನಗ ಸಾದೀಂದ್ ಸಾದಿ ಬೀದಿಡ್
ಅಡ್ದ ಪಾಡಿ ಗುಡ್ಡೆ ತಡಮೆಡ್
ಒಂಜಿ ಪೊಂಜೊವು ಉಂತುದುಂಡು
ಅವು ಸಾದಿ ಅಡೆಪ್ಪ ಉಂತುಂದುಂಡು .
.ಅವು ತಡಮೆ ತೆಲವುಜಿ.
ಅಪಗ ಉಂದು ದಾನೆ ಪೊಂಜೊವು
ಸಾದಿ ಬುಡ್ಲೆ ತಡಮೆ ತೆಲಲೆ
ಎಂಕ್ ಕಲಿ ಮೂರೆರೆ ಪೊರ್ತು ಆಂಡ್ಂದ್ ಪಂಡೆ .
ಆ ಪನ್ನಗ ಪೊಂಜೊವು ಸಾದಿ ಬುಡ್ಪುಜಿ
ಮಾಂತ ತರೆಕ್ ತರೆ ಬಾರ್ದ್ಂಡ್ ಸೀರೆ ಸುತ್ತ್‌ದ್ಂಡ್
ಮಾತ ಐತ್ ಆದುಂಡು.
ಅಪಗ ನಿಕ್ಕ್ ಪೋಯೆರೆ ಸಾದಿ ಓಲೆ ನಿಕ್ಕ್
ಬರಿಯೆರ್ಲ ಉಂದುವೆ ಸಾದಿಯಾ ನಿಕ್ಕ್
ಬರಿಯೆರ್ಲ ಉಂದುವೆ .ಎಂಕ್ ಪೋಯರ್ಲೆ ಉಂದುವೆ
ಬರಿಯೆರ್ಲ್ ಸಾದಿ ಉಂದುವೆ ಪೊಂಜೆಟ ಕಲು ಪಂಡೆ
ಆಯೇ ದೈವೊ ಪಂಜುರ್ಲಿ ಉಂತುದ್‌ನೆ
ಇಂಬ್ಯೆ ಕಲಿ ಮೂರೆರೆ ಪೋನಗ ಸಾದಿಕಟ್ಟ್ ತಡಮೆಟ್
ಇಂಬ್ಯೆನ ಪರಿಚಯ ಆಯೆ ಕೇಂಡೆ ಬೈದ್ಯನ
ಆ ಅಪಗ ಎಂಕ್ ಪೋಯೆರ್ಲ ಸಾದಿ
ಉಂದುವೆ ಎಂಕ್ ಬರಿಯರ್ಲ ಸಾದಿ ಉಂದುವೆಂದ್ ಪಂಡೆ
ಆಯೆ ಪೋಯೆ ಪದಿನಾಜಿ ಗೆಂದ ಸಾರೆ ಮೂರೆರೆ
ದಂಡ್‌ಲ್ನ ಮಟ್ಟೆಲ್‌ಗ್ ದಿಂಜಾಯೆ ಬತ್ತೆ.
ಇಂಬ್ಯೆ ಪೋಯಿನ ಸಾದಿ ಬುಡಿಯೆ ಬದಲ್ನ ಸಾದಿ ತಪ್ಪಾದ್ ಬತ್ತೆ
ಬದಲ್ನ ಸಾದಿ ತಪ್ಪಾದ್ ಬನ್ನಗ ಸಾದಿಟ್
ಅವ್ವೆ ಪೊಂಜೊವು ಉಂತುದುಂಡು .
ಅಪಗ ದೊಂಬುಡು ಅಂಗಾತ್ನೆಡ್ ಆಪುಜಿ
ದೊಂಡೆ ಕಟ್ಟುಂಡು ಎಂಕ್ ಒಂಜಿ ಕವ್ಲಿ ಕಲಿ ಕೊರ್ಪನ
ಎಂಕ್ ಅಂಗಾತ್ನೆಡ್ ದೊಂಡೆ ಕಟ್ಟುಂಡು.
ಈ ಸಾದಿಡ್ ಬೀಡಿಡ್ ಕೊರ್ಂಡ್ ಏನ್ಎಂಚಾವು
ತೂಯಿನಾಯೆ ದಾಲ ಪನ್ಬೆ. ಕೇನ್‌ನಾಯೆ ರಡ್ದ ಪನ್ಬೆ
.ಅಪಗ ಎನ್ನ ಇಲ್ಲಲ್ ಅಪ್ಪೆ ಉಲ್ಲೆರ್
ಆರ್ ಒಂಜಿ ಕವ್ಲಿ ಅತ್ತ‌ಜಿಂಡ
ರಡ್ಡ್ ಕವ್ಲಿ ಕಲಿ ಆರ್ ಕೊರುವೆರ್ಂದ್
ಅಂಚಾನಗ ಆಯೆ ದಂಡ್‌ದ ಕಲಿಕ್ಕ್ ಮುಟ್ಟಿಯೆ
ದಂಡ್‌ದ ಕಲಿನ್ ಬಿಜ್ಜಾನ್ತೆ ಇಪೆಕ್ಕ್‌ದೆಕ್ಕ್ ಅಯಿನ್ ಅಜ್ಜಾನ್ತೆ
ಇಂಬ್ಯೆ ಬತ್ತೆ ಅಲ್ಪಡ್ದ್ ಸಾದಿ ಬುಡ್ಂಡ್
ದೈವೊ ಸಾದಿ ಬುಡಿಯೆ ಈ ಪೋಲಂದ್
ಅಂಚ ಇಲ್ಲ್ ಅರಮನೆಗ್ ಬತ್ತ್‌ದ್
ಆಯಗ್ ಮತಿ ಇದ್ದಿ ಆಯೆ ಕಂಕನೆ ಗಡಿಯಪ್ಪ ಜೆತ್ತೆ
ಅಪಗ ಇಂಚಂಚ ಮಾತ ಅಪ್ಪೆ ಕೇನ್ಗ ಆಯೆ ಪಂಡೆ.
. ಬೊಕ್ಕ ಇಂಚೆಂಚ ಒಂಜಿ ಪೊಂಜೊವು ಉಂತ್‌ದಿತ್ತ್ಂಡ್ .
ಬೊಕ್ಕ ಯಾನ್ ಉಂದೆನ್ ಮಾತ ಕೇಂಡೆ .
.ಅವ್ವು ಇಂಚಂಚ ಪಂಡ್ಂಡ್.
ನಿಕ್ಕ್ ಪೋಯೆರೆ ಸಾದಿ ಅಪ ತಪ್ಪಾದ್ ದಾಯೆ ಬತ್ತ್‌ನೆಂದ್
ಏನ್ ಕೇಂಡೆ ಆ ಕೇನ್ಗ ಎಂಕ್ ಬದಲ್ ಸಾದಿ
ತಪ್ಪಾತ್ ಬರೊಡುಂದು ತೋಂಜಿಂಡ್ ಅಂಚ ಬತ್ತ್‌ನೆ ಪಂಡೆ
ಅಂಚ ಬತ್ತ್‌ನೆ ಪಂಡ್‌ ಇಲ್ಲ್ ಅರಮನೆಗ್ ಬತ್ತ್ ಅವುಲು ಬೊಕ್ಕ
ಅಪ್ಪೆ ಮಾತ ಕೇಂಡ್‌ದಾನಗ ಆಯೆ ಪಂಡೆ ಸಂಗತಿನ್.
ಬೊಕ್ಕ ಇಂಚೆಂಚ ಸಂಗತಿಂದ್.
ಅಪಗ ನಿಕ್ಕ್ ಎಡ್ಡೆಂಜಿ ಪೊಣ್ಣುನ್ ಈ ತೂತಂಡ
ನಿಕ್ಕ್ ಮದಿಮೆ ಮಾಲ್ಪೊಲಿಯಾಂಡೆ ಮಗ
ಮದಿಮೆ ಮಲ್ಪೊಲಿಯಾಂಡೆಂದ್ ಪನ್ನಗ
ಆಯೆ ಲಕ್ಕ್‌ದ್ ಉಂತಿಯೆ ಲಕ್ಕ್‌ದ್ ಉಂತಿಯೆ.
ಲಕ್ಕ್‌ದ್ ಉಂತ್‌ದಾತನಗ ಆ ದೈವೊ ಅಡೆಗ್ ಎತ್ಯೆ
.ಆಯನ ಇಲ್ಲ್‌ಗ್ ಎತ್ಯೆ
ಇಲ್ಲ್‌ಗ್ ಎತ್ತ್‌ದ್ ಆನಗ ಇಂಬ್ಯಗ್ ಇಂಬ್ಯನ್ ಕೆರಿಯೆ .
.ಈ ಬೈದ್ಯನ್ ಕೆರಿಯೆ ಉಮ್ಮನ ಬೈದ್ಯನ್ ಕೆರಿಯೆ
ಉಮ್ಮನ ಬೈದ್ಯನ್ ಕೆರ್‌ತ್ ಈ ದೈವೊ ಪಂಜುರ್ಲಿ ಆಯನ್ ಬುಡ್ಪುಜೆ
ಇನಿಕ್ಕ್‌ಲ ದೈವೊ ಅಲ್ಪ ಉಮ್ಮನ ಬೈದ್ಯನ ಇಲ್ಲ್‌‌ಟ್
ಕಂಚಿನಡ್ಕಡ್ ಮೆಂಚಿನ ಪದವುಡು ದೈವೊ ಇನಿಕ್ಕ್‌ಲ ಆಯೆ ಬುಡ್ಪುಜೆ
ಉಮ್ಮನ ಬೈದ್ಯನ ಮಾತ ಕೆರ್ದ್ ಪತ್ತ್‌ದ್ ಮಾತ ಆತ್