અધમણ સોનું સવામણ રૂપું

અધમણ સોનું સવામણ રૂપું, તેનો મેં તો વીંઝણો ઘડાવિયો.
વીંઝણો મેલીને હું તો જળ ભરવા ગૈ’તે નાને દિયરિયે લીધો,
નાના દિયર ! તમને ઘોડીલો આલું; આલો અમારો વીંઝણો.
ઘોડીલે તો ભાભી ! બેસતાં ન આવડે, નથી લીધો તારો વીંઝણો.

નાના દિયર ! તમને હાથીડા લઇ આલું, આલો અમારો વીંઝણો.

હાથીડે તો ભાભી ! બેસતાં ના આવડે, નથી લીધો તારો વીંઝણો.
નાના દિયર ! તમને બેની પરણાવું, આલો અમારો વીંઝણો.
તમારી બે’નીને પાટલે પધરાવો, પાછલે પડાળ તારો વીંઝણો.