चढ़ली जवनिया भइली जिउआ के जंजाल
चढ़ली जवनिया भइली जिउआ के जंजाल ए परदेसी सइयाँ।
ऊतऽ फँसि गइलें कूबड़ों के जाल ए परदेसी सइयाँ।
कहिके गइलें आएब परसों बीत गइलें बरसों ए परदेसी सइयाँ।
केकरा से कहीं जिव के हाल ए परदेसी सइयाँ।
प्रेमवाँ के रोगवा में रात दिन सोगवाप ए परदेसी सइयाँ।
भइल बारें पगली के हाल ए परदेसी सइयाँ।
धरीं कवन भेस हम जाई कवन देस ए परदेसी सइयाँ।
उज्जर भइलें मुड़िया के बाल ए परदेसी सइयाँ।
हमनी के स्याम तेजे चिठियों ना भेजे ए परदेसी सइयाँ।
परलें सवतिया से हवाल ए परदेसी सइयाँ।
रस में भोरवले बारी झांवर भइली सारी ए परदेसी सइयाँ।
द्विज महेन्दर जियरा बेहाल ए परदेसी सइयाँ।
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author.
Public domainPublic domainfalsefalse