कवना नगरिया के ईहो दुनू जोगिया

From Wikisource
Jump to navigation Jump to search
कवना नगरिया के ईहो दुनू जोगिया
by महेंदर मिसिर

कवना नगरिया के ईहो दुनू जोगिया
संगवा में सोभे सुन्दर नार देवरा जोगिया।
कबहीं ना देखली में अइसन बटोहिया
जाहि देखि नयनवाँ जुड़ाय देवरा जोगिया
मीठी-मीठी बोलिया राम सालेला करेजवा
कइसे के राखी बिलमाया देवरा जोगिया
टिकी जा तू जोगी आज हमरी दुअरिया
सेवा मैं करबों तोहार देवरा जोगिया।
तोहरा के देवो जोगी अनधन सोनवाँ
एही ठइयाँ धुनियाँ रमवाऽ देवरा जोगिया।
महत महेन्दर ई त माने ना बटोहिया।
हमरो परनवाँ हरलें जाय देवरा जोगिया।


This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author.