یار بە حەلقەی زولف و پەرچەم وا کە جەڕڕاری دەکا
Jump to navigation
Jump to search
یار بە حەلقەی زولف و پەرچەم وا کە جەڕڕاری دەکا | ڕادەکێشی جەرگ و جانم بۆیێ دڵ زاری دەکا |
کردمی مەفتوون دڵم مەجبوور هەواداری دەکا | عاشقی ڕاستم مەڵێن وا کیزب و غەدداری دەکا |
سا مەکەن لۆمەم کە دڵ وا مەدحی گوڵزاری دەکا | |
من لە خەودا دیومە جارێ نووری بێ وێنەی جەمال | هەر بەوە ئومێدەوارم ڕۆژ و شەو «فِي كُلِّ حَال» |
بۆ شەفاعەت بۆ نەجاتم وەقتی حوکمی «ذي الْجَلَال» | غەیری جاهو لوتفی تۆ هیچم نییە ئەی بێ میسال |
جەددمی و جەد بۆ حەفیدی، بێ شک غەم خواری دەکا | |
چەند کەسی وەک من شەیاتین حیلەیان لێ کردووە | بە هەزار حیلە لە ڕێی حەق زەللەیان پێ کردووە |
تا لە وەقتی مردنیش وتراوە پیسی مردووە | چونکە حوببی تۆی بووە ئیمانی باشی بردووە |
گەر شەفاعەت کەی، خودا مەعلوومە غەففاری دەکا | |
ڕوو ڕەش و زۆر شەرمەزارم من لە قاپی خوای مەتین | چونکە هیچ چاکەم نییە بۆ ڕۆژی حەشری عالەمین |
پاشی ڕەحم و لوتفی یەزدان بۆ عوموومی موجریمین | چیم نییە غەیری شەفاعەتخوازی تۆ ئەی نازەنین |
غەیری تۆ کێ دێ لەلای خوا بۆم ڕەجاکاری دەکا | |
عومرەکەم هەرچەند درێژ بوو ڕۆیی بێ سود و سەمەر | پڕ گوناهـ و بێ موبالات بووم لە مردن بێ خەبەر |
بۆیێ ڕیسوا بووم لە عالەم کەتمە ڕێگای پڕ خەتەر | بێ زەخیرە و زاد و تەنیا پڕ لە ئاخ و پڕ کەسەر |
کێ وەکو من دائیما هەر مەیلی بەدکاری دەکا | |
حوببی دڵ گاهـ ئاشکرایەو گاهـ دەچێتە غەیبەتێ | گاهـ لە بۆ ساحیب سەخایە و گاهـ لە بۆ خاڵ و خەتێ |
تالیبی دوو مەڕحەبایە بۆیێ کەوتە میحنەتێ | عاجزا گەر وا دەوام کەی، دەچیە وستی فیتنەتێ |
(تُبْ إِلَي الله) چونکە تۆبە دەفعی غەمباری دەکا |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse