یاری مە، بۆ حەسرەتی مە، مووی لە ڕووی کردە نیقاب
| یاری مە، بۆ حەسرەتی مە، مووی لە ڕووی کردە نیقاب | بێخەبەر ئەمما کە: سایە؛ بوو بەزیبی ئافتاب |
| هەر فریشتە تەلعەتێک، فەخری بەنووری خیلقەتە | هات و ڕووی تۆی دی؛ دەڵێ يا لَيتَني كُنتُ تراب |
| لەودەمەی عەتری سەری گێسووی تۆ هاتە مەشام | کێیە مننەت هەڵگرێ! ئیدی لە عەنبەر، یا گوڵاب؟ |
| کۆمەڵێ خاڵن وەدەرکەوتن لە تەختی سینەدا | یا نومایان عیقدی پەروینن لە شوعلەی ماهتاب! |
| مێش ئەگەر جارێ بنیشێ لەو لەبی وەک قەندی تۆ | تا بەڕۆژی مردنی؛ هەر شەککەر ئالوودە لوعاب |
| ئەی عەجەب حوققەی دەهەنت و ئەو ددانی گەوهەرین | چۆن لە ناو نوقتێکە پەنهان، سی و دوو دوڕی خوشاب! |
| کەوتە دامی زوڵفی قوللاب، ئەو دڵەی ئازادی من | .............................................................................. |
| غافڵن ئەوڕۆ لە خوێنی کوشتەیی هیجرانی خۆت | دامەنت دەگرن بڵا پاکی، بەڕۆژی ئیحتیساب |
| بۆ سەر ئەو چاهی زەقەن، زوڵفی زەغەن بوو، رەهبەرم | ئاخری چاهە؛ کەسێکی رەهبەری ڕێی بێ غوراب |
| بۆ نیشانی بەزمی مەستانت، لە دووریی تۆ ئەدەب | چەنگە: سینەی، تار: ناڵەی، زارە دەنگی، وەک روباب |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|