یئنه اول ماه منیم آلدی قراریم بو گئجه
| یئنه اول ماه منیم آلدی قراریم بو گئجه یازار: محممد فوضولی |
یئنه اول ماه منیم آلدی قراریم بو گئجه
چیخاجاق دیر فلکه ناله-یی زاریم بو گئجه
شمع‌وش محرم بزم ائیله‌دی اول ماه منی
یاناجاق دیر هیجر اودونا، واریم بو گئجه
هم وصالی اوت اولور جانیما، هم هیجرانی
بیر عجب شمع‌له دوشدو، سروکاریم بو گئجه
نه توتون دور کی چیخار چرخه-یی، دل زاره مگر؟
هیجر داغی‌نی اورار لاله عوذاریم بو گئجه
پاره- پاره جیگریم، ایت‌لرینه نذر اولسون
اول سر کویا اگر دوشسه گوذاریم بو گئجه
صوبحه سالدی بو گئجه شمع کیمی قتلیمی هیجر
اولا کیم صوبح گلینجه، گله یاریم بو گئجه
وارایدی صبح ویصالینه “فوضولی” اوممید
چیخماسا حسرت‌ایله، جان فیگاریم بو گئجه