گەل و نیشتمان
Jump to navigation
Jump to search
| دەور و پشتی خانوو و، جێگەی هەوارم گوڵشەنە | ئاوی جۆگە و گۆل و ڕووبارم شرینە و ڕەوشەنە |
| گیای بەهاری مێرگی دامێنی چیا وو کێوی من | نەرگس و لالە و ترنجۆک و بنەوشە و ڕەیحەنە |
| لێوی جۆگەی خوڕەم و ساق و سیمینی دڵبەرم | ژاڵە وو نەسرین و سونبول، یاسەمین و سەوسەنە |
| هێندە پێکەوتە گیا و پووشی چیای کوردستان | کاوڕ و بزنم وەکو گامێش و گایی سێ بەنە |
| سەیری هەرچی شیو و شاخی هەردە وو دەشتم بکەی | باغ و بێستان و ڕەزە، شاراو و کێڵگە و خەرمەنە |
| دەنگی خوڕەی ئاوی ژێر دارم بەسەر بەرد و پەلا | خۆشترە سەدجا لە دەنگی عوود و ساز و دەندەنە |
| ئەو بەری بەڕووەی لە کوردستانی من پەیدا دەبێ | چاتر و شیرینترە سەدجا لە پستە و کەستەنە |
| چاوەکەم ئەو جاجکەی وا تیرەمنتی پێ دەڵێن | ئامەدی کوردوستان، خۆشەی جەوی دارەبەنە |
| گەر تۆ بنواڕی لە کوردستان سەراسەر سێ بەشە | باغ و دارستان و کیڵگە، ژێر ئەمانەش مەعدەنە |
| هەر زەمینێکم بدینی بێ درەخت و بێ گیا | کانی زێڕ و زیوە، پێویستت هەیە لێی هەڵکەنە |
| من چ پێویستم نییە تۆو چەندن و هەوڵی مەزید | داری کێوانم، بەڕوو و بادام و گوێز و قەزوەنە |
| شانەیی هەنگوینی شاخی، گۆشتی کێوی لێ مەعاف | خۆم چلۆن قوربان نەکەم بۆ ئەم حەشار و مەسکەنە |
| سەنگەر و چاڵی زەوی، شوورە و قەڵاتم بۆ چییە | من کە دارستان و بێشە و شیو و شاخم مەئمەنە |
| پشتکۆهـ و ئەڵوەن و شاهۆ و ئەرارات و نەوا | هیچە لای شاخانی من قرپات و ئەلپ و پیرەنە |
| کەپری تاوستانەیی کوردی لە لێو باغ و چەما | خۆشترە سەد جا لە قەسر و باغی قیوامولسەڵتەنە |
| زانیار و گورج و ئازایە بڕی پیاوی گەلم | مەردی مەیدانە بڕێکی لێخوڕ و خەنجەر زەنە |
| لاوی کوردی من نەوەی میدیا وو کەی ئەخساری ئەتوو | خاوەنی سامان و تەخت و زۆر و تاج و عەنعەنە |
| دەشت و شاخی گۆی زەوی باپیرەکانت گرتبووی | بستە جێگایێ نییە پایان نەنابێ لەو حەنە |
| بۆیە ئێستاکەش ئەوانەی پشتی خۆیان زانیبێ | زۆر بڵندە بیریان، بێ باک و شۆخ و گەورەنە |
| ئارەزووی زانینی چشت و کارگەری گەر فێر ئەبی | مەرکەزی فێربوونی علمت رۆڵە ئەمڕۆ لەندەنە |
| چاخی پێغەمبەر لە زانین، چین بوو ئوستادی جیهان | لۆندەرە ئەمڕۆکە شاری سەنعەت و عیلم و فەنە |
| عیلم و عیرفان و بڵندی، کەوتە هەرچی جێگەیێ | ڕوو لەوێکە زوو بەزوو فێری بە هەروەک مەنگەنە |
| تووشی هەرچی زانیاری کورد ببی لێی تێبگەی | حیکمەت و زانینی وەک ئەبوکەوسیی دێوەژەنە |
| توخمی ئاری، واریسی نووحی نەبی، کرمانجی من | مەهجەری کرمانە ئەو جێیەش هەوارگەی جەرمەنە |
| ئەی ئەسیری ڕۆژ و شەو مەدحی گەل و خاکت بکەی | هەر بەجێ نایێ دەسا ئەمجارە لێدە کەم چەنە |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse