که دا ستا د خاطر مينه په اغيار وي
Jump to navigation
Jump to search
که دا ستا د خاطر مينه په اغيار وي
ستا د پاره دې اغيار هم زما يار وي
هر سړی چې په يو مخ باندې مئين وي
له يو مخه يې سل مخه پکار وي
هر چې کاندي نوکري د باچاهانو
خواه مخواه به د دربانو منت بار وي
زه به ستا له رقيبانو څه مانه کړم
دا دستور دی چې له ګله سره خار وي
څو سل خاره يې ښخ نه شي په ټټر کښې
کله وي چې د بلبل و ګل ته لار وي
سجاده به د ساقي د لارې فرش که
هر صوفي چې د سرو سترګو خريدار وي
په جذبه د عاشقي به لېونی شي
که په قطع افلاطون غوندې هوښيار وي
په رحمان باندې به هيڅ ملامت نه که
هر سړی چې ستا له مخه خبردار وي
This work was published before January 1, Expression error: Unrecognized punctuation character "۲"., and is in the public domain worldwide because the author died at least 100 years ago.
Public domainPublic domainfalsefalse