کاروان
Jump to navigation
Jump to search
جاران دە ڕۆژ بە هەچەهەچە و بارەبەرییەوە | بە گەرما و سەبوون و لێزمەی باران و تەڕییەوە |
ترسی تەڕیدە، پێشکەشی سوار، شەوفڕێنی دز | دەستیاوی باری کەوتوو لە جێگای خلیسک و خز |
ئەرکی گزیر و خانەبگیر و مۆریانی نوێن | بۆڵەی کەبانوو، کفری قەتارچی، پلار و جوێن |
چنگ سووتەکەی بە ئاو و کەڕووی نۆردوە نانی کۆن | جووتە و لەقەی ناو تەویلە و هاڵاوی تەرس و بۆن |
ئاگری تەپاڵە، لوکسی گزگل، گەڤێنی سەگ | دەستەویەخەی قەتارچی لەسەر کاو شەڕەکوتەک |
سیخورمەی قەتارچی بۆ هەڵسان و پەلەی | لۆقە و تریسکەی ئێستر و بازدانی جۆگەلەی |
لاسەنگی بار بدەرە بەر پارسەنگی خواریەکەی | خۆ وتی پێت لە خرتکە چوو، لەو دەشتە چی ئەکەی؟ |
ئێجگار کە ئافرەتت لەتەکا بوو بە ترسەوە | هەر سوارێک دەرکەوێ ئەڵێی ئای جەردەیە ئەوە |
باج و پیتاکی زەنگەنە، گیر و گرفتی جاف | هەرچیش کە هاتە ڕێ هەمەوەند بردی ساف لە ساف |
بەم کوێرەوەریە و کولەمەرگییە، بە چڵکەوە | سێ بەنگە وەرگەڕا و بە سەر و ڕیشی کوڵکەوە |
ئەمجا دەچوویتە شارەوە، ناو ماڵی «عاسمە» | بێت و بنووسرێت نابیتە خوێی چێشت ئەمە کەمە |
ئێستا سواری ئوتوموبێل بە، بە سێ سەعات | ئەتباتەسەر شەمەندەفەر دەستوبرد کە هات |
سوار بە بنوو، بەیانی لە خەو هەستە زوو بە زوو | بەغدایە هات بە پیرتەوە دەیبینی ڕوو بە ڕوو |
جاران ئەیانوت: ئەوە «وەلی» یە تەییی ئەرز ئەکا | پێچانەوەی زەوی نییە، عیلمە کاری بەرز ئەکا |
ئینجا کە هات بروسکە خرایە تەلێکەوە | هێنرایە خانووەوە لە چرای هەر پەلێکەوە |
زۆرتر لە مانگەشەو دەر و ژوور ڕووناک کرایەوە | تاریکی لاچوو تێگەیینی ئێمە مایەوە |
جارێ ئەبێ بزانین ئەمانە لە کوێوە هات | چی چاکترە لەمانە بۆ بەرزیی وڵات |
لە لای من خوێندەوارییە، ئاهـ خوێندەوارییە | هەر میللەتێک کە عیلمی نەبێ دەردی کارییە |
ئاخ خوێندنیش وەکوو من ئارەزووی ئەکەم | بیبینم و نەبێتە گرێی قورسی کفنەکەم |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse