ڕیۆن
Jump to navigation
Jump to search
| ڕیۆن داخ و باڵا تەڤە هەزارێ و دەردەدارەنێ | گرد کوشتەو ئا دیدەتەنێ، تە دیدەت جادوو کارەنێ |
| باڵات نەمامی نەوبەرۆ، دیدێت نەرگسی مامەرۆ | کوڵمێت ساڤۆ دڵی دەرۆ، مەمێت هەرەجیۆ نارەنێ |
| زوڵفێت گرەنج و خاوەنێ، سەر لوولەنێ، سیاوەنێ | چنوورو ڕاگاو کاوەنێ، کەمەندە یا شا مارەنێ |
| گەر لۆمەن و ئەگەر مەنۆ، ئەز عاشقۆ باڵاو تە نۆ | پی دینە با تەپڵم ژەنۆ، وەس نیا خاسم یارەنێ |
| ئەشکت پێسەش وستەن کەلێم، بیەن بایس پەی خجڵنێم | سەر تا وارو نە تۆی دڵیم، حەرفێ تەمێت دیارەنێ |
| بی مێر غوزار دونیا تەمۆم، چەنی ئاڤۆ هەرسۆ چەمۆم | کەی مەینەتۆ یاگۆ خەمۆم، دیدەی من ئینتیزارەنێ |
| زێدم چۆڵ و ماوام بەرۆ، پیمۆنۆمۆ پەی تە هەڕۆ | تاکەی ئەڤداڵ مشیۆ بەرۆ، بەرگ و لەشیم دەوارەنێ |
| تاڵەم کەمۆ، خەمێم فرۆ، پەی تەم پۆشان بەرگ و کفۆ | من ئادو بەینم هەر یوڤۆ، بەڵام تەمۆڵەت دارەنی |
| ئەز مەجنوونو وێڵ و تەنۆ، شێت و ئەراگێل و تەنۆ | دایم چەنی خێڵ و تەنۆ، کۆمێم چنیم بێزارەنێ |
| تۆنی حەیات و نەفەسم، سا سێ مەنام کەرا کەسم | «كلامُ اللَّه»و بابۆیم قەسەم، من هەر ئێدەم گوفتارەنێ |
| سا وەس چەنیم توندی کەرە، دالێوە خەم خواریم کەرە | با فتەن کەروو ڕاتنە سەرە، ئەر تە قسێت هەموارەنێ |
| ئەگەر تە قەوڵت سادقۆ، پێسەو یاران موافقۆ | وەس دەر جەفاوو عاشقۆ، فەقیرەنی، هەژارەنێ |
| سەیدی فدێو سیمین لەشۆن، گورفتارو باڵاو وەشۆن | خەیاڵش لاو دیدە ڕەشۆن، چەم سیاوێش دەکارەنێ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse