چې د زلفو ځنځېرونه ښکاروې
Jump to navigation
Jump to search
چې د زلفو ځنځېرونه ښکاروې
کوم د مینې لېوني هوښياروې
عاشقان دي قتل کړي دي بې تېغه
چاته توره د غمزې تیاروې
و کافر ته د مومن ازار ثواب دی
کافرګۍ یې ځکه ما ازاروې
را تر غاړې ستا د زلفو زنار نه دی
نور مې څه په کافرۍ اقراروې
په ملال، ملال کاته دې نور چا نه زده
خو هم ما زده، چې پرې ما بېماروې
ښکلی مخ دې د څراغ غوندې ښکاره کړه
عاشقان لکه پتنګ ترې ځاروې
په خندا، خندا راځه غاړه غړۍ شه
که خوشحال به له ژړا قراروې
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse