چیرۆکی شێخی نوشتەنووس و مەلەوان
Jump to navigation
Jump to search
| شێخە نووشتانێ لەل مەلەوانێ | بووبوون بە هاوڕێ، لە بیابانێ |
| یاشێخ، ڕووی تێ کرد، وتی بە کابرا | هیچت خوێندووە ئەی دەستەی برا |
| کابرا ڕووی تێ کرد وتی یا شێخ گیان | هیچ خوێندەوار نیم، ماڵم بێ وێران |
| یا شێخ خۆی گیڤ کرد، بۆی هاتە وەڵام | وتی بە کابرا، هەی کەری نەفام |
| قابلت چییە بێیتە نزیکم | لە گفتوگۆدا بی بە شەریکم |
| من زگی ژنی نەزۆک پڕ ئەکەم | بە دوعا مار و دووپشک قڕ ئەکەم |
| خێوی سەرکانی و جنۆکەی هەردان | هاڵی ناو زگ ژن، شەوەی مناڵان |
| ژن لەلای مێردی خۆشەویس ئەکەم | یا بە نوشتەی ڕەش نەگریسی ئەکەم |
| بە کورتی یا شێخ لەگەڵ مەلەوان | ڕۆین گەیشتنە ئاوێ فراوان |
| خەڵقی بە مەلە ئەچوونە ئەوبەر | مەلەنەزانیش ئەماوە لەم بەر |
| یاشێخ ڕووی کردە کابرای مەلەوان | وتی: چلۆنی؟ کاکی پاڵەوان |
| من کۆلکە شێخم نەک شێخی تەواو | دەخیل هۆشت بێ نەکەومە ناو ئاو |
| کوێرایم دایە، مەلە نازانم | هیوام هەر تۆیە، دەردت لە گیانم |
| نەجاتم بدە لە گێژی تۆفان | بە مەلەوانی دەستم بە دامان |
| خۆزگە! لەباتی نوشتەنووسینم | مەلەم ئەزانی گیانی شیرینم |
| کابرا کە زانی یا شێخ ترساوە | لە ترس ئاوەکە، هۆشی نەماوە |
| وتی: یا شێخ گیان! کوانێ نوشتەکەت؟ | کوا جنۆکەکوژ، توشووی پشتەکەت؟! |
| بە دوعا و نوشتە و حیلەی ناو دەفتەر | دەی خۆت نەجات دە، لە گێژی خەتەر!! |
| تۆ کۆلکە شێخی، شێخی تەواو نیت | شێخییش هەر بەقەد مەلە ئەزانیت |
| قانع | |
| پێویستە گشت کەس هەروا سەهل و سووک | خۆی بە زل نەگرێ و، خەڵکی بە بچووک |
| هەر شتێک ڕۆژێ، بەکاری تۆ دێ | هەر شت ئیشی خۆی ئەکا جێ بە جێ |
| تکا | |
| تکا ئەکەین لە کاکی نوشتەنووس، ئیتر نە ژنمان بۆ خۆشەویست بکات و نە زگی پڕ بکات و نە بیکا بە قیر و نە جنۆکەمان بۆ بسووتێنێ، دینی پاکی ئیسلام ڕێگەی ئەم جۆرە خرافیانە نادات، هەر کەس بیانکات، دەر ئەکەوێ کە هیچ گوێ نادا بە دینی ئیسلام. «قانع» | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse