چۆنیەتی ئەحواڵم
Jump to navigation
Jump to search
| بە ناو مەشهووری ئافاقم کەچی هەر ئاهـ و ناڵینمە | وەکوو پیاوی برا مردوو لە برسا زاری و شینمە |
| دەمێ خەم بۆ کەوا کۆنە و دەمێ بۆ نانی جۆیینمە | ئومێد و وارستەی ژینم گەدایی و مردو شۆرینمە |
| کوتەک دۆعا ئەکا بۆ نان و خۆیشم «ڕەبی ئامین»مە | |
| خوا دڵسۆزەکەم بگرێ کە نەیهێشت ئیشێ بۆ خۆم کەم | کە نەیهێشت خۆم بە دارتاش و خەڕات و پینەچی و دۆم کەم |
| وەیا پشتم لەژێر باری گرانی خەڵقەدا کۆم کەم | بەهێزی کاسبی کەللەی ڕەقی خەڵقی وەکوو مۆم کەم |
| ئەبێ تازە بە چی بم من کە وەعدەی مەرگ و یاسینمە | |
| هەتا ئەو ڕۆژە ڕۆژی بوو ئەمن سواڵ و گەداییم کرد | بەدڵ نەفرەت لە کەسبی عالی و ئیشی فلاییم کرد |
| لە ڕێیان وا ترازانم کە هەر مەیلی مەلاییم کرد | نەوەک خەڵقی بەسووک بیگرم تەواوی خۆم فیدایی کرد |
| کەچی ئێستە هەر ئاواتی کولێرە و چێشتی نیسکێنمە | |
| لە پاییزدا درۆی زل زل هەتا نانێ بەدەس بێنم | بە زستانا ئەبێ قورئان لە باوەش نێم و بیخوێنم |
| بەشەو وەک دز لە بازاڕا کە بەڵکوو وەعدە بستێنم | بەسەد فێڵ و ڕیا فلسێ لە دووکان دارێ دەربێنم |
| دە کرمۆڵ بم کە چۆن ئیشی وەها ڕەفتار و ئایینمە | |
| لەپاش چەن ساڵێ شار و شار ئەزانم جاهل و دوونم | بەخۆم زۆر چاک ئەفامێنم بەشێتی چەشنی مەجنوونم |
| لەبێ عەقڵی لەلام وایە فریدی ڕبیعی مسکونم | گەداییم وایە بۆ نانێ بەقەد سەد لیرە مەمنوونم |
| دەشینم بۆ بکە کوردە کە ئێستە نۆبەتی شینمە | |
| دەواعز دەک خەجاڵەت بی کەوا ئەم عالەمەت فەوتان | لەبەر نەفعی خسووسی خۆت سەراسەر عالەمت خنکان |
| ئەگەر قانع دەسی بڕوا بەسەرتا سەر زلی مل پان | ئەبێ ڕیشت لەبن ببڕێ و ببیتە عیبرەتی دەوران |
| عەداوت من لەگەڵ تۆدا ڕقی ساڵانی پێشینمە | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse