چراغم یارم
Jump to navigation
Jump to search
| چراغم یارم، چراغم یارم | عەمرم، زیندەگیم، چراغم، یارم |
| یاری بێ بەینەت، دۆستی دڵدارم | تۆ بارە تەشریف وە سەر مەزارم |
| ئەر شەرت و ئیقرار، وەرین مەندەن پێت | دیدەی ئینتیزار من، ئانا نە ڕێت |
| چوون کوشتەی هیجران داخی دووری تۆم | سا تۆ دمای مەرگ، بۆ وە سەر گڵکۆم |
| تەماشای گڵکۆی تارم کەر، دوڵبەر | دوودی سیای تار، لێش مەیۆ وە بەر |
| تالێت مەعلووم بۆ، سەوڵی خەرامان | من جە داخی تۆ، بەیتەور پێم ئامان |
| ئەوسا تۆ مەزار قەبرم شکاوای | وە حاڵی جەستەی زەلیلم یاوای |
| دیای ئایری هیجران جە تەندا | چ تەور بەرمەشۆ دووش نە کەفەندا |
| مەزانی نازار، ساحێب شەرت و شۆن | سەیدی کوشتەی داخ، دەردی دوری تۆن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse