پەی چێش نەشۆ جێش
Jump to navigation
Jump to search
| پەی چێش نەشۆ جێش، پەی چێش نەشۆ جێش | سا پەی چێش دیدەم زۆخاو نەشۆ چێش؟ |
| دەروونم جە داخ چەنی نەبۆ ڕێش | پەرێ چێش بەختم سەنگ نەوارۆلێش |
| دڵە! ساوەختەن با بەیو ناڵەت | دیدە! جە زووخاو پەڕکەر پیاڵەت |
| جەستە! رەنگین کەر، ئامان سەد ئامان | وەهوون زامان سەرتا وە دامان |
| پەی چێش قیبلەکەی شیرین رازکەم | ڕۆشنایی عەین، ئاوات وازەکەم |
| یانێ های لەیلی کۆی کەڵاف نەپێڵ | ڕۆحەکەی جەستەی قەیس ئەراگێڵ |
| یاها، تەن خەستەی تیر دیاش بێ | دڵ زامدارێ مار زۆڵف سیاش بێ |
| ئەوجا هەرکەسێ مەوات ئەی دەردم | تەعنە لێش مەدام مەناش مەکەردم |
| ئیسە ئەوەند دەرد لە لام بیەن جەم | خوا تۆبەم بۆ مەنای کەس نەکەم |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse