پێنج خشتەکی لەسەر شیعری مەلا ئەحمەد کوڕی مەرحومی قازی پێنجوێن کە ناوی زەوقییە
Jump to navigation
Jump to search
| سەیری ئەم خولیایە کەن شاعر کە کەوتە زەمزەمە | ژینی چەشنی پینی گورگە گاهێ تێر گا ژەم ژەمە |
| خۆی لە شا زیاتر ئەزانێ گەرچی دایم پڕ خەمە | تەوسییەی هەر هۆنەرێ بۆ هۆزی ئێستە هەر دەمە |
| خۆی لەگەڵ هونراوییەک بێ یا نییە زۆر زۆر کەمە | |
| تاوێ سەیری حاڵەتی کە پیاوی خاوەن نەعمەتە | ڕۆژێ بڕوانە لە حاڵی ئیش و کاری زللەتە |
| کردەوەی پیشان ئەدا ڕەفتاری یەک یەک زەحمەتە | کاتێ دێتە سەر قەڵەم ڤوڵتیر لەلای بێ قیمەتە |
| کردەوەیشی بۆ براکانی بە چەشنی ئەرقەمە | |
| کاکی شاعر تۆ سەری خۆت لێم مەیێرە سەر مەساف | شێعرەکانت زۆر جوانە و کردەوەت پووچ و خەلاف |
| شۆڕە سوارێکی لە دەشتی هووشە و لاف و گەزاف | یا مەڵێ یا وابە یاخۆ جاربەجارێ ئێعتراف |
| فەرموو ئەمنیش موستەحەققم بۆ هجوومی ئەم زەمە | |
| گاهێ شاعێر چەشنی بۆقلە خۆی تەواوی کەیف ئەکا | کەوتە ناو بەحری خەیاڵ چەندە شاتە و زیف ئەکا |
| گاهێ بۆ ئەدنا بەراتی چەند گەدا تەعریف ئەکا | وەک حەکیم ئەنواعی دەرمان و دەوا تەوسیف ئەکا |
| بۆ نەجاتی خەڵق و خوێشی وەرهەمی بێ مەرهەمە | |
| خۆی لە کۆڵانا ئەژی نەفسی ئەخاتە ئاسمان | گوێ لە شێعری ناگرن هەر خۆبەخۆ دێتە بەیان |
| خۆی بە چاکتر دائەنێ و پەستتر لە گشت ئەهلی زەمان | کردەوەی خۆی بێتە پێش چاوی تەواو لێی دێتە زوان |
| وەی چ غەدارە، چ خوێن مژاوەی پەنا بە خوا لەمە! | |
| وەسیەتێکت بۆ ئەکەم شیرینتری شەهد و شەکەر | سەد دەخیل ئەم وەسیەتەم بگرە لە گوێ ئەی پڕ هونەر |
| جارێ واز بێنە لە تانە و عەیبی هۆزی قۆڕ بە سەر | کاکە تۆ نەفست لە گێژی خودپەسەندی بێنە دەر |
| جا بە دەس بگرە دەسی بێژە بە دەم لادە لەمە | |
| خۆت لە دیوانی خودادا بۆچ ئەکەی وا ڕەنجەڕۆ | عەیبی هۆزت بۆ ئەخەیتە بەردەمی دڵ پڕ لە سۆ |
| من ئەزانم چی لە کونجی دڵتە دایە بێ درۆ | گەر ئەتۆ ڕاستت ئەوێ بەخوا ئەوەی فەرمووتە خۆ |
| بۆ بژی یا ئافەرین و خۆ نیشاندانە ئەمە | |
| باسی جوودی حاتەمم لاکەن تەواو ئینکار ئەکەم | یانێ بڕوانە کە نوتق و فەلسەفە ئیزهار ئەکەم |
| قانعا بەم حاڵەتە دەورانی خۆم ئەمرار ئەکەم | گەر بڵێن زەوقی ئەتۆش هەر وای بەڵێ ئیقرار ئەکەم |
| چۆن بە خۆم بوختان ئەکەم ئەمڕۆکە موددەی عالەمە | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse