پێنج خشتەکی لەسەر شیعری ئەحمد موختار جاف

←

پێنج خشتەکی لەسەر شیعری ئەحمد موختار جاف (1953)
by قانع

→

307161پێنج خشتەکی لەسەر شیعری ئەحمد موختار جاف1953قانع

لەجێی تەییارە کوردینە کڵاش ئەسپی سەفەرتانە	تەریق نابێتەوە کوردە کەوا کەر بارەبەرتانە
لەباتی تاجی ئازادی بەتۆپەڵ قوڕ لەسەرتانە	لەخەو هەستن درەنگە میللەتی کورد خەو زەرەرتانە
هەموو تاریخی عالەم شاهدی فەزڵ و هونەرتانە
لەگەڵ تۆمە دە گوێت لێبێ هەتاکەی بەندی و مەحکووم	هەتا کەی فیتنەیی یەکتر هەتاکەی نەگبەتی مەشئووم
لە ئازادی ژیانی خۆت هەتاکەی بێبەش و مەحرووم	دەسا تێکۆشین ئەی قەومی نەجییبی بێکەس و مەزڵووم
بەگورجی بیبڕن ئەو ڕێگە دوورەی وا لەبەرتانە
وەرن بۆ مەرهەمی زام و برینی جەرگی کون کونتان	بەجارێ دەس بەیەک بگرن کوڕ و پیاو و کچ و ژنتان
هەتاکوو تەوقی مەحکوومی هەموو لابەن لەگەردنتان	بخوێنن چوونکە خوێندن بۆ دیفاعی تێغی دوژمنتان
هەموو ئان و سەعاتێ عەینی قەڵغان و سپەرتانە
برا ئەم بێشەیە بێشەی هەزاران شێری پڕ قینە	ئەگەر دیققەت لە خاکت کەی ئەزانی خاکی زێڕینە
ئەمە میراتی بابانە کەوا ئێستاکە خەمگینە	بەخۆڕایی لەدەستی بەر مەدەن ئەم خاکە شیرینە
کە تۆزی وەک جەواهیر، سورمە و کوحلی بەسەرتانە
تەماشای شیوەنی من کەن ئەیا ئەی پۆلی هاو فەردان	چلۆن ئەگریم بە کوڵ بۆ لاوی لێقەوماوی بن بەردان
وەرن گشت بێنە سەر ڕێگەی بڕایی هەر وەکوو مەردان	بەسەر خاکا ئەگەر نازیش بکەن حەقتانە ئەی کوردان
تەماشای سێبەری ئەم شاخ و کێوانەی لەسەرتانە
بە خوێنی خۆت و ئەولادت چ خۆشە ئابڕوو بکڕن	بەوەڵڵا حەیفە بۆ ئێوە لەناو یارانەدا بزرن
لە ڕێگەی مشتە خاکێکتان بەجارێ یەک بە یەک بمرن	بەبێ قەدری بەسەریا ڕامەبوورن حورمەتی بگرن
گوڵاڵەی سووری ئەم سەحرایە خوێناوی جگەرتانە
مەکەن مەنعم کە دائیم ئیش و کارم زاری و شینە	وەکوو پیاوی برا مردوو سەدام هەر ئاهـ و ناڵینە
ئەوا شێتم لە داخ پاشکەوتنی ئەم خاکە شیرینە	دەمێکە ئەم وڵاتە پەستی بێ عیلمی و نەزانیینە
لەسایەی عیلمەوە ئەمڕۆ ئیتر نۆرەی زەفەرتانە
دەخیلە دەستە دامانم لەدەس خۆت بەرنەدەی فرسەت	نەڵێی لابە بەمن چی با نەکەومە کێشە و زەحمەت
بەبێ زەحمەت نەبینراوە براکەم ڕەحمەت و نێعمەت	زبانی حاڵی ئەحمەد هەر ئەڵێ وریا بن ئەی میللەت
بزانن بەردی ئەم سەحرایە ئەڵماس و گوهەرتانە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).