پێنج خشتەکی قانع لەسەر شیعری حەمدی ساحبقەران
Jump to navigation
Jump to search
| ئەی وەتەن! بەینێکە پەستی موژدە بێ دەورانتە | خوێنی کوژراوانی کۆنت بۆیەیی هەیوانتە |
| گوێ لەهەرلا ڕاگری هەر گوفت و گۆی لاوانتە | ئەی وەتەن ڕۆم و عەجەم موشتاقی کوردستانتە |
| ئیفتیخاری میللەتی کورد شەوکەتی عینوانتە | |
| ئەی وەتەن! چاوت نەترسێ قەت لە غاز و تۆپ و تانگ | وا قەڵەم بۆت پێ گەیشت، بۆتۆ ئەکا هاوار و بانگ |
| با بخنکێ کاکی بەدگۆ! دووکەڵی دەو بیخە قانگ! | بەستە سەربەرزی سبەینان و شەوانت ڕۆژ و مانگ |
| وەک نیشان و ئیحترامی سینگ و نەجمەی سەر شانتە | |
| کەی قەڵەم ئەتوانێ باسی تۆ بنووسێ یا زمان؟ | چۆن ئەتوانێ سەد یەکێ باست بکا بۆمن بەیان! |
| ئەی تەبیعەت! ئافەرین بۆ کردەوەت، بۆ کوردستان | بەرق ئەدا و ئەڕژێ وەکوو ئەمواجی گەوهەر چەشمەکان |
| ئاوە یا ڕۆحی ڕەوانی چەشمەیی حەیوانتە | |
| کاتێ قاپی گوڵشەن و باخانی تۆ ئەکرێتەوە | قەڵبەزەی ئاوت بە ڕووی شاخانەدا ئەڕژێتەوە |
| زامی جەرگی عاشقانت پەی لە پەی ئەکولێتەوە | ئاوە یا نوورە لە عەکسی خۆر کە ئەبریسکێتەوە؟ |
| ئەهلی حیکمەت وا ئەزانن دوڕڕەکانی کانتە | |
| سەد وەکوو لوبنان و بەرلین، بۆ قەزاگێڕی سەرت | سەدهەزاران جەوهەری، قوربانی تۆزی جەوهەرت |
| ڕۆژی تەنگانەش ئەبینم، شاخەکانی سەنگەرت | گوڵ گوڵی سوور و سپی خاڵخاڵی خاکی گەوهەرت |
| پۆدرەی ڕوخسار و سورمەی ڕیشتنی چاوانتە | |
| خەزنەیێکی دەستی قودرەت کردوێتی بۆ هەژار | ڕوو لە هەر لایێ ئەکەم هەر گوڵشەن و هەر مێرغوزار |
| کۆهسارت گەرمیان و گەرمیانت کۆهسار | عاشقی ڕەنگی خەزانی تۆیە بۆیە دێ بەهار |
| فەسڵی هاوین گەرمە مەیلی بەفرەکەی زستانتە | |
| ئەی وەتەن! جێی نووری حەقی تۆ بەچەشنی کێوی توور | سەدهەزار مووسات هەیە هەریەک وەکوو دەریایی نوور |
| دەخڵ و دانت گێتیی پڕ کرد جا نزیک بێ یاخود دوور | چونکە عەمماری زەخیرەی کائیناتە شارەزوور |
| شەهربازاڕ خوانی میوانە و لەبەر میوانتە | |
| گەر خەیاڵی تۆ بکەم، فەوری لە دڵ خەم دێتە دەر | ناوی تۆ بەم، دەم ئەبێتە چاوگەیی شەهدوشەکەر |
| سەیری دەشتی تۆ ئەکەم چون چاکە بۆ زامی جگەر | باسی میوەی تۆ ئەکەم بۆیە قەڵەم هاتۆتە بەر |
| بەستەکانم بەستەیی ئەهلی دڵ و عیرفانتە | |
| گشتی شووشەی زێڕوزیوە، باخەباخەی گەنم وجۆ | تۆ، بەهەشتی ئەم جیهانەی بێ گەزاف و بێ درۆ |
| بیرە و ویسکی شکێنە جامۆڵەی پڕ بەفر و دۆ | پڵپڵە و لاگیرەیی زێڕینی جوانی قەومی تۆ |
| زڕزڕە و پشتێنەیی بەردینی قەد شاخانتە | |
| کێو و کوێستانت سەراپا قرمز و گوڵنارییە | شیوەڵ و دەشت و نزارت ئاوی سافی جارییە |
| سەد منی بولبول لە بۆ گوڵ ئیش و کاری زارییە | ئاسمان و شاخی بەرز و پانی ئەرزت دیارییە |
| ماڵی کوردیت و ئەوە دیواری حەوشە و بانتە | |
| داخەکەم بۆ ئەو دەمەی لاچێ لە ناوا دوودڵی | لاوی خوێن گەرمم بزانێ ودەس نەداتە سەر چڵی |
| جا تەماشای خاکەکەت کەوبێرەسەر سەیری گوڵی | پەیکوڵی تا قەسری شیرین ڕاکشاوە بێ کوڵی |
| دەشتی قەندیلت درێژە بۆ چراچی وانتە | |
| سەیری کێوی ئەزمەڕ و گۆیژە چلۆن خۆیان نوان | بۆ گوڵ وباخچەی لەخۆیی پشتی لوبنانیان شکان |
| داری زەرد، زەرد نابێ ئەمڕۆ تا ئەچێتە ئاسمان | پیرەمەگرون تاجی شاهانەی بەسەربەرزی قڕان |
| تەم دەماوەن داگرێ مەحجووبی هەورامانتە | |
| کوردە بێ خەم هەڵسە سەرپێ، ڕوو کەرە شادی و دەماخ | نەونەمامت پێگەیشت و هاتە بەر وەک داری باخ |
| دەستەئەژنۆ دانەنیشی و هەڵبکێشی ئاخ و داخ | خەتی دیوانی شکستەی گرد و لووتکەی بەرزی شاخ |
| ڕۆشنە بۆ سەربەخۆیی تووڕەیی فەرمانتە | |
| ڕەمزی حەمدی قانعا نازانی تۆ مەعنای چییە | ڕوو ئەکاتە ئەو کەسەی غایە پەرست وەک لۆتییە |
| با وەجود گوێی هەڵکەنی داناچڵەکێ سوودی چییە | جاروبار حەمدی گلەت گەر لێ بکا ناحەق نییە |
| جەردە ڕامەگرە نەڵێن خەڵقی جانی جانتە | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse