پێنجخشتەکی قانع لەسەر شێعری فەریق
Jump to navigation
Jump to search
| برا ئەزانم دەستت بەتاڵە | دڵت پڕ لە خەم ماڵ و مناڵە |
| بیرت هەر لەلای زەڕات و گاڵە | «قانع، بەڕاستی مەیکە بە گاڵە |
| لە داخی خوا حاڵم بێ حاڵە» | |
| هەر خۆی خوایە هەرچی کە ئەیکا | بە هەرکەس بەشێ زۆر یا کەم ئەدا |
| هیچ عەیب ناگیرێ لە کاری خوا | «عالەمی خولقان، ڕزقیان ئەدا |
| بۆ هێندێک مەنێ، ڕزقی یەک ساڵە» | |
| بۆ یەکێ دەوڵەت بێ حەدد و حیساب | بۆ یەکێ نانی وشکی پڕ عەزاب |
| بۆ هێندێ بێ سووچ پڕ قین و عەتاب | «بۆ یەکێ پڵاو، خۆرشت و، کەباب |
| بۆ هێندێ گەنم، بۆ هێندێ گاڵە» | |
| قەرار ناگریت، لەسەر هیچ کارێ | هێندێ موحتاجە بۆ کۆڵە دارێ |
| هێندێ تێر نابێ، بە سواڵی شارێ | «بۆ دەستەیێ تر وەها ئەبارێ |
| وەک بەفر و باران، وەک بای شەماڵێ» | |
| یەکێ بۆ نانێ ئەخەیتە حەی حەی | ئەدەی بە یەکێ، تەختی جەم و کەی |
| یەکێ لە برسا زەرد ئەکەی وەک بەی | «چایی شیرین و پڵاو، پەیاپەی |
| بۆ یەکێ ئەڵێی، کەری جەجاڵە» | |
| ئەڵبەت! من و تۆ دوژمنی خوواین | یان وا هەڵ ئەگرین، چۆن شێخ و مەلاین |
| بەتەنیا و بێ کەس بێ خزم و براین | «هەرچەندە تەواو کوردستان گەڕاین |
| خوا، ئەو خوا و، ماڵ هەر ئەو ماڵە» | |
| خواردنی فیلێ ئەدا بەیەک مۆر | هیچ جیا ناکاتۆ، لە سپی و لە بۆر |
| ڕۆزیم نەدیوە، نەکەم و نە زۆر | «ئەوا من مەلام ئەڵێم بە هەر جۆر |
| خۆ قانع ئەدیب فیکر و خەیاڵە»؟! | |
| غەرقی نیعمەتە هەرکەس بێ دینە | بەشی دینداریش شین و گرینە |
| بەخۆت سوێنتەدەم! ئەمە شیرینە؟ | «لیباسی هەندێ فاسۆنی شینە |
| جوو ئەنەخشێنێ وەک گوڵی ژاڵە» | |
| گوێم بۆ ڕاگرە پادشای بێ باک | گیرام خرابتر بمخەیتە ڕووی خاک |
| دەردی دڵی خۆم، ئەڕێژم سەر پاک | «ئەدەی بە بەعزێ قۆندەرەی زۆر چاک |
| منیش چم چمە، یاخۆ مەشکاڵە!» | |
| خوا من و تۆ بێینە گفتوگۆ | محاکمە کەین، ڕاست و بێ درۆ |
| من کە دامە زک، بۆ نانێنکی جۆ | «ئاخر بە کام ڕوو، کڕنووش بەم بۆ تۆ؟ |
| سەدجار بە خۆت سوێند، حاڵم بەدحاڵە» | |
| جەبرەئیلم کوشت، یان کابەم سووتان؟ | خزمەتم نەکرد، بە شەرع و قورئان؟ |
| چەندەم بۆ خوێندی سوورەی «الرحمن» ژ؟ | «بۆچی یەزید بووم حسینم فەوتان؟ |
| ڕووی تۆ، لە حەنام ئەوەندە تاڵە؟» | |
| مزگەوتەکانت سەرپاک ڕووخاوە | هەرچی پیاو تۆ بێ، چاک لێی قەوماوە |
| هەمیشە داماو بێ نان و ئاوە | «نازانم! خەزنەت بۆ کێ داناوە؟ |
| مەلاکانت ڕووت، لنگ وەک چەتاڵە» | |
| هەرتۆ عالەمت خستە گیروداد | شیرین بۆ خەسرەو، تەشوێ بۆ فەرهاد |
| بەش کردن وایە؟ هەی داد و بێداد! | «وادەی من و تۆ و ڕۆژەکەی میعاد |
| شەرت بێ لەحەشرا، بیکەم بە گاڵە» | |
| سەدجار قووڕانم بە هەناسەی سارد | بۆ مشتێ هەرزن، بۆ لەوێچێ ئارد |
| وتم بینێرە، کە تۆ هەر نەتنارد | «ئیتر میکایل تەڵاقی بۆ خوارد؟ |
| کە بەشم نەدا لە بەڕووە تاڵە!!» | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse