پادیشاهین یوخوسوندا گؤردویو، تانری طرفیندن گؤندریلن، نام-نیشانی وئریلمیش طبیب‌له گؤروشمه‌سی
| پادیشاهین یوخوسوندا گؤردویو، تانری طرفیندن گؤندریلن، نام-نیشانی وئریلمیش طبیب‌له گؤروشمه‌سی یازار: مولوی |
ائله کی، مئهمانی‌نین، شاه گئتدی آیاغینا،
او شاه ایدی گئدیردی، درویش تک قاباغینا.
قول‌لاری‌نی آچاراق، اونو آغوشا باسدی،
سانکی بیر دیل‌دار ایدی، قولون بوینوندان آسدی.
ال‌لریندن، آلنیندان، اؤپدو بیر آتا کیمی،
سوروشدو احوالینی، قبول ائتدی حکیمی.
حال-احوال سوروشاراق، مجلیس باشینا چکدی،
دئدی: بیر خزینه‌سن، سن تک دونیادا تکدی.
آجی بیر صبر اؤتوشدو، آخیری درین اولدو،
مئیوه اکیب گؤزله‌دیک، بهره‌سی شیرین اولدو.
دئدی: ائی حاققین نورو، دفع ائتدیک چتینلییی،
تانری بئله بویورموش ،صبیر اودور پیسلییی.
سنین گؤزل صورتین، هر سوالا جاواب‌دیر،
سن‌سن موشکول حلل ائدن، ائتدیگین ایش ثاواب‌دیر.
دیل بیلن‌لر همیشه، اورک‌لره کؤرپودور،
دستگیر اولان کیشی‌لر، آیاق‌لاردا هؤرگودور.
مرحبا ائی موجتبی، ائی علی‌المورتضی،
اگر قاچسان قضادان، تاپار سنی تئز قضا.
خالقینا بیر مؤولاسان، اینانمایان ناپاک‌دیر،
اینانمایان لعین‌لر جهنم‌ده بیر خاک‌دیر.