وە بانی چاوان
Jump to navigation
Jump to search
| وە بانی چاوان، وە بانی چاوان | عەلەیکەسەلام وە بانی چاوان |
| ڕەند گوڵ جەمین، نازداری باوان | سەرسەبز و بۆرچین، سۆنەی سەر ئاوان |
| شاباز بێ گەرد، هومەیلای پەری | مایل بە روخسار زوهرە و موشتەری |
| وەش ئامای بە خەیر، وەبانی چاوم | جات نە دلی عەین، دیدەی بێ خاوم |
| پایەندازت بۆ عومر و هەم گیانم | جسمم، قاڵبم، ڕۆحی ڕەوانم |
| قەد قدومت یا «الله» بە خەیر بۆ | سابۆ ئەی دیدەم نەوا کە دێر بۆ |
| ئەر تۆ نازەنین، پڕ هۆش و فامی | قبوڵ کەی نازدار، من بە غوڵامی |
| مەمواچە سادار دێوانە و وێڵەن | دێوانەی چون من کەی ئەرا گێڵەن |
| تایێ زوڵف وێت بووزەم نە گەردەن | واچە سادارەن زەنجیرم کەردەن |
| ئینشەلڵا جە یومن، تای زوڵفی تۆوە | چون ساحیب فامان عاقڵ مەبۆوە |
| سەیدی ئەر تای زوڵف تۆش نەگنۆ وە پێڵ | قەدیم سادارەن دیسان مەبۆ ویڵ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse