وەڵامی نامەی «ڕەنجوری»
Jump to navigation
Jump to search
| مەولای لاڵشناس، مەولای لاڵشناس | مەولەوی ئەولەوی دانای لاڵشناس |
| هەیاس دوڕناس ئەسڵ و نەسەب خاس | نەژاد پاکان، «نظامی» قیاس |
| «فیردەوسی تووسی»، «جامی» مڵک جام | «خاقانی» خەیاڵ، «ئەنوەر»ی ئەییام |
| «سەعدی» سوخەندان بەحر مەعانی | «حافظ» «شیراز» «صائب» سانی |
| بەتای بێهەمتای قەییووم بێچوون | هەمتای تۆ کەمەن نە ڕووی دەور دوون |
| شەوکەت خووشەچین پەیدای مەعناتەن | عیسمەت نە ئەوساف سیفاتت ماتەن |
| مەولانا «زەهیر»، «فارابی»ی دەور | فوزەلای فازڵ نادرەی وەش تەور |
| هەنی چەند شەعرای ئاسف نیشانان | دەرس نە مەدرەسەی علم تۆ وانان |
| غەوواس موحیت دەریای عولوومی | شیعر مەسنەویت، مەر «مەولای ڕوومی» |
| تۆ شاڵڵا هەنی پایەت بۆ زیاد | من چێشم کە نام من ئاری وە یاد |
| غەرەز هەر ئێدەن بوزورگیت کەردەن | نام بەندەی وێت وە یاد ئاوەردەن |
| ئەڵبەت وێت وەحاڵ پەشێویم زانان | جە ڕووی ئیلتیفات نامەت کیانان |
| کەردەنت ئیزهار، مەولای کەرەم سەیل | تۆ ساحێب لوتفی یەعنی من بێ مەیل؟ |
| من قەسەم وە زات ئەو کەس یەگانەن | دایم نام تۆم ویرد زووانەن |
| هەر چەند وە خدمەت تۆ ئاشنا نیم | بەڵێ جە فکرت ساتێ غافڵ نیم |
| دڵ پەروانەوار جە شەو تا وە ڕۆ | هەر هانە خەیاڵ وەسڵ و دین تۆ |
| من کە هام تەرکیب عومرم نام تۆن | نیشات زەینم کۆی کەلام تۆن |
| نادیدە حوببت جا گرتەن نە دڵ | هەرگیز جە سەودات دڵ نیەن غافڵ |
| کەلامت سەرمەشق ئینشای زەینمەن | نامت بینایی هەر دوو عەینمەن |
| «لاتشبيه» چون «وەیس» ڕموودەی «ڕەسووڵ» | هەر هام نە تەحسیل وەسڵت کەم وسووڵ |
| نەوا بواچی جەو زامن دووریم | دێوانەی بەندەی مەولای «ڕەنجووری»م |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse