وەسیەت بۆ خەنجەری کوڕم
Jump to navigation
Jump to search
| ڕۆڵە من ئەمرم لە پێشا هۆشی ئیمانت ببێ | بیری هۆز و نیشتمان و ژینی کوردانت ببێ |
| ڕۆڵەکەم هێندە بخوێنە ڕووی شارانت ببێ | هەوڵی تەنها خۆت نەدەی هەر هەوڵی یارانت ببێ |
| تۆش وەکوو من فەرموو فەرمووت با نەبێ ئەی چاوەکەم | هۆشی خۆتت بێ دەخیلە کوێر نەکەیتۆ ناوەکەم |
| ڕۆڵە من تاوێ مەلا و لەحزەیێ دێوانە بووم | تاوێ سۆفی خانەقا و گەهـ لە ناو مەیخانە بووم |
| تاوێ هاوڕێ کۆمەڵ و تاوێ تەواو بێگانە بووم | تاوێ وەک ڕندی قەلەندەر جاربەجار شێخانە بووم |
| بەم هەموو جۆرە لەگەڵ کوردا زەمانم بردە سەر | ئاخری هەر یەک نەکەوتین گشت بڵاو و دەربەدەر |
| ڕۆڵە گوێ بگرە بە جوانی بۆ بەڵێ قوربانی من | بۆ کزی و لارە ملی لای ئاغە و خانانی من |
| جا ئەزانی چۆن بووە وا چۆن ڕۆیوە دەورانی من | کەس بەحاڵی من نەبێ بۆ باری سەر شانانی من |
| سەد هەزار زانینە پوڵی قاچی لای ئەربابی زەڕ | تا بزانی ئەو خرابت لێت ئەبێ بە شۆمی شەڕ |
| ڕێگەیێکت پێ نیشان دەم تا بژیت بۆ خۆت جوان | پرچێ شۆڕی لێ درووس کە و ڕیشی کرژ و لوول و پان |
| هەر وەکوو خۆت خەڵقی کەر کە و بیبە بۆ لای شێخەکان | نیوی بۆ تۆ نیوی بۆ شێخ ڕەنجی سۆفی هیچ نەزان |
| لێخوڕە و لێدە و بڕۆ لای باری خۆت بگرە لە مشت | کوردی چی نیشتمانی چی بۆ کورد نەکەی خۆت دەی بە کوشت |
| گەر ئەوەت لا زەحمەتە هەڵسە بڕۆ قاپی سەرا | وەرگرە هیچ گوێ نەدەیتە ئاشنا و باوک و برا |
| لەو شەریکە تۆ شەریک بە بەش ببە هەرچی کرا | ماڵی مسکینی هەژارە بۆ ئەفەندی دانرا |
| پارە پەیدا کە بزانە دینی چی و ئێمانی چی | خوێنی میللەت هەڵمژە ئینسافی چی، ویژدانی چی |
| ڕۆڵە گەر قاپی سەرا هاتوو نەبوو بۆ تۆی هەژار | باڵی لێ هەڵماڵە دێ بە دێ و شار بە شار |
| کۆمەڵێ پێکۆ بنێ هەریەک بە ناوێ موستەعار | تا حکوومەت پێت ئەزانێ و تۆش ئەخاتە ئیش و کار |
| چوویتە سەر کورسی بزانە پارە چۆن پەیدا ئەکەی | چۆن بە ناحەق کۆڕی بێ پشت و پەنا ڕیسوا ئەکەی |
| ڕۆڵە هەر کاتێ مەعاشت لێ بڕا خۆت کە بە کورد | هەڵکە بەیداخی دەسیسە و جاو و ڕاو و زەرب و خورد |
| کۆمەڵێ پێکوو بنێ پڕ بێ لە پیاوی دەشت و ورد | بێرە چرپە و چپچپ و فێڵ و قومار و دەست و برد |
| بووی بە مەئمووریش بفامە چۆن ئەکەی پارێزی نان | کوردی چی هاوزوانی چی دوژمن بە بۆ کوردی زوان |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse