وەسیەتی قانع بۆ وریای کوڕی

←

وەسیەتی قانع بۆ وریای کوڕی (1954)
by قانع

→

306928وەسیەتی قانع بۆ وریای کوڕی1954قانع

وریا سەد ئامان دایم وریا بە	بۆ هەموو کەسێ چەشنی برا بە
نە شێخ، نە سۆفی، نە مامۆستا بە	ئارەق بڕێژە و ڕوو لە هیوا بە
***
ڕۆڵە هەرکەسێ نانی خەڵقی خوارد	وەکیلی سواڵی بۆ سەر خەڵقی نارد
بۆ ڕۆن، بۆ شەکر، بۆ پارە، بۆ ئارد	یاخوا بمێنێ بە هەناسەی سارد
***
چەند خۆشە کوڕم ئارەق بڕژێنی	لە دەشت و دەرا غیرەت بنوێنی
نانی سەپانی خۆت بەدەست بێنی	ڕیشەی تەمبەڵی لە بن دەربێنی
***
چاکی و پیاوەتی بەرمەدە لە دەس	بۆ هاشەوهوشە گوێ مەدە بە کەس
وەنیە تۆ کەو بی و ئەم دنیا قەفەس	بڕۆ هەر لایە کە ئارەزوت هەس
***
ڕۆڵە! پیاوێکی تەواو پیاو بیت	لەناو مێژوودا خاوەنی ناو بیت
بۆ گەل و هۆزت دەروون سووتاو بیت	نەک وەکوو یارۆ شێتی دراو بیت
***
نە بەرتیلخۆر بە، نە دووعانوس بە	نە نۆکەر ئاغا بۆ نانەخووس بە
نە شێتی کچان نە شەیدای لوس بە	دوژمن بەگیانی دەستەی جاسوس بە
***
ڕۆڵە بەدایم ڕووکەرە خوا	هەرچی گا کێڵای، نابێ گا بیخوا
نیوەی دەسڕەنجت، هەر بۆ بێنەوا	خۆت ڕسوا مەکە بۆ کراس و کەوا
***
ڕۆڵە! هەر کاتێ کەوا من مردم	لە ناو گۆڕخانە تەسلیمت کردم
مەڕوانە بۆ ئەو ڕەنجە من بردم	مەڵێ من تورکم وەکوو تۆ کوردم
***
هێندە بخوێنە کە خوێندەوار بی	لەناو کۆمەڵدا زرنگ و هۆشیار بی
بەناوی چاکە تۆزێ دیار بی	چ لە لادێ بی یا خۆ لە شار بی
***
ڕۆڵە! سەد دەخیل مەلایی مەکە	ئیشی چاوشۆڕی و ڕسوایی مەکە
درۆ و دەلەسەی خۆڕایی مەکە	خۆت بە مەحکوومی ئاوایی مەکە
***
ڕۆڵە هەرکەسێ کە هۆشیار نەبێ	بۆ گەل و هۆزی خزمەتکار نەبێ
ئەگەر برات بێ لە لات یار نەبێ	دڵت بۆ ئیشی بریندار نەبێ
***
ڕۆڵە نۆکەری بۆ ئاغا مەکە	کڕنوش بۆ خانم بۆ کوێخا مەکە
لە شێخ و سۆفی مەڕحەبا مەکە	بە درۆ و چاوەڕاو نان پەیدا مەکە
***
ڕۆڵە تەماکار مەگرە بەبرا	خۆت بسوتێنە و ببە بە چرا
بۆ سوودی هۆزت دەس کە بە هەرا	درۆ و دەلەسەی ناپیاو دەرخرا
***
ڕۆڵە عیسایی یا خۆ مووسایی	مەچۆ بەگژیا هەر بە خۆڕایی
هەتا ئەتوانی بە دڵنەوایی	بیهێنە سەر ڕێ، ڕێگەی برایی
***
چون ڕۆژێ ئەبێ کە بە کارت بێ	بۆ باری شانت کە خەمخوارت بێ
لە خەم خواردنا ئەویش یارت بێ	وەک برای پشتی هەر هۆشیارت بێ
***
ڕۆڵە من داییم نامێنم بۆ تۆ	هۆشت بە خۆ بێ، نەبی ڕەنجەرۆ
بە هووشەی زۆردار، مەبە دەسخەڕۆ	لەسەر خوو و ڕەوشت پیاوانە بڕۆ
***
ڕۆڵە من زەمان یارمەتی نەدام	هەلێ هەڵنەکەوت بگەم بە مەڕام
داییم گەردن کەچ کڕنۆشی سەلام	لارەمل بەردەم ئاغا و مام کوێخام

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).