وەرە بادی سەبا قوربانت بم وەک برای جانی
Jump to navigation
Jump to search
| وەرە بادی سەبا قوربانت بم وەک برای جانی | کە ڕۆژی هیممەتە ئەمڕۆ بەناو لوتف و ئینسانی |
| دەخیلت بم بە خۆشڕەوی بە تەبعیی ئێمە عەینی مەتلەب | لە بازاڕی محبەتدا نەکەی فکری گرانجانی |
| لە خەڵوەتخانەی خەمدا ئەمەندە مات و مەحزوونم | وەکوو زوڵفی پەری ڕوویان سەری لێدام پەرێشانی |
| زەمانێکە لە ئەحواڵی خۆشەویستێکم بێ خەبەر ماوم | بە جارێ شیفتەیی کردووم فیراق و دەردی هیجرانی |
| کەمەر بەستە کوڕانە چاکی داوێنت بە لادا کە | ئەگەر تۆ ساحیبی شەرت و وەفاو و عەهد و پەیمانی |
| ئەسپابی سەفەر ڕێک خە قوربان دەستم بە دامانت | مەکە سستی بە چوستی بەستە پیتاوی سەفەر ئانی |
| بە ڕێگەی حەوت خوانی شارەزوورا هەر وەکو ڕۆستەم | ڕەخشی هیممەتت مەردانە بهێنە گەرم و جەولانی |
| نەبێ چاوت لە هاژەی زەڵم و قاژەی تانجەرۆ و ڕیشێن | سەری خۆیان لەبەرد دەدەن لە ڕێگای جەهل ناوانی |
| ئەگەر هات زەڵمی زاڵم فکری زوڵمی کرد بە چالاکی | بە تیغی جان ستانی سروەکەت دەربێنە ئیمانی |
| بە مەغرووری شەپۆلی تانجەرۆ مەنعی عبووری کرد | بە شمشێری شنەت لەت کە دڵی هیچ مەیدە ئامانی |
| لە ڕیشەی بێنەدەر «ڕیشێن» بە سۆزت یەختە ساری کە | هەتا ماوە نەیبینێ کەی بەچاو سەددی بناوانی |
| بە چۆڵی بێکەسە بێکەس ئەو ڕۆی ئامان موقەییەد بە | لەناکاو نەک یەخەت بگرن چەتەی بێ ڕەحمی ویژدانی |
| لە «عەربەت» لا نەدەی نەک بتگەزن دووپشکی زۆر پیسە | سەراپا وەک بزن تووکن هەموو ڕەش ڕەنگی قەترانی |
| دوو پلکی شاپەلت توند کە لە قوبەی گونبەدی گەردوون | بە تووندی و تیژی تێپەڕکە هاتا شاری سلێمانی |
| بمێنە ساتێ تێفکرە لە نەزم و وەزعی ناوی شار | حەدیقەی وەک بەهەشت و ناز و عیشوەی حوور و غیلمانی |
| بە دیققەت سەیری قەسر و قسور و نەخشی شیرینی | تەلاری وەک غەوەرنەق جووت لەگەڵ کەیوان و ئەیوانی |
| لە وێوە زوو بجوڵێ لەنجەکە تا پردی قلیاسان | ئەبینی ئاوی ساف و عەنعەنەی باخ و گوڵستانی |
| لایە شەعشەعەی ڕووی گوڵ لەلایە نەغمەیی بولبول | لەلایە چەهچەهەی سوڵسوڵ لەسەر سەرووی خەرامانی |
| دەمێ فاریغ بنیشە لەو گوڵ و گوڵزارە ڕەنگینە | بە شەوق و زەوقەوە دەم دەم بنۆشە ئاوی حەیوانی |
| بمێنێ تا بمێنێ گونبەدی گەردوون لە دەورانە | لە وەختی سەخت و بێ وەختا کە تۆ جێگەی ئومێدمانی |
| لەوێ هەڵسە بەدەربەندا ئەچیتە «چەمچەماڵ» یەکسەر | مەوەستە تا «مەقان» و دەوورەی پێچی «مەلاکانی» |
| لەوێ مێزەرێک ببەستە بە«کەرکووک» دا ئەڕۆی ئامان | بخوێنە ئەدعییەی حفزت لە فیتنەی چاوی تورکانی |
| لە هەر لایەک ئەبینی بێچوە تورکانی کەمانداران | ئەپێکن مەل لە ئەوجا ئەو بە غەمزە ئەو بە موژگانی |
| خودا کردی نەجاتت بوو بە سەلامەت ڕوو بەرەوو «هەولێر» | بە سورعەت تەی بکە چۆڵ و دەشت و سەحرا و بیابانی |
| لەکاتێکدا بە مەسروور یکە هات داخڵ بە هەولێر بووی | بکە دەورێ بەسەر بازاڕ و جادە و قەیسەری و خانی |
| لە پاشا ساتێ ئیسراحەت بکە قەلبت تەزووی دەرچێ | بشۆ چاوت لە تۆز و گەردی ڕێ وەک مەردی نوورانی |
| بە مەشاتەی ئەدەب رووی خۆت جەلا دا عەینی ئاوێنە | ئەدیبانە بچۆرە خزمەتی «گیوی موکریانی» |
| نەجیب و عاریف و کامیل ئەدیب و شاعیر و فازیل | وەک خورشیدی تابان شوعلە بەخشە نووری عیرفانی |
| دەرەخشا نوکتەی شیرین و وردیی مەتبەعەی تەبعی | بە نووکی خامەی موشکین ئەنووسێ خەتی ڕەیحانی |
| لە قەبرا گەر ببینێ نەقشەکەی وێنەیی بەرزیی | ئەکێشێ ئاهی حەزرەت تا قیامەت ئارەزوو مانی |
| بڵێ ئەو یاری دڵ بێچارەی موشتاقە بە دیدارت | ئەگاتە گونبەندی گەردوون لە دووریت بانگ و ئەفغانی |
| لەبەر چی چاری ناکەی یادی فکری ئەو جگەر پارە | تاماشاکە لە هیجرانت نە سەر ماوە نە سامانی |
| لە بەندینخانەیی خەمدا بە ڕۆژ و شەو وەکوو مەحرووم | زەڕەی زنجیری محنەت دێ لە پێیدا میسلی زیندانی |
| ئەگەر پرسی لە ئەسڵ و سیلسیلەو ناو و لەقەب فەرموو | «کەریم» ئیسم و لەقەب ناتیق پدەر مەعرووفی وەسمانی |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse