ولە (II)
Jump to navigation
Jump to search
| خاڵۆ! مەنزڵ چی سەرکەردەکەی دەرد | تەمام بە تۆ بێ ئاخ یەچێشت کەرد |
| وەختێ بەو گەردەن سیم سافەوە | چون وەش غەزاڵان و بۆی نافەوە |
| دەورمدا نەپێچ ئەو کاو ئەوبەردە | بۆ پەخشانیش بێ ئەی هەرد بەوهەردە |
| ئەو بۆ جەو تەرەف سۆب نەسیم ماوەرد | هەردەم جە دووریش زام سارێش مەکەرد |
| خەیلێ دێرت کەرد ئافەرین چەپ گەرد | بەو بۆ دڵ شاد بیم ئەوچیت لابەرد |
| ئیسە ئەو گەنجە، بەو لارەو لەنجە | ڕەنجە کەرد پەنجە، شی پەری «پەنجە» |
| ئەی خوا: سا تەن، وەی زام خەریکی | دیدار وەی دووری، مەرگ وەی نزیکی |
| ئەو لای کێ بەروون ئەی ڕاوتەدبیرە؟! | ئاخ! جەی تەدبیرە، داخ! جەوتەقدیرە |
| خەیر، مەینەت زەدەی جە گیان هەراسان | بەختە سیاکەی وێش زووتەر ناسان |
| فانی بێ ئەو هەم جە دووری دڵبەر | نەک جارێ، سەد جار «الله اكبر» |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse