وطن توركوسى
Jump to navigation
Jump to search
ايشته عدو قارشيده حاضر سلاح ،
آرش ، يكيتلر وطن امدادينه !
آرش ايلرى آرش ، بزمدر فلاح ،
آرش ، يكيتلر، وطن امدادينه !
شان وطن ، حفظ بلاد و عباد ،
ايتمه ده در سونكوكزه استناد ،
ملتى أيلرميسكز نامراد ؟
آرش ، يكيتلر، وطن امدادينه !
جمله مزك والده مزدر وطن ،
مر كسى لطفيله اودر بسله ين
باصدى عدو كوكسنه بز صاغ ايكن
آرش ، يكيتلر، وطن امدادينه !
رهبريمز غيرت مردانه در ؛
هر طاشمز بر نيجه بيك جانه در ؛
جانه ده كل ميل بوكون شانه در ؛
آرش ، يكيتلر، وطن امدادينه !
ياره نشاندر تننه أرلرك ،
موت ايسه صوك رتبه سيدر عسكرك ،
آلتى ده بر اوستى ده بردر يرك ،
آرش ، يكيتلر، وطن امدادينه ! ...
نامق كمال