هەی نائومێدی

From Wikisource
Jump to navigation Jump to search
هەی نائومێدی  (1881) 
by وەلی دێوانە
هەی نائومێدی، هەی نائومێدی هەی ڕەنجەڕۆیی، هەی نائومێدی
هەی یاران چون من بەدبەختێ کێ دی پەی هاڵ نەزانی ڕووم کەرد نە بێدی
چۆڵان تەی کەردم «جەبەڵان» یەکسەر جە تووس و توون بیم یاوام وە تەبەر
هەردەی نەجد قەیس گشت دام وە پاوە پەروانە دەستوور سەر وە سەوداوە
یاوام بەو زامن ماوای قیبلەم بێ مەکان و مەسکەن گوزەرگای «شەم» بێ
هەوران چۆڵ دیم زامن وێرانە بایەقوش بەستەن جەو مەسکەن لانە
نە دەنگ دەییار نە سەدای یارەن دەنگ وێرانە «وادی القَهار» ەن
پەرسام بایەقوش هامدەرد دەردم ڕەفێق هامڕاز ناڵەی نەبەردم
من «پەروانە»ی وێڵ وڵگەی دامانم جانشین «قەیس» شای کەم فامانم
کۆشی کۆچ لەیل شای شەم جەمینم گوشادی خاتر خار خەمینم
بایەقوش واتش: «پەروانە»ی کەم فام ئیسە ئامانی وەی ماوا و مەقام
کۆچ خێرش کەرد لوا وە لێڵاخ پەی من حەسرەتمەند پەی تۆ ئاخ و داخ
وە ئیقباڵ نەحس وێم دامامەوە نائومێد جە شەم هەم ئامامەوە
یاران هامسەران نائومێد وێم هەی عەبداڵ «بەڕ» دوور جە زێد وێم


This work was published before January 1, 1929, and is in the public domain worldwide because the author died at least 100 years ago.