هەر من خەمبارم
Jump to navigation
Jump to search
| هەر من خەمبارم، هەر من خەمبارم | هەر من خەمینم، هەر من خەمبارم |
| هەر من «پەروانە»ی «شەم» نادیارم | هەر من سەرگەردان زوڵمات تارم |
| هەر من ستارەم جە نەحسی پەستەن | هەر من ڕای شەشدەر نەردم دەربەستەن |
| هەر من چون مریخ خارجەن یانەم | هەر من بەدنامیم پەخشەن جە عاڵەم |
| هەر من کوشتەی نێش عەقرەب ژارەنان | هەر من ڕیسوای دەور ڕۆزگارەنان |
| هەر من زیج نەحس کەفتەن وە بەختم | هەر من سزاکێش ئازار سەختم |
| هەر من «دەلو»ئاسا نە قەعر چاهم | هەر من چون مەجنوون چارە سیاهم |
| هەر من ئیقباڵم نەردەن نەدارەن | هەر من چون فەرهاد کۆکەنیم کارەن |
| هەر من فریشتەی دەوڵەت خامۆشم | هەر من چون بەهرام نمەد وە دۆشم |
| هەر من جە ڕای دین بێزاریم وەستەن | هەر من چون سەنعان زوننارم بەستەن |
| هەر من جە تانەی ڕەقیب ناهاڵ | هەر من شادی و زەوق دنیام بی بەتاڵ |
| هەر من پەروانەی پەشێو حاڵەنان | هەر من شەو تا ڕۆ شەم خەیاڵەنان |
| هەر من جەو سەبەب ستارەی چەفتم | هەر من شەم ئائین جە شەم دوور کەفتم |
| هەر من وە بێ «شەم» گڕاگڕ گڕیام | زەنگ بەد نامی نە عالەم زڕیام |
| هەر من گشت پەی شەم خاترم ڕێشەن | هەر یاران عیلاج دەرد من چێشەن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse