هیجری نەزانان
Jump to navigation
Jump to search
| هیجری نەزانان، هیجری نەزانان | تۆ بە حاڵی دەرد ئێمەت نەزانان |
| من سەیدی سەردار سوپای دێوانان | کوشتەی دەردی عەشق زەدەی هیجرانان |
| تا وانم کیتاب، دەرسی عەشقم وەند | مۆری دڵ بە سەجع نامی عەشقم کەند |
| جە مەکتەبخانان تا کە مەشقم کەرد | عالەم مەزانان مەشقی عەشقم کەرد |
| تا کە جوان بێم نە سەودای یار بێم | هەوای عەشقم بێ پەوچی سادار بێم |
| بە ساداری عەشق یاوام بە پیری | ئەسڵا ڕام نەکەوت من وەلای ژیری |
| نەووەهاری عومر جوانیم ویەرد | گا چەنی هیجران، گا بە داخ و دەرد |
| هەر شێت و سادار، بیابان گێڵ بێم | چمان من جادار مەجنوونی وێڵ بێم |
| سەیدی تا زیندەن چەنۆ دەردەوە | چوون «مەجنوون» وێڵەن، بە ڕووی هەردەوە |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse