هامسەران تارەن
Jump to navigation
Jump to search
| هامسەران تارەن، هامسەران تارەن | ئیمساڵ بیناییم تاریک و تارەن |
| زەوق زیندگیم چون ژار مارەن | دنیا جە دیدە «وادی القَهار» ەن |
| گشت عاڵەم نە وەقت فەسڵ نەو وەهار | شاد مەبۆ وە زەوق گوڵان و گوڵزار |
| من ئیمسال وەهار شادیم ناشاد بێ | پەرێشان جە گشت ڕەنجم وە باد بێ |
| بوڵبوڵ شاد وە گوڵ من ڕەنجەڕۆ بیم | ڕەنجەڕۆ جە زەوق وەهار نۆ بیم |
| ئیمساڵ نەووەهار فێشتەر جە ساڵان | ڕازانش ڕەونەق ڕەنگ گوڵاڵان |
| هەردان، هەڵەتان، ساران، هەواران | خەیمە گوڵپۆشان خاستر نە جاران |
| من هەر گوڵزار نە دیدەم خار بێ | هەر سەوزە وەنەم وە ژار مار بێ |
| هەر چەمەن سەودای جوانیم جا کەرۆ | هەر لالە سەودای دەروون داخ کەرۆ |
| هەر شکۆفەی شەوق شێوەی «شەم» پێش بۆ | دیام وە پێشدا خاترم ڕێش بێ |
| وەهارێ وەی تەور خۆ جە لام دوور بێ | چەمان نە دیدەم نێش زەنبوور بێ |
| ئای خۆزگە وە ساڵ نەووەهار پار | هەر ڕۆ سوب سەحەر مەدیام باڵای یار |
| وەهار ئیمساڵ پەشێو جەستەنان | دوور جە دنیا و دین ئانە خەستەنان |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse