هامدەردان دەخیل
Jump to navigation
Jump to search
| هامدەردان دەخیل... | هامدەردان هانام ئەو ئێوەن دەخیل |
| دەرد بێ دەوای چەند کەس پەی عەلیل | سەردان نە دەروون جەفایی زەلیل |
| جە شوومی چارەی خەستەی دڵ کەلیل | چمان ڕەنجووران ئاهووی سەر دەلیل |
| ئەو دڵبەر گەردەن بلووری پڕ نوور | لەتیف ئەندامیش خەجڵەت دەر وە حوور |
| نەزهەت جەننەت جەوانیش مەهجوور | جە سەنای فیرقەی فوسەحای مەشهوور |
| ها ئیسە ئەووەڵ سەدای سوور دەرد | گوڵشەن بەهەشت حۆسنش پەشێو کەرد |
| جەور ڕەنجووری لەتیفش بەردەن | نوورین بلوورش پڕ کەدەر کەردەن |
| سا سرافیل سا دەخیلەن ساقی | هەر تۆنی تەبیب دەردان وە تاقی |
| با بێ بۆی نەفحەی سانیەی ڕەحمەت | پەرێش نەمانۆ هیچ ڕەنج و زەحمەت |
| ئەندامم تەمام وشک بای جەفا | بچەشۆ پەی پەی مەزەی مەی شیفا |
| بەڵ خەستەی خەمین جەفایی زەبوون | خەلاس بۆ جە دەس دای سەراندەروون |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse