نە دڵەی خەمان پەی چی خەفتەنی
Jump to navigation
Jump to search
| دڵە وە سەنگ بای ... | هەرزەی هارجایێ ساڵێ وە سەنگ بای |
| یەی ڕەنگ دوژمن، دووس دووڕەنگ بای | پەرێ ناکەسان حەیفەن وە تەنگ بای |
| نە دڵەی خەمان پەی چی خەفتەنی | وەی دونیا ڕۆشن مەر نەشنەفتەنی |
| خرسێ ڕەفیقی لووتی کەردەبی | دایم ڕووحشان وە یەی پەردە بی |
| نە دڵەی باخی هەردگ هامدەم بییەن | لەو هامدیدا، بڕێ لە خەم بییەن |
| خرس وات وە لووتی: بینایی چەمانم | ساتێ سەر بنەیر وە ڕووی دامانم |
| تا من ژەی باخە موستەحفەز مەبووم | کشیکچی خەڵقان دەخڵ زەڕ مەبووم |
| لووتی کەمەرگاش لەهەم کردەوە | نە سای خانەباخ خەوش بردەوە |
| چوونکە خوراکی نەوجا میوە بی | وە دەور لێوی شیرەش پێوە بی |
| مەگەزەیل جەم بییەن وە دەور چاوی | موهڵەت نمەدان بوەروو خەوی |
| خرس کە ئەیدش دی جەرگی بریان بی | پەی برادەرش دیدە گریان بی |
| پەخشەپەڕانیی برای وێش مەکەرد | وە نێش ناخوون سینە ڕێش مەکەرد |
| لوا یەی سانێ وەبێ کینەوە | وە غەزەب ویر داشت، گرت وە سینەوە |
| چوونکە نادان بی دەست لێش جودا کەرد | کەلەی برای وێش وە تووتیا کەرد |
| هەرکەس وە دووس نادان ڕزاشەن | ئاخر چوون لووتی، ئینە سزاشەن |
| سەر یاقوو وە دووس نادان گرتنەت | فرە نییەن مەحنەت زویخاو وەردنەت |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse