نە «شەم» جیام من
Jump to navigation
Jump to search
| نە «شەم» جیام من، نە «شەم» جیام من | «پەروانە»ی پەشێو نە «شەم» جیام من |
| مەجنوون بەدبەخت چارە سیامەن | شەم داخ حەسرەت وە دڵ نیامەن |
| قەیس ئاسانە خێڵ شای شەم مەندەن | وێڵ دەربەدەر فام پەرکەندەمەن |
| تەن تەنیای بێکەس یانە بێدیمەن | گون نە گێج بەحر نائومیدیمەن |
| سیاتەر نە سەنگ هەوارانەمەن | عەبداڵ بەڕگێڵ دیارانەمەن |
| مەنزڵ نە ماوای توون تەوەسمەن | جەفا و بێسوود و ڕەنج وە عەبەسمەن |
| عازاو مەینەت سەد کۆ بارمەن | پەرێ دین دۆس ئینتیزارمەن |
| چەنی وەحشیان ڕۆ هامڕازەمەن | شەو نە شکەنجە گیرو گازەمەن |
| چەمەڕای ڕای دۆس لێڵاخ نشینمەن | بە ئەسر حەسرەت دیدە نمینەن |
| هەراسان نە قەوم بێزار جە زێدمەن | دەست نە «شەم» بڕیا دڵ نائومێدمەن |
| تا وە ڕۆی مەحشەر مات و مەحزوونمەن | سۆز سەودای عەشق «شەم» نە دەروونمەن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse