نەوسیوەیل بێ دەرد
| نەوسیوەیل بێ دەرد ... | ئێمە دەردەدار، نەوسیوەیل بێ دەرد |
| بێ دەرد، بە وێنەی تۆفی هەوای سەرد | تاراجی دووکان چەمەنانش کەرد |
| چەند پارچە خەزان ڕەنگ ڕەنگی ئاڵا | ڕەنگی ئاڵاشان نەڕووی خاک ماڵا |
| دیبای فەرەنگی جە تەرزی خەزان | کەردەن هەوای سەرد نەو پایز هەرزان |
| ئێمە باری خەم، تەن خەستەی زویر | شیەنمان جەڕەنگ خەزانان جە ویر |
| ئەر سەد ڕەنگی خەم، مەپۆشان خەیاڵ | مەخسەڵ ماڵ مەکەرد، خەزانانی ئاڵ |
| هەوای نەوپایز جە هاڵ نەزانی | خەزان ڕێزان کەرد، ڕەزان خەزانی |
| ئیسە ئێمە و دەرد، جەفای ڕۆزگار | دەست نە گەردەنیم، تا فەسڵی وەهار |
|
This work was published before January 1, 1931, and is in the public domain worldwide because the author died at least 100 years ago. |