نەورۆزنامە (I)

←

نەورۆزنامە (1953)
by قانع

→

307215نەورۆزنامە1953قانع

موبارەک بێ بە سەربەستی کە ئەمڕۆ جەژنی لاوانە	موبارەک بێ بەدڵخۆشی کە جەژنی میر و گاوانە
موبارەک بێ کە ئەم نەورۆزە جەژنی میللەتی کوردە	موبارەک بێ بەدڵخۆشی کە جەژنێکی قەدیمانە
برا ئەم ڕۆژە ڕۆژێکە کە جەژنی میللەتی کوردە	برا ئەم ڕۆژە ڕۆژێکە کە فەخری هۆزی کوردانە
لە نەورۆزا بوو کەیخەسرەو چووە سەر تەختی ئێرانی	هەر ئەم نەورۆزەیە ڕۆژی جلووسی شا کەریم خانە
لە نەورۆزا بوو کاوە، مێشکی زەححاکی کە دەرهێنا	هەر ئەم نەورۆزەیە ڕۆژی فتووحاتی هەڵۆخانە
لە نەورۆزی هەزار و بیست و پێنجی هیجریا بوو خۆ	لە شاری «زەڵم» خان ئەحمەد چووە سەرتەختی شاهانە
قڕی خستە «قزڵباش» و شکانی هێزی «تەهماسیب»	تەماشای بەندی مێژوو کە بە ڕووناکی نمایانە
دەسا گوێڕاگرە میللەت کە چۆن ئێستاکە داماوی	لەداخی سەر کزی تۆیە کە قانع جەرگی بریانە
دەسا چاکت بەلادا کە لەمەیدانی فیداکاری	بەرابەر دوژمنت هەردەم بنرکێنە بە شێرانە
دەسا ڕاستۆ بن ئەی میللەت هەتاکەی مات و بێ هۆشن	لەبەرچی خاکی نیشمانت لەبۆ تۆ کونجی زیندانە
لەبەر چی لاوی خوێن گەرمت پەشێو و مات و بێ ڕەنگە	لەبەرچی گەنجی هۆشیارت لەبەر تۆ جەرگی داغانە
لەبەر چی کەوڵی خۆت ئەمڕۆ وەکوو ڕێوی بە کوشتی دای	بەدەس خۆتە سووتاوی تەداویت سەهل و ئاسانە
پشتی یەک بگرن لە دڵ دەرکەن ڕقی یەکتر	... خەمی یەکتر بناڵێنن بە مەستانە
برا بن غایەتان یەک بێ برایی غایە یەک بوونە	ئەوەی کۆمەک بەبیرت بێ لەهەر لا بێ براتانە
بڵێ لاوێ وەکێڵم بێ کە هاوبیر و کە هاوخوێنە	بڵێ لاوێ وەکێڵم بێ کە وەک من جەرگی داغانە
بڵێ لاوێ وەکێڵم بێ وەتەن نەفرۆشێ بۆ پارە	بڵێ لاوێ وەکێڵم بێ لە بۆ من هەر لە گریانە
دە قانع سەرکەوە بۆ سەر منارەی بەرزی ئامانجت	لەوێدا بانگی مللی دە و بڵێ وا ڕۆژی نیشتمانە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).