نووبهارا بچووکان/دیباچە
بسم الله الرحمن الرحيم، مەبدەئێ هەر علمەکی ناڤێ عەلیم
حەمد و سەنا و شوکرانی، ژ بۆ وی خالقێ ڕەحمانی
کو فەساحەت و بەیان دایە لیسانی، لسان دایە ئنسانی
هندێ سەلەواتن هەمی، ل رەسوولێ مەیێ ئوممی
کو بوونە پەیرەوێ د وی، عەرەب و عەجەم و کورمانج و روومی
ژ پاش حەمد و سەلەواتان، ئەڤ چەند کەلیمەنە ژ لوغاتان
ڤێک ئێخستن ئەحمەدێ خانی، ناڤێ «نووبهارا بچووکان» لێ دانی
نە ژ بۆ ساحب رەواجان، بەلکی ژ بۆ بچووکێت کورمانجان
وەکی ژ قورئانێ خلاس بن، لازمە ل سەوادێ چاڤناس بن
دا ب ڤان چەند رەشبەلەکان، ل وان تەبیعەت مەلەکان
دەرێ زیهنێ ڤەبیتن، هەرچی بخوونت زەحمەتی نەبیتن
ئومیدا مە ژ تفالان، کو مە عەمەل بەتالان
د وەقتێ دەور و دەرسان، بکن ئینعام و ئیحسان
ب دوعان مە بیری بینن، فاتیحا ژ مە را بخوونن!