نوسخەی عشق
Jump to navigation
Jump to search
| هامسەران تەو بی ... | ساڵێ سەر تا پام لە کوورەی تەو بی |
| بێمار بیم قوەتم لەبار و لەو بی | سفیدی ڕوو ژەم سیاهیی شەو بی |
| بار غەم نە دۆش مەلوول مات بیم | سەفەر کیش ڕای هات و نەهات بیم |
| پیاڵەی شەربەت ئەجەل چێشم بی | چەنی عیزراییل گەردەن کێشم بی |
| گا ئاخ مەکێشام گاهی مەوەردم | هەر ساتێ تۆنی خەیاڵ مەکەردم |
| دندان تەمەع دونیا کەندەبیم | وە لاشەی مردە و سەر زیندە بیم |
| دیم دەسێ ئاما بگێرۆ دەسم | واتم قابزەن ئاما پەی قەسم |
| من کە بێهۆش بیم، بەدتەر چی هۆشم | دیم سدایێ وە نەرم ئاما وە گۆشم |
| وات هەی دەردەدار دوور نە سەفا و سەیر | مەر تۆ چێشتەن عاقبەت وە خێر |
| من خۆ لاڵ و لەنگ بێهۆش کەفتەبیم | هەرگز حەرف خێرکەس نەشنەفتەبیم |
| بەڵێ ئەی سدا شنەفتم وە گۆش | چوون ئاشنا بی لێش ئامام وە هۆش |
| گۆش دام وە دەنگش هوونم ئاوەرد جۆش | چوون ئاشنا بی پۆش پێم هۆش ئاوەرد |
| واتم ساحێب دەنگ ئەسڵت عەیان کەر | کەس نمەشناسم نامت بەیان کەر |
| وات هەی دەردەدار ژە دەروون عاسی | باڵ چەو وەردار بەڵکەم بشناسی |
| دیدەم تەم ئاوەرد بوینم زەنگش | ئەما یەکڕیزی گۆش دام وە دەنگش |
| دیم لەهجە لەهجەی لەیل خۆش ئەدا | خەمیازە کێشام ئەکسەم وە پت دا |
| هاز هات وە زانوو، قوەت هات وە دڵ | یاوام وە عرق شکۆفام چوون گوڵ |
| چەنگ محکەم کەردم نە ڕووی دامانش | گریوام و زار بیم وە ئامانش |
| واتم یە تۆنی بێ ڕاگە و ڕەوشت | بێزار ژە خاسان، مەیل مایل وە زشت |
| تۆ هەر لەسان پێرارەکەت بی | هەریە شەرت بییەن ئەقرارەکەت بی |
| من واتم ساق بووم دڵشادم بکەی | نەواتم لە مەرگ ئازادم بکەی |
| وەلحاسڵ هەر تۆ تەقسیرت نییەن | گوڵ شۆخەیل شوغلش بێبەفا بییەن |
| بارێ فکرێ کەر وە ڕەنگ زەردم | قەوڵم ئامانەن، گرانەن دەردم |
| دیم ڕووش سفید بی شای سووسەن خاڵان | چوونکە حاڵزان بی، حاڵزان حاڵان |
| گوشادیی لەبان بەدەخشانی کەرد | غومچە شکاوا دوڕەفشانی کەرد |
| وات حاڵت چوونە؟ واتم پەشێوە | وات هەروا بییەن ئەحواڵ لێوە |
| واتش یە لاشەت گەرمەن لە چێشەن | واتم دڵ ئاگر دووریی تۆ تێشەن |
| وات هوونت کەم کە ئەی بەرگوزیدەم | واتم جۆجۆی هوون مەچۆ لە دیدەم |
| وات ئەر دەروونت پڕ زەخم ڕێشەن | لە میوەی باغان مەیلت وە چێشەن |
| واتم ئەر حەکیم ئیحسان بکێ پێم | سێب تەڵایی زنەخدان سێم |
| ئەر سێب زنەخ دەس نەدەی وەهەم | سێلم مەکێشۆ وە ئەنار مەم |
| وات ئیمجاز ئەنام دەردت چ دەردەن | عاڵەمێ وەی دەرد بێدەرمان مەردەن |
| چوو ناتەو خەمان خەم کەرد باڵانت | وە یاد جەفای بەردەی ساڵانت |
| نوسخەی دەم وە پێت دەردت دەوا کەم | دەوایێ مەیەمە پێت کامت ڕەوا کەم |
| عومرم عەزیزم جەیران ڕەوشتم | داودلەیلەی نازاران کوشتم |
| ئەو نوسخە واتی دەوای من تێشەن | ئەو نوسخە کامەن ئەو دەوا چێشەن |
| خورفەی حوب مرواری | منیشی نە دووریی دەست عەتاری؟ |
| کەردن لێشەن | وێمان مواچیم کۆچان سپیشەن |
| ئاب سێب زنج عەتر لیمۆی مەم | پەی چاشنیی هەریەک قاتی کەر وەهەم |
| ئەو دەوا ها نەو ئاب عەرەق | وە کاسنیی عەرەق گۆنای گوڵ وەرەق |
| بڕێز لە کەتری میهر و بەفا و بەین | ئابدۆ ها نەو ئیشارەی عەین |
| بڕێزش لە ڕووی گڕەی نار دڵ | تا چۆ دڵەی وێش خاس بەیۆ وە گوڵ |
| و کرتەی حەریر جامەی سافش کەر | داخڵ وە فنجان حوقەی نافش کەر |
| لە شام دوو فنجان سەحەر سێ فنجان | سەر وە خێر مەوی لە دەرد ڕەنجان |
| لە فنجان سوبح بێقەزا مەوی | لە فنجان شام مادەرزا مەوی |
| دەس دا وە هەمدا وات هەی بێدادم | سەدحەیف گوڵ خەتمی بەرچی لە یادم |
| واتم هەی خانم خەتمی دوور نییەن | خۆت خەتمی کەردی خەتمی زەروور نییەن |
| منیش گوفتەی ئەو وەجا ئاوەردم | لە دەوڵەتی لەیل دەوا بێ دەردم |
| لەوساوە دەوای لوقمانیم وەردەن | خزرئاسا بیمە لاقەید وە مەردەن |
| لەوسا سەی یاقۆ لاقەید بی وە دەرد | یەعنی شەفام دا زات یەکتا و فەرد |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse